Ouedikel a Chedaol Tech er a Bedenged
El di uai a omenguiu me a omesubel a tech er a bedenged a diak el klou ngelsuir el mo er a tech, a omenguiu me a omesubel a klaumerang el diak louedikel a diak el sal sebechel toketekii a klaumerang.
Ak kmal el dmeu a renguk el kirel klengeltengat el ngar ngii bedengek er a tech, el ngii a kmal ungil sengk el mla er a Demad er a Babeluades. A bedenged a ngar ngii a betok er a elolem el dart a idisel el tech el ngar ngii. Ng betok el tech er a bedenged a kirel ouedikel er a bek el sils meng sebechel el meruul a kltukl el urelel. Ng sebeched el mengoit er a klou el taem el menguiu el mesuub el kirel a tech er a bedenged, engdi alsekum kede omdasou el kmo tiang a mo olngeseu el melisiich, e ng bai mo mekngit a rengud. A tech er a bedenged a mo meklou se el sekum e kede ousbech.
Ak mla mo omtab el kmo a chedaol sengk a dirrek el oreour er a osisiu el teletael. Ng kirel louedikel meng mo meklou. A chedaol el sengki er a klaumerang, a diak el dil omelechesuar me a lechub e ng tsios; ng osisecheklel a omeruul el ngii a blechoel el me duum er a chedaol llechukl el ulak er a tekoi er a omeruul el ouedikel. El di uai a omenguiu me a omesubel a tech er a bedenged a diak el klou ngelsuir el mo er atech , a omenguiu me a omesubel a klaumerang el diak louedikel a diak el sal sebechel toketekii a klaumerang.
Sera elteruich me a elolem a rekik, e a kot el klou el obekuk, er a Ivan, el ngii a mle lluich me a eru rekil er sel taem, a mle remei er a ta er a sils e uluchais a bebil er a chais el obengkel a telungalek. Ngii a mla tibir er a rengul el mo metecholb er a Ikelesia er a Jesus Kristo er a Uriul-klebesei el Santo. A delak me a demak a ulemes er ngii e mekeral kora oumededenger er a rengrir, e ngak a medengei el dimlak sal kmal ungil medengei el kmo ngera mla er ngii. Ng uriul er a ta el rak, e ngii a milskemam a lemuut el mengasireng el chais: ngii a mla tibir er a rengul a mo mesiou el misionari er a Ikelesia, el belkul a kmo ng mo diak kim kasoues el eru el rak. A rechad er a blik a kmal dimlak el sal ungil a rengrir el kirel tia el chais; eng di, ak milsang er ngii a bleketakl el blak el reng el ngii a kilungii a klemat er ngak el mo er ngii me a uldesuel el bla rulii a rengul kirel.
Mlo chuib a telal buil, el Ivan a dirk mesiou el misionari, e ng mla er ngii a techellek el melib er a omerael el obengterir a ki mdak el ngara skuul. Ng mle somam el oldeu a rengmam el kirel a terkel a rak er kemam er a ngar er bab el skuul e mora kederang el kesai el klebesei.
Ak milluches er a tengami er ngak el mo er ngika el misionari el obekuk, e uluuchais er ngii el kirel aika el uldesuek er a terkel a skuul. Ng milluches el mei el kmo tia el basio el bla er ngii el mesiou a bel imiu er ngii el mo er se el lebo er ngii. Ak ulemdasu el kmo ng kmal ungil uldasu el ki bom tuchakl e odngelii. Ng mlo uriul e ak mlo medengei el kmo a remisionari a diak el kirir el bo loldingel er tir a rechad er a blirir.
Ak milngedechuul a rokui. Ak dobedebekii er ak dengchokl er a bas el omdasu aike el rokui el mengasireng el tekoi el ngak ma Ivan a mo meruul er tia el kmal klebokel el ungil sils. Aki mo omengur er a tutau, e mo milil er a chelechol, e melul er kemam er a sils—kmal el ungil taem a ki bo mobang el oldeu a rengmam!
Me tia er a lemei a bas, ak milsa Ivan el dechor er bita er a ta er a ngeasek el buik, tir el terung el oubail a becheleleu e ounektai. Ak mocha metengel er a bas, e a ki mlo kebechull, e ngii a mocha ouchais er ngak el kirel ngika el kldemel. Ngua kulereched, me ak mocha ouchisa er a obekuk el kirel a blak tib el mo meruul er chelecha el sils, e ng di dimlak kudengei el kmo ngerang kuk kirel a Ivan el mo meruul. Ng ulemes er ngak, el klikmechur, e dula, “Boleuaisei! E ng di, ngkiram el ma kot e remuul a chelsengmam el mo merek. Ng sebechem el obengkemam? Ak kilengei, e omdesua el kmo ng locha mo ngar er ngii a temam el mo milil er a kederang er a uriul.
Sel sils, elmle kmeed el teruich el sikang, el kurael er a delul obliil el obengkel a obekuk me a kldemel. Ak di mle klikm el tal sils. Ak kultekeu er a rechad el dirkak a tal kisterir er a klengar ngak. Aki milngedecheduch er a rebek el chad, e millengod a chesmerir a blirir a diak kimodengelterir el chad, e uleldingel er a rechad el obekuk me a kldmel a ulsisechakl er tir.
Chelsel a chimo el odingel, e a obekuk me a kldemel a ulsisechakl el kirel Jesus Kristo me a uldasu er a mo suobel. E solang, e a Ivan a mlo chelellakl e ulemes er ngak. Kora mlo mechas a renguk, ngii a milkekokil el oker er a uldesuek el kirel tia el osisechakl. Tia el delmerab a mlo diak a cherrodech er ngii, e a rokui el mad a mle bedul ngak. Mle meringel, e ng di ak miltik a tekingek e mocha ouchais el kirel a renguk el mora Osobel. Ng dimlak kudengei el kmo ike el ble kuuchais e ng melemalt me a lechub eng cheleuid. A obekuk a dimlak a ta el losmechokl er ngak; e a lechub, ngii a bai uluureng a sulek el mle olecholt a ngara uldesuek me a renguk.
Chelsel aike el taem el kimdilak, a obekuk me a kldemel a dimlak a ta me lolisechakl a osisechakl el di me er ngak, e ng di ak bai siluub a muut el betok el osisechakl el kuk betok er a ike el cheldechedechak el obengkel. Ak milsa er a mederir a rechad el milngodech se el lolai a llemesel a chedaol reng er a klengar er tir. Ak milsa el kmo ng mekera e a rebebil a metik a oureng er a ike el klumech, e ak dirrek el silubii el kmo mekera a dolisechakl er a rebebil e obes er ngak me a ike el soal a renguk. Ak milruul aike el bla lolisechakl a Osobel: “Alsekum e a chad a me osiik er ngak, e bo lobes er ngii.
Se el bo kulbedebek er ngii, ak mo melechesuar el kmo a klaumerang er ngak a mlukeroul er se el sils le uchul a obekuk a milskak a techall el mo meruul er ngii. Ak milruul er ngii se er aki monguiu a chedaol llechukl, ulsiik er a rechad el mo olisechakl er tir, olecholt er a klaumerang, mesiou er a rebebil, me a lmuut el bebil. Ng di mlekea ki bo molai a dichel a sils er se el sils, e ng di a renguk a ngilai a llemesel a babeluades. Ng dimlak a ta el kisa chimol tebtebil a chelechol er a kederang, e ng di ak milchesuar a klaumerang er ngak el ua kekerei el tane er a mustard. Ng dimlak chitii tia el klebokel el sils el di oldingel el chad, e ng di ng kmal mle ungil tekoi ak riruul, e diak kulechesuar, ak mle misionari—e dirrek el dimlak a ta mek chad er a Ikelesia!
Techall el ngii a Smisiich a Chedaol Tech er a Bedenged
Kede mereng a rengud el kirel a Olutel a ebangkelio, meng sebeched el mo medengei el kmo ng mekera e a Chedam er a Babeluades a ngosukid el oldubech a chedaol sengk. Ng oumesingd el Ngii a mo meskid a techall el mo oldubech aika el sengk er a bai dil lolab el omeskid el diak a omelasem er a chedaol me a omeruul. Alsekum e kid mengaisisiu er a Chedaol Reng er Ngii, e kede mo meduch el medengei aike el techall e meruul.
Alsekum e kede osiik el mo meklou a rengud, e kede mo metik er kid el blechoel el ousbech el meruul er ngii e mengiil er a nger. Alsekum e kid a soad el lmuut el mo klou el oubeltik el reng el mora tonari er kid, e ng sebeched el rullii el dengchokl er bita er a beches el mad er a ikelesia. Ngosisiu el mo er a klaumerang: sel sekum me a oumededenger a mei er a uldesued, oumerang er a yaksok er a Rubak a mo kirel dousbech er ngii lomakes el bedul uchei. Tia el teletael, e kid a ouedikel a chedaol tech er a bedenged e omekeroul el bo dousbech el melisiich a klengar er kid.
Ng locha diak el sal beot er a uchelel, e uaisei el locha mo telkib el meringel er kid a meruul er ngii. A tekingel a Rubak, lokiu a profet el Moroni, a dirk melemolem el usbechall el merkid er chelechal taem: “E alsekum e a chad a mei er ngak e ak mo olecholt er tir a chelitecheterir. Ak mesterir a rechad a chelitechut me te mo ngariou a rengrir; e a kerasia er ngak a mo er tirke el tir a ngmai a rengrir el me riou er medak; el se el ngai a rengrir el mo riou er medak, e mo [meruul] el oumerang er ngak, e ak mo remuul aike el klitecheterir meng mo klisichir.”
Ng kmal loureng a sulel obekuk er a Ivan, el diak el di le ble lolecholt er a ebangkelio el obengkek ng dirrek el mle siotai er ngak el mo kiei lobengkel e mo medengei a chelitechetuch. Ng ngilsukak el mo kongei er a ongtil a Masteng: “Mei, e bo moltirakl er ngak”—el mo merael el ua Osobel a milrael, osiik el ua Osobel er a losiik, e oubeltikelreng el ua Osobel a loubeltikelreng el me er kid. Mlo chuib a telal buil, er a uriul er tia el omeruul el dilubech el merngak el mesionari, e ak rirellii a renguk el mo nguu a techolbechelid e mo mesiou.
Mei e bo de kongei er a ongtil a President Russell M. Nelson e bo de meral mei er a Osobel el osiik aikel el tech er a bedenged el ngii a ousbech a chedaol el omeruul e domuchel el ouedikel. Tia a kemanget-el rurtng diak el dil kedeb, me lak mobes aike el mekekerei e di omelekl el omeruul el ngii a mo smisiich aike el ngii a meklou a ultutelel el chedaol tech er a bedenged. Alsekum eng soad el menglou a klaumerang er kid, e ng kired el meruul aike el tekoi el ngii a ousbech a klaumerang.
Ak olecholt er a klaumerang er ngak el kmo kid a ngelekel a oubelitkelreng el Chedam er a Babeluades. A Ngelekel, el Jesus Kristo, a betik a rengul er kid. Ngii a mlei er tia el beluulechad el me olecholt er kid a rael e Ngii a kilengei lodersii a klengar Ngii el mo uchul a urunguled. A Osobel a mengemedaol er kid el mo oltirakl er a cherrungel el Okesiul, el mo blechoel el oumerang er Ngii me a Tngakireng er Ngii, e mo omerk aikel el chedaol sengk el kid a mla mukngeltengat er ngii. Ngii a rael. A ikang a kuuchaTiaikid a olechotel a klaumerang er ngak loba ngklel a Jesus Kristo, amen.is loba ngkel a Jesus Kristo, amen.