Ngika Ngelekel a Dios
Aikal mlongodech er a omesiou er a Sandei a ouchais sakrament el belsoil er a Rubak a chedaol, ngochotii sel ngii a uchul a omesiou er kid er tal sandei.
Ak kmal di mle ungil mo lemuut er serak bai kues a chiuosech er a mederir tirkal ngeasek el chad er a chelitakl. Aikal chiuosech a ngii sel kmal lungil olsisechakl ra bai kel bok beskemiu.
Ng mla er a tkul omeuachel e omes, lengelakl er tial seked er a rechad el me melai er a techolbechelid er ngii, e a Johanes, el techolb a milsa, Jesus er a Nazareth, el merael bedul ngii el mo melai er a osisiu el techolbechelid. Me ng milkekokil melekoi, eng di ng mlorenges er tirkel mla er a bita er ngii, ea Johanes a dilii a tekoi el ngii a melemolem el dosaod er ngii er eru el telael rak ruriul: “Mesa Ngelekel a Dios.”
Tia osisechakl el ngika el mlulaoch ruchei er a Jesus a dimlak loleker Ngii el “Jehovah” malechub el “Osobel” malechub e “Lolsobel” malechub el “Ngelekel a Dios”—ngii el rokui a a mle sebechel dial. Ng diak, a Johanes a ngileltii a llechukl el locha mle kot lodengelii a rechad el ngii a uldelid el siukang er a klechelid er a rechedal. Ng uluusbech er a teletelel a uldars er a ngelekel a sib el modars el kirel a klengit me a klengitelreng me a ringel me a ongarm er tial robeta el beluulechad me a rechad el ngara chelsel.
Kulengit me bo mobengkek el melebedebek er a telkib er a reksi er sei.
Sera ltobed er a Sers er a Eden, e a Adam me a Eva a mlochemau a meringel klengar. Te milkengii a chesimer el kirel a klengar er a beluulechad me a klengar kid, eng di uaia le chilsmerii a tuangel el kirel a diak a ulebengelel klengar el kirir. Ngokiu a rebetir el ble lungil medengelii e millilt el kirel, e te mocha chelbangel er a kodall er a tech me a chedaol er a rengrir a mo nguemed, el uchul e te mo cheroid er a rengedel a Dios el mo cherechar. Ngera ngkol sebechir el rullii? Ng locha mo er ngii a rolel el tobed er tia el mekngit el omeruul? Kid a diak dodengei el kmo ng kmal uangera tirka el terung a mle sebechir el medengei er a ike el omsodel a tekoi el tir a ngilai er a dirk el ngara sers, e ng di temlemedengei el blechoel el oldars a tenget el mo er a Dios a klikiid, e cherrungel el sib, ngike el kot el sechal mechell er a chermir.
A uriul e a anghel a mlei e smodii el kmo tia el omelenget a mle teletael, el olechotel a tenget el ngii a mo mekedmokl el omtechei er tir el okiu a Osobel er a beluulechad el ngii a mong e mei. “Tial teletael a osisiu ngii me a omelenget er a chimol betik er a rengul a chedam,” a anghel a millekoi. “A leuaisei, … e komo ouchel a rengmiu e omekedong er a Dios el ngara ngklel a Ngelekel er a chelechal mo cherechar.” Meng klengeltengat, eng ngar ngii a rael el mo tuobed me a mo er bab.
Ngara klengar ruchei el derreder er a babeluades, e a Dios a mle yaksok er a Adam me a Eva (me kid el rokui) el kmo se el ngesou a mei el ngara klikiid, e cherrungel el Kot el Ngelekel el Sechal, Sib er a Dios “mle chuarm el kirel a dodai er a beluulechad,”el Apostol el Johanes a silodii el Kirel uriul. Me sel lodersii a kekerei el sib er a klechad, Adam me a ngar medal chedal a ulecholt aikel ngar uldesuir me lultuill er a melnget tngakireng er a Jesus el Ngii a Milngilt. Uriul taem, e sel tabernacle luleba lomais er a chereomel a mlo basio er tial chedaol ruoll e a uriul risei, eng sel templo el Solomon a milkedecherur.
Eng di, sel olengchelel a meral louchel reng me a klaumerang er tir, e tial uldelid lomeruul er a uldars er a klikiid el ngelekel a sib a dimlak el sal ungil loureor, el ngii a mocholt er a chelsel a Chuodel Renged. A blakereng er tir el mle kirel lobengkel tial teletael er a uldars a bebil er a taem eng dimlak el kemanget el chemiil a rasech el mo medirt er a bebul a bad. El ngar ngii di tekoi, ng dimlak el bol kemangel el melakl er a omekeuad er obekul, ma Cain el milkodir a obekul er a Abel er sel kot el telcberoll.
Aikaikid el betok el ongarm me a olibesongel el mla er ngii el meketek el taem, e tiaikid a uchul e a ra anghel er a babeluades a mlengitakl el ngara deureng, er a bocha el temel, a Jesus el mechell—ngkal meketeketang longiil er Ngii el Mesiah. Uriul er a kedeb el klengar Ngii er a beluulechad, e ngika el klikiid er a rokui el ngelekel a Sib er a Passover a kildmkelterir a rultirakl er Ngii el kirel a Kodellel lulchotii er tir a teletelel a sakrament er a Belsilel a Rubak, el ngii okesiul sel chedaol ruoll el mlekedmokl er a ikrel a Eden. Ng dirk melemolem el ngarngii a uldars, ng melemolem el teletael er a omelenget, eng di ng mo dmolech a belkul el olangch el melutk el kirel a kodellel a kristo, er a re dersta el chad e mo diak el kodellel a kot el mechell el sechal ngelekel a sib. A tekingel el mo er a re Nephites, ruriul er a Okiis er a kodellel, eng millekoi Osobel el kmo:
“Ko merekong el diak molenget el mei er ngak lomekeuad a charm. …
“ … Ko mo melenget el mei er ngak loba ngariou el reng me a ouchel reng. Le ngike el mei er ngak loba ngariou me a ouchel el reng, a ngii a mo nguu a techolbechelid er a ngau me a Chedaol Reng. …
“ … A le uasiei e bo mouchel a rengmiu, … me bom sobel.”
Rodam me a rodos er ngak, tial beches el otutel omesubel ebangkelio er a blai, eng klou a ultutelel a bo dolbedebek el kmo ng dirk kired le chedaol llechukl a melekoi el uaisei el “mo er a blil a nglunguuch el mo melai er a sakrament er tiaikid el chedaol sils er ngii.” A ongingil a temed el kirel omesubel ebangkelio er a blai, e a beches el temel a mitilenged sel Sandei a dirrek el mo mengesadel a betok el miting el uchul e bo dolisiich er a sakrament el ngii a belsilel a rubak el kmo ng chedaol, e bleketakl, el kot el moktek er a bek el sandei er ngii. Kid a momedengei el ngara omeroled el ngii a sebechel a Kristo a mlad er a chelam el reng lokiu a rael el di ngii el ngmai a klengit me a klengit el reng er a rokui el telungalek.
Me sola ke de dolchel el mortial berraod, me tial taem a olengit er a omengull er kid. Aki, mengelechel er kemiu el mo mereched el mei er a ikelesia e bom mngara omengull, e ungil loubail e kelmokl el kirel tial chedaol ruoll. A “Teleteled sel Sandei” a uaia le telkib el mla remiid a belkul er chelechal taem, e ultuil er a omengull er kid el mo er Ngii el kid osiik er a rengedel, meng kired el muut el sumecheklii a teleteled a doubail er a ikel de ngarngii.
Kede mo olab a taem, engdi di ungil besul el mo er tirkel chedil el mlo meoud el mei, e obeteterir a rengalek, me a Cheerios el cereal, me a deterir a rengalek el blil a kloklir el cheltekill, e ng di ng mlo sebechir el me teloi er kid. Osisiu el tekoi, e te ngarngii a rebebil el kmal meoud el mei er a ikelsia sel tutau er a Chedaol sils. Tirkaikid, el kmal meoud el mei el chad a ki mdu el kmo a kuk dersta el eoud a dodengelii, eng di alsekum ke di meoud er a bek el Sandei, e aki dmu el kmo bo molasm el mo mereched.
Osisiu el tekoi, e a ki dirrek loba ongterir a re apostol me bo mongkekerei cherrodech er a chelsel a ikelesia me a ikal omekedecheraol er kid. Ng soad el kaiuedingel, e kired—le tia ta er a deureng el mo er tirkel mei er a Ikelesia—eng di diak el kirel mekedmokl er a chelsel a basio el mla moterekokl el kirel omengull. Ak melatk er tirkel me oldingel el diak el chedal a klechelid er kid a locha mo mechas a rengrir a lebebil er a taem el uaia lak a ungil lolchotel omengull er a chelsel a basio el ngii a kirel ngarngii a nglunguuch, chedaol ocholt, me a budech. A babeluades a dirrek locha mo mechas a rengul.
Ng dochelii a chedaol reng er a mitilenged er a sakrament sel sekum e tirkel loungerachel a dengchokl er medal e kldmokl ruchei er a lomuchel a miting, lorrenges a chelitakl e ngara teletelel omengull el kid el rokui a kired loltirakl er ngii el teletael. Alsekum eng ngar ngii a cherodech er a stand, eng diak el bol mechas a rengmam a lengar ngii a cherodech er a seked. Aki chemat er tirkel ngara klebisop el tir a mechei a rua subed el mo uriul taem meng diak longesang er tial chedaol lomengull er kid. Ngak, me ak dirrek, el diak kisa prist el uaia a Zacharias—el ngara templo er a rubak el mocha mengedmokl er ngii el kirel a kmal di chimong e tara chedaol ngarbab el urerel omelenget er a chelsel a klengar ngii—e sola lemeterob er bebul a altar lomeklatk er kid el kmo ng medechel elolem el sandei er a pinewood derby.
Rodam me a rodos, tiaikid el sikang el Rubak a childolii a kot el chedaol sikang er a bek el sandei. Ngokiu a llach, e kede mo keldibel er a bek el merkelel a beluulechad el melai er tial chedaol ruoll er a chelsel a Ikelesia. Ng omeletked er ngii el luleker el kmo tial ringel lebocha loltekau er ngii ng sebechel lengelakl, eng di ng di millmeolem le ngii el mle medengei kmo ng meruul er ngii el kired meng diak el sebechel lochebir er ngii. Ngungil a bo dodengei el kmo a olengchelel tial kob a mekekokil merael lomecherechur a kingall el bedul kid er tiaikid el taem el ngara chimorir tirkel el teruich me a tang malechub eng teruich me a eru rekrir el deacon.
Sel lemerma sel chedaol taem el bo doldars a uldersed el mo er a Rubak, e kede dirrek el ngarngii a kngtid me a chelitechetud me a mondai er kid el kired el mesmechokl sei a uchul me kede ngarsei. Eng di kede locha kmal mo ungil sel sekum e kede melatk er a rebebil el tir a ngara ringel me a klengitlereng el kedibel el meliuekl er a beluulechad el rokir. Tirkel diak dengchokl er a cheroid a dirrek el lilangel-mo tuobed me a lechub eng mo tmuu-lokiu a chelitakl er a Ikelesia me a nglunguchir tikrel re priest. Bai di domtab e dolngeseu el mengelim e oubeltik el reng—el kirir? malechub e tirkel lemangel, rechad er a ikelesia el dimlak el mei er a ikelesia, ng bai di bebil er telengtengil a ngesuid, el ngii a bai locha diak lebo er ngii er sel mei el sandei? malechub e te rodam me a rodos er kid el diak el chad er a Ikelesia engdi tir a rodam e rodos er kid? Ng diak el ngemed a ringel er tial beluulechad, er a chelsel me a ikrel a Ikelesia, a le uaisei e bom kerekikl lomes e kau a mo metik er a kmong techang el kmal loberedang el ringel el ngara chelsel a uaia lak a ulebengelel. A ta er a teletael el sebeched el “mo blechoel melbedebek er ngii”a sel bo dobengkel ngkal Ngarbab el Yoktang er sel diak a ulebengelel Urerel el mesebechakl er tirkel loberedang e mengelaod er tirkel ngara ringel.
Betik er a renguk el resechelik, sel bo de keldibel el meliuekl er a beluulechad er a bek el sandei loba sel urunguled el mo melisiich chedaol klemedengei er kid er a sengk er a tngakireng er a di chimol ngelekel a Dios el sechal, e bo dolai er a sakrament el “meral loba klengitelreng er a rengud el kirel [me a] ringel el kirel a kngtil a rengul el kired.” Me sel dolbedebek, doluluuch, e domekbeches a telbiled, e denguu er tiaikid el chedaol taem a “lmuut el kllouelreng er a ringel, … lmuut el odanges er a ngesou.” Tiaikid el kllouelreng me a ngesou, me a cheledaol me a urunguled, a ngii a nglunguchek el mei er kid el rokui el ngara ngklel ngike el ngii a milebtib er a kot el blauang er a klausubes e uleleiitel er a chedaol bino er a mo suobel, el ngii a Jesus Kristo, el mekreos e chubechub e chedaol Ngelekel a Dios, amen.