Di Uaia Ikel Ngii a Miruul
Sel dosiik el mo olsisechakl el di uai Ngii, e kid a mo ngar ngii a techeled el lobes er kid e omtekou er a rebebil.
Melemalt el teruich mea eai el buil er a mla me mong, er a fall 2017, e a okolem me a euang a relil obekuk a uluhais er ngak el kmo ng smecher el kasinoma. Ng dirrekl luchais er ngak ep kmo ngiluu a klengeltengat er a priesthood er a meklou el sechal el merael loldingel e mlo mesa bishop er ngii. A uriul eng mle uldurokl a siasing er a templo er Okaland California el mer ngak le ngiluu er a lengar er a osbitar el ngii a melai a ukeruul, loba lechukl el kmo “Mesa tial sebechek el mesang er a delmerab er ngak er a osbitar.”
Ng mle mechas a renguk er a tekingel kirel a re home teachers er ngii, klengeltengat er a priesthood, rebishop, me a templo er a bai tial rektel er a kasinoma. Mesa, Mike, baderei er a Aaronic Priesthood, a dimlak leblechoel el mo er a Ikelesia el mocha kmeid el okeim el rak.
Ua telungalek, kid a kilo melimelim er a rengud er tial chedaol omerolel di ua sel dobengkel er a omerolel el lokuad er kasinoma, a kmal klou el luchul eng ngoker a ker er kirel a Babier er a Mormon, klisichel a omak, me a klengar er a uriul er a kodall. Me aikal buil a leriid e kasinoma oberek, a usbechelel a dechelel me a ungil ukeruul e ngiluu a Mike el mo er a Utah me a institute er a Huntsman Cancer.
Di mle kedeb er a lemei, a John Holbrook e mlo oldingel er a Mike, ngka merederer er a Ward mission el ward el mesiou el omkerreu el facility el ngii a kiei er ngii er chelechang. A John a dilung el kmo “ng kmal mle bleketakl el mer ngak el kmo a Mike a ngelkel a Dios” e tir a mle mereched el mor ngii a tmak e kausechelei, el ngii a rilelii a John el mo o chedaol a Mike er a osisechakl. Ng mle mereched ongit el mo er a remisionari el me oldingel, eng di ngika el ochellek a mle kotouar ngii, eng di a tal buil ruriul er tial klausechelei er tir, e a John a liluut loker ngii, e silodii el mo er a Mike el kmo, “A kumdasou eng soam lorrenges a klemechel ebangkelio.” Tial mengemedaol a blel kengei er ngii, omekrael el mo er a ongidbel lo engreiré a remissionari, ma dirrekl el oldingelel lobengkl a Bishop John Sharp, aikal cheldecheduch el ngii a rileli a Mike el mo nguu klengeltengat er a patriarchal, uriul er a okeim me a ongeuid el rak er a lemetecholb.
Uchelel a December er a tial mla momerek el rak, okiuelel a buil er a blotk, a Mike a milengilt el mo stob a ukerelel a kasinoma, el ngii a kmal klou a ringel er ngii er a bitang, e di mecherei meng di ngii. A doktang er ngii a silebedemam el kmo a Mike a di medechel a edei buil el ngar. Chelechang, a ker er a ebangkelio a milemolem-ma odingel me a omesiou er a merredel er a priesthood meng dirrek. Me se er aki moldingel er a Mike, aki belchoel mesang a Babier er a Mormon el di blok er a tebel se er a ki mosaod er a ulutel a ebangkelio, kiis er a priesthood, ruoll er a templo, me a diak a ulebengelel a klechad.
Bai blengel-December, loba klengeltengat er a patriarchal er a chimal, a Mike a mlo chemolt el ngar ngii a klisichel, tial omerolel er a edei el build a kora diak el keltukl. Ak dirrekl el meruul a uldasou el kirel el mo teloir er kemam er a kurismas, me a beches el rak, ma ngarmedal taem. Sera December 16, ak ngiluu a klaischembrungel el okedong el mlara Bishop Sharp, el silbedak el kmo ngii me a president er a stake a mla oldingel er a Mike, e miltik er ngii wl klikiid el mo nguu a Melchizedek priesthood, e oker el kmo ng sebechek el mo teloir tir. Tial ruoll a milketmolk el mo er sei el Friday, December 21.
A lemerema tial sils, e a bechik, er a Carol, me a ngak a mlo er tial osbitar me a ki dirk ngara ikrel a delmerab er ngii e mocha medengei el kmo a Mike a uaia lekea louteliil. Aki siliseb er a delmerab e milsa patriarch, me a bishop, me a merredel er a stake el mengiil—e a Mike a mocha mok a medal. Ng dilengchak e dula el kmo ng sebechel rongesak e mla mo kldmokl el nguu a priesthood. Uriul er a okiem el rak er a Mike el blel mechedoal el badrei er a Aaronic Priesthood, ng mlo er ngii a techelek, olngeseu er a remeredel, el mo kongei er a Melchizedek Priesthood e mengedaol er obekuk el mo er a obis er a Elder. Eim el sikang ruriul, e a Mike a socherang, meng merolang lengelakl er a orars el mo mesa demak me a delak loba Melchizedek Priesthood.
Tial tal rak er a mla memong, a okedong a mlodars lokiu a President Russell M. Nelson el mo er a bek er kid el mo omekerreu er a rodam me a rodos er kid er a “ngarbab el chedaol lomeruul.” Sera lolekoi el kirel Osobel, e a President Nelson a ulsisechakl el kmo “tia el Ikelesia er Ngii a uchul, e kid a Remesiungel a mo oldingel er ngike el ngimong, el di uai Ngii. Kede mo oldingel loba Ngklel, e oba Klisichel me a ngerachel, me a bekokeuii el beltikereng er Ngii.”
A nger er tial omengedaol el mla er a profet er Dios, aikel outekangel el mo olsisiechakl er a tang el meruul er a beluulechad er meliukl, el ngii el teblong el uldak, ua chad er a ikelesia el mui el meruul aikal urelir el oksisechakl, me dirrekl el ikel ngak a omekdong el “diak el uldasou” el olsisechakl, uai kel betok el olchotel a beltik el reng el uaia kristo el onger aikel diak dodengei el techal. Chelsel a telungalek er kemam, e aki mla sioning, er tiaikid, el teletael er a odingel.
John, ngii el sechelil a Mike, ochedal er a osisechakl,e mle mission president, a mle blechoel louchais er a missionari er ngii el kmo “alsekum a chad a ngar sel tekoi el ngii a kmo ‘diak soal,’ diak om kimer. A rechad obult.” E sola dilu er kemam el kmo a, Mike a mle klou a beltel.” A John er a kot e di mle sechelil, blechoel el melisiich e mesiou- eng di a olsisechakl er ngii a dimlak el stob er a oldingel. A John a mle medengei el kmo a odingel a lmuut el ngarbab er a di kausechelei e tiaikid el klausechelei a meleketek sel doldingel.
Ng diak el ior er a chad el mo cheuram, uaia obekuk, mla er a mekingt el rakt el ngii a mlo uchul a usbechal el mo mesiou er a osisechakl. Aika el ngelsengesed a duubech el kakerous a teletelel, meklungel, me a blekerdelel. Mesobil; diak-el mesisiich el obekel, ngara ringel el ngeasek, me a mesikang el chedil; ringel er a klaumerang; malechub eng tekoi er a udoud, ulekerreuil a bedenged, malechub eng mondai er a chebechiil-tial lechukl telkib el diak a ulebengelel. Eng di, uaia Mike, diak a chad el kmal mla remiid, e diak el duob er sel betikl a rengul a Osobel.
Kid a mla mosisechakl er a website er a olsisechakl er a Ikelesia el kmo “meng ngar ngii a betok el luchul a osisechakl, blakelrreng er kid a kirel omekrael lokiu a soal a rengud el mo olengeseu er a rebebil el mo nguu a tmolechel obult me a mo uaia Osobel.” Elder Neil L. Andersen a dilii er tiakid el teletael:
“A ungil a rengul chad a sebechel losischeklii a tang er a omerellel a taiia, a lechub e nguu a roommate er ngii el mo er a toktang, malechub e ngousueleb lobengkel a chad el ngara klengitelreng, malechub eng mo klikmechur e rulii a sils er a tara chad el mo ungil.
“Eng di a chad loltirakl er sel kot el llach a beot er ngii el dochel aikal meklou a belkul teletael er a omesiou.”
Sel domekesiu odngeled er Ngii, eng klou a belkul bo dodengei el kmo a blakereng er Ngii loubeltikereng, mesebechakl, mesiou, e omekngeltengat a lmuut el ngarbab a moktek er ngii el diak di el tekoi er a ngesou el merekong. Ngii a mle ungil medengei a ngelsengesir er a bek el sils e uleba chubechub el kirir er a ringel el tir a mla er a chelsel er a Lomekungil, lomekang, lousubes, e lolisechakl. Eng di Ngii a mle soal kudmeklii a lmuut el ngarbab el teletael er a di kedmeklel chelchal sils. Ngii e mle soal tirkel meliuekl er ngii el mo olitark er ngii, mo medengelii, e mo er nguu sel chedaol teletelel.
Sel dosiik el mo olsisiechakl el uai ngii, kid a mo ngmai a techal el mo di kid lousubes er kid e omkeed er a bebil. Aikal techal a blechoel el mekingt a temel e mesam er aikal ngara renguud el mo uaia mastang, el ngii a kot el ungil el mesiou el mo er a rokui, sel diak a ulebengelel el tengakireng er ngii, el mle diak el ngerang en ding ungil el temel. Chelsel a Matthew chapter 25, kid a molatk el kmo uangerang a rengul a rubak ek kired, uai ngii, e kid a derderiil el mo er a omekririch, ringel, me a mengemai el kid a obangel lokiu a betok el ngii a blechoel diak deues:
“Mei, kemiu el ngeltengat er a Demak, msiseb er a renged el mla mekedmokl el kiriu er a uchelel a beluulechad:
“Ak mle songerenger, e ke mileskak a tech: ak mle meched a renguk, e ke milsak a ilumel: ak mle ngodech el chad: e ke ultungak. …
“E a melemalt el chad a mo onger ngii, el kmo, Rubak, ng oingerang e ke mle songerenger, eak milkelau? A lechub eng mle meched a rengum, e ak milngelmau?
“Se er a desa ngodel el chad, e kede ultungii? …
“Me a King a mo onger e subedeterir, Chelecha e a kmal subedemiu el kmo, Sel moruul el mo er ta er tirkal ngariou el chedak, e ko mla rulii el mei er ngak.”
Diak el ior el kmo kede mesiou el rodam me a rodos er olsisechakl, malechub en di beot sel bo do dengue el kmo a chad a ousbech a ngesou, kid a lemengelechel er kid el mo osiik a ulekrael me a siul a deleb—e mo meruul er ngii. Kede locha melchedech el kmo ng mekera bo dungil mesiou, eng di Rubak a medengei, e okiu Chedaol Reng er Ngii e kede mo mukrael er a blakereng er kid el mo mesiou. Uaia Nephi, el ngii a “deleb a ulemekrael er ngii, diak lodengei er a uchei er a tekoi el mle [ngii] kirel meruul,” e kid a dirrekl el mulekrasl er a deleb sel doutekangelel mo donguu er chimal a Rubak el mo omeklengeltengat er a rengelkel. Me sel dosiik a ulekrael er a Chedaol Reng e doumerang er a Rubak, e kede mo soiseb er a chelsel a teletael el ngii a mo sebeched el meruul e omekngeltengat—el belkul a kmo, kede oldingel.
Ng locha ngarngii a taem e kede mesa techall er a omesiou eng di kede metitur el mekerang, lomdasou el kmo aikel bo deruul a diak el klebech. Mo meruul el uai ngii, eng di, a mo olsisechakl lokiu aikel sebeched el remuul e oumerang el kmo a Rubak a mo ocholt aikel blak el reng er kid el mo meklengeltengat er “oltirakl er kid er tial omerolel a klengar.” A rebebil, a locha di ousbech a temed me a duch er kid, e a rebebil, a kuk locha di ousbech a ungil cheldecheduch malechub a chad el bo lultuiul er ngii. Eng di sel dolechesuar aikel blak el reng er kid a olngesenges, President Dallin H. Oaks a uluchais er a kot el klou el osisechakl el kirel a “kekerei e beot.” Ngulsisechakl el kmo a kekerei e beot el teletael a klou a ututelel leng ngii a mengemdaol er a “chelmengel a chedaol reng,” a chelmengem a ngii el omeklengeltengat er tirkel meskii me a tirkel nguu.
Sera bo lodengei el kmo ng mochu er a kodall, e a ochellek er a Mike a millekoi el kmo, “ng mengasireng el tial secher er a kasinoma a rullau el mo omtab aikel kmal meklou a belkul tekoi.” Te mesaul a rungil sechal me a redil el miles a lousbech, e dimlak lorrittel, e uleldingel el uaia Osobel, el mo er a Mike. Mor er a bebil, a mongodech a di kmedung eng mei; mo er a rebebil, locha ngarmedal a veil. Eng di, ng kired el lotkii el kmo diak de dob e diak a chad el merael morcheroid er a rael el ngii a cheroid er sel orkedel a diak a ulebengelel el tengaikreng er a Jesus Kristo, el ngii a diak a ulebengelel er a taem me a techar.
Sera klou el ongdibel er a October, e a Elder Dale G. Renlund ulsisechakl el kmo ng “diak el iior er a klemengetel a tial rael el debla reuebet er ngii … , sei a taem el dolilt el mo ngodech, a Dios a ngosukid el mo lemuut.” Sel omelilt el mo ngodech, eng di, a blechoel el olchotel a mo mengemdaol el uaia “ak kumdasou eng mo soam sel om rengesiia tekingel a evangkelio.” Tia di diak de duob er a Osobel, ng diak a di mereched el kid el mo odersii a mengemdaol.
Tial temel a pasqua a meskid, lemuut, a ungil techal el mo omerab er sel ungil melenget el tengakireng er a Osobeled, el Jesus Kristo, me sel ngii a rirelii el mo er a bek er kid a kmal klou el ringel—a ringel el ngii a dimlengii el rulii a “uchul [ngii], ungil er a rokui, luchul eng mlo omeritel er a ringel.” “Eng di,” ngii a melekoi, “A kultekur e rirekir a urerek el mora rengelekel a chad.”
Ak kuchais el kmo luchul ngii a mlo “merek,” ngar ngii a oureng. Lobang a ngklel a Jesus Kristo, amen.