Mengedmokl el Kirel sel Luut el mei a Rubak
A Ikelesia er a Uriul-klebesei el Santo a mesisiich e ngarngii a klisichel kudmeklii el kirel sel Ongerung Lemei a Rubak.
Chelsel a eru el sandei, e kede mo outkeu er a Baskua. A Okiis a olterekokl er a chedaol el Jesus Kristo me a ngar el Dios el Chedam. A uldesued a mo chemau a Osobel, e mo omdasu er a “Klengar er Ngii el diak a mo uai ngii ma cherechar el klikiid el ngarbab el tengetengel el tngakireng.” A kuureng el kmo ke de dirrek el omdasu er a di kmedung el luut er Ngii “Ngii a mo merredel el King ra re King e ngarbab el Rubak er a rokui.”
Mekesai el taem er a memong er a Buenos Aires, Argentina, e ak mle teloi er a ongdibel lobengterir a roungerachel er a kakerous el klechelid. A belkil a rengrir el mora rebebil er tir a mle ulecholt. Te mle blak a rengrir el olengeseu er a remetacherbeserir e olengeseu er a rechad me bolak el ngar ongarm me a chelebuul. A kulemdasu er a betok el ngesou el kirir a rechad el blal lekedmokl tial Ikelesia, uldimukl a ureor lobengkel a bebil er a roumerang el chelechad el mle ngara ongdibel. Ak mlo melchesuar ra klou el omereng el saul el kirel a blekokouii er a rechedal a Ikelesia er a Jesus Kristo er a Uriul-klebesei el Santo el rulii meng sebechel tial omesiou el ua Kristo.
E seikid el taem, ea Chedaol Reng a ulecholt a teblo el tekoi el mei er ngak. A kot, a ureor l kirel a usbechelled er tial beluulechad a klou a ututelel. Sel ongerung a dimlak kungerchir er ngii, eng di ng mesisiich e bleketakl. Ng tiaikid—ngaruchei el omesiou, ng imis el klou a ultutelel el dongedmokl er a beluulechad el kirel Ongerung el Lemei a Rubak el Jesus Kristo.
Sel le mei, e a omekcharm me a diak el tabesul lomeruul a diak dil bo lemekesai, ng mo diak:
“A okami a dirrek el mo kiei lobengkel a ngelekel a sib, ea leopard a dmak el mechiuaiu lobengkel a ngelekel a kaming, me a ngelekel a kerbou me a kekerei el raichong ma mengengerengird al charm el dmak; e a kekerel ngalk omekrael er tir. …
“Ng diak bol meringel ma kal metemall er a rokui el chedaol rois er ngak, e le a beluulechad a mo mui er a klemedengei er a Rubak, el di ua ralm ra daob el mla bekeek.”
A chelebuul me a ringel a diak el dil bol mekesai, ng mo diak:
“Te mo diak lolsengerenger, me a ka bol meched a rengrir; me a sils a ka lo luiich er tir, malechub a kleald.
“Ele a Sib el ngara delongelir a mo omeka er tir, e momekrael er tii el mora ngar el madedok; ea Dios a mo smuld a chiuosech er a mederir.”
Dirrek el ringel ma klengitelreng a di mo diak:
“Seikid el sils ea retolechoi a diak el mad dilmerekmo bol uodel; ea klengar er ngii a mo kemanget el ua rekil a kerrekar;
“E sel le mad eng diak bo lobutek a medal, ke de melekoi el uaisei a de ngara beluulechad, ng kang a di mo mengodech er chelel a busech a mad, e mengai el merbab me a ulengellel a kmal mo klebokel.”
Meng uaisei, me bo doruul a rokui el sebeched el mo olngeseu a ringel me a klengitelreng er chelechang, e e kid bo de chau e loba blak el reng er a el mengedmokl aikel ulsbechall el kirel sel sils el ringel me a mekngit a rokui el di mo nguemed, seikid ea “Kristo a [mo] di ngii el mengedered er a beluulechad; ea … beluulechad a mo beches e nguu a klebkellel a baradis.” Tia mo sils er a osobel me a kerrekeriil. A Anglican Bishop er a Durham, Dr. N. T. Wright, a mle ungil smodii a ultutelel a Tngakireng er a Kriso, Okiis, me a Kerekeriil er a mo mesisiich er a diak el tabesul e ngmai a rokui el tekoi el mo er sel meral urebetellel.
Ng dilu el kmo: “A Dios a mla kudmeklii sel sils el beluulechad a mo mukerrekeriil el melemalt el lokiu a chad el ngii a mla tutkii—me tiaikid e ngii a mla oterkeklii el me er kid el rokui er sera lokiisii ngii el chad er a kodall. A klemerang er a Jesus er a Nazareth, tokuni kirel a okisel er a kodall, a dodai er a klemedengei el kmo a beluulechad a diak dil blel le ngii lobeob. Ng diak el di le kaokeangel; me sel doruul a llemalt er chelechang eng diak dousisuau er a milkolk, el melasem to meleketek er a omekedecheraol el ngii a di mo mongkangk, malechub e do ngitituuk er a mlai el ngii a mla mo kirel mechoit. A Dios er sera lokisii a Jesus er a kodall, a mle kekerel tekoi el mlekedmokl loku sel ngarbab e klou el uldasu el ngii a ual blal kekeringii, el ua tane, seltane, er a osengel a klungiaol. A Dios a millekoi, el lulis el mesisiich el diak dudesuii, el kmo a Jesus er a Nazareth a meral mle Messia. … Ng klou el ngodech el ngara reski el, [Jesus] ngii a siliseb er a ongarm me a chelbirukl kerrekeriil, el mlor sel basio lolangch e ngilai a rokui el bedengel a omekcharm me a chelbirukl lomeruul el ngara reksi, e oltekau er a ikal diak el belduut lomeruul, a ikal ilkolk, a ikal omekcharm, a ikal chelbirukel, el ngilai el mo er ngii, e loriid a klisichir.”
Me sera kngara ongdibel er a Buenos Aires el dirk kuluuchais er ngii, ea Reng a mileketeklii el merngak el kmo a Ikelesia er a Jesus Kristo er a Uriul-klebesei el Santo a mla nguu a klisiich e modurch el mo mengedmokl a ikel kirel mekedmokl el bedul a Ongeru el Lemei a Rubak; ma uchul, eng mloluut el kirel seikid el tekoi. Ng sebechem el metik er a rechad el ousemeriar er a chelechal taem el di uai sel lulaoch el “renged er a cherengelel a taem” el Dios a mla rulii el mo “oldak el remenged eldi mo tang er a Kristo”?Alsekum eng diak obetik er chelechang a buai el moktek rngii a mo kudmokl a tekingir a re ngar ma re mla mad el kirel sel sils, alsekum eng dirrek el diak obetik er chelechang a chelechad el sebechel lolngeseu el kirel omengedmeklel sel taem el mo oldak er tirkel telbiil el rechedal el keltmokl elmo melai er a Rubak, eng diak obetik er ngii er a ngidil ker.
Mengedecheduch el mora Ikelesia er sera 1831, ea Rubak a millekoi:
“A kiis er a rengedel a Dios a le ngai a chad el ngar tial beluulechad, e ngar seiked ea ebangkelio a mo merael mong el mora merkelel a beluulechad. …
“Momekedong er a Rubak, me a rengedel bera beluulechad, me a rechad lebol nguu, el bol keldmokl el mor sel mei el taem, el ngkel Ngelekel a me metengel el mla er a babeluades, el blail er a llemesel a klebkellel, el mo mesang a rengedel a Dios el mla mo dechor el nga er a beluulechad.
Ngera sebeched el remuul el kudmoll er chelechang el kirel sel sils? Sebeched el kudmeklid el cahd; sebeched el loldak rtirkel telbiil el chedal a Rubak; e sebeched el ngosukii sel iaksok er a diak a ulebengelel klengar “el miruul mora demad” el tir a rebeldeked. Aikal rokui a kirel mekedmokl el mora ungil e klou a ututelel teletael ruchei er a luut el mei a Rubak.
A klou a ultutelel el kirel a luut er a Rubak a sel ngarngii a rechad er tial beluulechad el kldmokl el mo nguu er sel lemei er Ngii el sils. Ng millekoi el kmo tirkel mo kiei er a belulechad er sel sils “el ngara kekerei el [mora] klou, … a mo mui er a klemedengei er a Rubak, e mes er a mederir, e mo odars a ngerir, meng mo ta ngerir e mengitakl er tial beches el chelitakl, el kmo: A Rubak a mla lmuut el nguu a Zion el mei. … A Rubak a mla odak a rokuil el di mo tang. A Rubak a mla nguu el meriou a Zion el mla er bab. A Rubak a mla nguu el morbab a Zion el mla riou.
Sera irechar, ea Dios a ngiluu a melemalt el mats er a Zion el mo er Ngii. Sel domes er ngii, ea uriul el sils ea beches el Zion a mo nguu a Rubak sel luut el mei. A Zion a mechelins a rengul, el chad el ta rengrir me a uldesuir, kiei lokiu a llemalt el diak a chebuul er a delongelir. A Prophet Joseph Smith a dilung, “Ng kired loba okedecherul a Zion el kot el mo ngaruchei el tekoi.” Ke de omekedechor er a Zion er a rekeblid, ward, branch, me a stake lokiu a kltalreng, kldung, me a dmolech el beltikelreng.
Ng kired el kongei el kmo a okedecherul a Zion a morngii er sel kengaol taem—“sils er a ngasechereng, sils er a omeleseb, sils er a mo nguemed, lemangel, ngara klengit el reng, me a relmangel; el diua iechadedaob el metengel er a rokui el beluu, ng millekoi a Rubak.” Uaisei, el mengedibel el mora stake a mo “kirel lomekerreu, e blid er a eolt, e a ngasechereng sel bol mechubel el cherrungel er a bebul tial rokir el chutem”
El di ua ngara mong el taem, kid “a blechoel el mo kldibel, el mo olsengerenger e mo meluluuch, e kadecheduch el kirel a dousbech er a klengar er [kid] E … mo melai er a blauang me a [ralm], el melatk er a Rubak el Jesus.” El uaikel President Russell M. Nelson a mileketakl er sera klou el ngodibel er tial mlo merek el October, “Sel meketeketang el moktek ra Ikelesia a mo olngeseu ra rokui el chedal el mo melisiich a klaumerang er tir ra Rubak er kid el Jesus Kristo ma Tngakireng er Ngii, e mo olngeseu er tir el meruul e oltirakl a telbiil lobengkel a Dios, e mo melisiich e merenged ra telungalek er tir.” Meng uaisei, eng milisiich a ultutelel a telbiil er a templo, Chedaol Sils, me a omesubel ebangkelio er a bek el sils er a blai, lolengeseu er ngii a uldekdak el suobel el ngara Ikelesia. Ng soad el mo memedengei a kirel a Rubak, e soad el mo medengelii a Rubak.
Sel ngii a ureor er a omeleketek er a Zion a sel mengudel er a chedal a telbiil er a Rubak. Aki oumerang er a mei el cheldellel a klechad era Israel me a okisel aikel Teruich el Kebliil.” A rokui el mo ouchel a rengrir, oumerang er a Kristo, e mo metecholb a chedal er a telbiil. Ngii el Rubak a ulemlaoch el kmo uchei er a luul el mei, ea ebangkelio a mla omerk er a rokui el beluu Ngii] a mo melai er a rechedal, el tir a blai er a Israel,” e seikid eng mo beltel a beluulechad.” A lulemlaoch a Jeremiah a mla mo tmaut:
“Seikid, e mesang, le sils a mei, ng millekoi a Rubak, el tir a mo diak lolekoi el kmo, A Rubak a ngar, el ngiltiterir a rengalek er a Iserael el me tuobed ra beluu er a Ekipten;
“Ng bai, a Rubak a ngar, el ngiltiterir a rengalek er a Israel er a beluu er a diluches; me ak mo ngoititerir el lemuut el mora belurir el kngiluu el msa redemerir.”
A President Nelson a mla mesisiich lomelekl el kmo a “mengedib [er a Israel] a kot el klou a ultutelel el tkeoi el ngarngii er chelechal taem. Ng diak a mengaisisiu er ngii er a klungel, ng diak a mengaisisiu er ngii er a ultutelel, ng diak a mengaisisiu er ngii er a klebekelel. E alsekum me ke ngiltii el mong … eng sebechem el mo tebedechel.” A re Uriul-klebesei el Santo a rechad el di mla blechoel el missionary. Betok er a redart el telael a mla nguu okedong el mora mission er sera lomuchel a Oluut; betok er a reteruich el telael er chelechang a mesiou. Me a, uaikel lulsisechakl a Elder Quentin L. Cook, rokui el chad a sebecherir el ngarngii lomeruul lokiu a beot e merang el teletael, loba beltikelreng, oleker er a rebebil el me obengked er a ikelesia, mei er a rekeblid, mo tebedechel a dengarngii el tekoi. Otebedel a Babier er a Mormon a olangch el kmo a omengedibel a mla omuchel. A Babier er a Mormon a ngii a dongu er a omengedibel me a omult.
Dirrek el tara klou a ultutelel er a omengedmokl el kirel a Ongeru el Lemei a sel klou el urerel osobelir a rebeldeked. A Rubak a mle yaksok el mo odureklii a Elijah el profet ruchei er a Ongeru Lemei, “sel klou e kdekudel el sils er a Rubak,” el mo “odersii a Priesthood” e “dolemii er a rengrir a rengalek sel telbiil el milkedmokl mo er a redemerir.” A Elijah a mlei el uai kel mle yaksok. Sel sils a mle April 3, 1836; ea basio a mle Kirtland Ohio Temple. Ngar seikid el basio me seikid el taem, eng meral uldars ngara yaksok el priesthood, el kiis er a osebelir a re mlamad me a uldekial a rekaubuk el sechal, redil, me a telungalek er a rokui el telecheroll me sils me a rokui el diak a ulebengelel el klebesei. A lak tiang, ea moktek er a omeob er a beluulechad a di mo diak a belkul, mesel denguu er ngii ea beluulechad a mo “medebeakl” malechub eng di mo “cheloit.”
Ngar sel ongdibel er a rengeasek ruchei er a oterkeklel a Rome Italy Temple, betok ra dart el ngeasek el sechal me a redil el mla er ngii a ulecholt el mora President Nelson a card el blal kedmokl el ngarngii a ngklir a rebeldekir. Te mle kldmokl el mo soiseb er a templo el mo meruul a techolb chelid el mortirkal beldekir sel rechedel a templo el mengai a chesmerel. Tia meral mle ungil a rengud er ngii el taem, el ngii a kuk di tara okesiu era ureor lorreche er a okedechrul a Zion er tirkel telecheroll el mla remiid.
Me kede melasem el blak a rengud el meleketek er a Zion, uldimukl a ngercheled el mengedibel er a ngellitel er a Rubak me a osebelir a re mla mad, eng kired el kuk mochelellakl e mo melbedebek el kmo tiang a urerel a Rubak e Ngii a meruul er ngii. Ngii a Rubak er a sers, e kid a mesiungel. Ngii oleker er kid el moureor er a sers lolab a rokui el klisiched er tial mong meng “ulebongel el sils” e Ngii a oureor lobengked. Tia bai locha melemalt a de du el kmo Ngii a mechikid me kede bai oureor lobengkel. A Paulus a dilung, “Ak mla melalem, a Apollos a melubs; eng di a Dios a omdois.” Ngii a orreched er a Urerel er sel Temel. Ng mechikid me kede oureor el medenge ngelsengesed er a ureor, a ikal “mekekerei lurrered,” ea Rubak a mo otobed a meklou el tekoi.
Tial klou e ulebongel el renged a meleketek el mor sel rekil—Zion el ngara beluulechad, el mo uldak ngii ma Zion el ngarbab er ser klebokel el luut er a Osobel. A Ikelesia e ra Jesus Kristo a ruul elmo mengetmokl—e mengetmokl—er a beluulechad el kirel sel sils. Meng uaisei, e tial Pasqua, e de meral loldeu a rengud el kirel a Okisel a Jesus Kristo ra kodall ma ikel rokui el lokesiul: Ngii e lmuut el mei elmo mengederedel el telael el rak mel budech, ma melmalt el lomerrul, e klebechel el kerekeriil el mora re bekl el chad, rokui eldi lmuut elmo ngar el mle kiei er tial beluulechad, mesel telbiil er a diak a ulebengelel klengar. Tiang a ulebongel el olterekokl el kmo a rokui a mo mengai el mor sel ngii a merang. Mei e bo de ngara omeleketek el Zion el mo orchedii sel sils. Lobang a ngklel a Jesus Kristo, amen.