Sel Klisichel a Odbechel a Klaumerang
Sel modersii a chimam el mo oldubech, e kau a rulii a yaksok lobengkel a Dios, el tir a mesiungel, e kau a mo oldubech er tir.
Betok el taem e ak rongsterir a mereder er a priesthood el loreng a saul el mor tirkel loldubech er a klaumerang er tirkel tir a mesiou. Ngara oto er a ngerir, e ke medengei el kmo aikel omereng el saul er tir a kmal dmolech e merang. A moktek er a chelechal sils a mo ochotii sel omereng el saul er a Rubak lekor kemiu el loldubech er a remesiou er ngii er a Ikelsia er ngii. E tiang a dirrekl el melisiich er kemiu el mo meruul e mekeroul er tial ngii a klisiich el mo oldubech er a rebebil loba klaumerang er kau.
A uchei er a obechell, e kulecholt aikal klisiich. Ka momdasu er sel taem el kid a mle medengelii a chedaol el beluu er a uchei er a omechell. A Demad el ngara Babeluades a ulechotii tial uldasu el mo er a rengelekel. Kid a mla er sei. A Lucifer, chedaol lochedad, a ulemetok er sel uldasu el ngii a meskiid a techeled el mo melilt. A Jehovah, betik er a rengud el Ngelekel a Demad el ngara Babeluades, a uleldubech er a udasu. A Lucifer a ulmekrael er a romtok. A oto er a ngerel a Jehovah a mlo melisiich, e ngii a melenget el mo Osebeled.
Tial klemerang el kau a ngara chelsel a klechad er chelechang a ouchais er kau el kmo ke mle oldubech er a Demad me a Osobel. Ngiluu a klaumerang er a Jesus Kristo el mo oldubech er a uldasu er a deureng me a basio er a Jesus Kristo er ngii er sel taem e kau a mle medengelii a kekerei el oringel el kau a mo chemau er a klechad.
Sel klaumerang er kau el mo oldubech er tirkel mesiou er a Rubak a ngar er a rengud er a deureng er a chelsel a klengar er kau el dirrek. Se er a omkengei er sel mengemeai er a remisionari el mo meluluuch el mo medengei el kmo a Babier er a Mormon a tekingel a Dios, kau a mla er ngii a klaumerang er kau el mo oldubech er a mesiungel a Rubak. Sera omkengei er sel siotai el mo metecholb, kau a uldubech er a ngariou a rengul mesiungel a Dios.
Sera omkengei er a chad el nguu a chimal el loia er a bdelum e kmu,”Mnguu a Chedaol Reng,” e kau a uleldubech er ngii el loreked er a Melchizedek Priesthood.
Me sel sils, kau a mla, mesiou loba klaumerang, uleldubech er a dersta el chad el tir a mla meskau a klisichel a priesthood me a tirkel tir a mengedaol er kau el mora obis er a priesthood.
Aikel blom chau er a priesthood el mereched, a bek el oldubech a di mle beot el omeruul el loumerang er a mesiungel a Dios. Chelechang, betok er kemiu a mla ngmasech el mo er a basio el ngii a oldubech a ousbech a betok.
Ke melilt el kmo ke mo oldubech er tirkel rokui el Rubak a omekedong er tir—er a ngidi el ngerang el ngii a Rubak a mla mekedong er tir. Tial lomelilt a dubech er a ongdibel el meliuekl er a beluulechad. Ng mla dubech er tiang. Chelsel ikal ongdibel, ea ngklir a resechal ma redil—el mesiungel a Dios—a mechuiu, e kau a mengedaol el mo odersii a chimam el mo oldubech. Ng sebechem el lorkedii a sengkio er kau el oldubech, malechub e ke yaksok el oldubech klaumerang er kau. Sel modersii a chimam el mo oldubech, kau a mla rulii a yaksok. Kau a rulii a yaksok lobengkel a Dios, tir a mesiungel, e kau a mo oldubech er tir.
Tirkang diak el cherrungel el chad, kau me ke dirrek. Omelmolem er a yaksok er kau diak el mengodech el klaumerang el ngii a Rubak a omkedong er tir. Omelmolem er aikel yaksok a dirrek el meskau a diak a ulebengelel deureng. Sel lak molemolem e ngii a mo er ngii a klengit el reng el mor kau ma tirkel betik a rengum er tir—ma ikel ometom er ngii el diak a klisichem el lomedasu.
Locha mla oker kau, malechub e ke locha, ke melanges el mo oldubech er a bishop er kau, meredel er a stake,General Authorities, me a General officers er a Ikelesia. Ng locha mo dubech el kau a mo ongit el mo oldubech er a officers me a remeredel er tial ongdibel. Bebil er a team e tiang a ngar er a interview lobengkel a bishop malechub eng meredel er a stake.
Ak mellach el kmo moker aikel ker er kau er a uchei, loba kerkikl el nglunguuch er a uldasu. Me sel mrelii, eng sebechem el lemuut el mesa aikal uldesuem, tekingem, me a omerelem. Molames el mo omdasu e omeob aikel nger el kau a mo meskii sel rubak a interview er kau, el klemedengei el kmo tara sils e Ngii a mo rulii. Ng sebechem el mo keldmokl sel moker er kau er a ikal ker el beldukl:
-
Ngak ak mla mdasu malechub e ak mesaod er a chelitechetul tirkal chad el black yaksok el mo oldubech er tir?
-
Ak mla mo omes aikel klemerang el ngii a Rubak a omekrael er tir?
-
Ngak ngblak a renguk e meral loltirakl er tir?
-
Ak mla smaod aikel klemerang el ngak a mla mes el mo tirkal mesiungel a Dios?
-
Ngak meluluuch el kirir loba ngklir me a a beltik el reng er a bek el team?
Aikel ker a mo, er a bebil er kid, el omekrael el mo er a bebil er a sebekreng me a usbechall er a ouchel reng. A Dios a mla mellach er kid el diak doukerkeriil er a rebebil er a rechad el chelbirukel, kede metik er ngii el meringel a domekiai er ngii. Betok er aikel rokui el tekoi el doruul er a ureor el lobengterir a rechad a omekrael er kid el mo ngar ngii a uldesued el kirir. Me a chelsel a aikel bebil er a dauch er a klengar er kid, ke de blechoel el mengaisisiu er kid el mo er a bebil er a rechad. Ng betok a uchul e ke meruul er tiang, bebil er ngii a ngar ngii a uchul, e a bebil a rulii el mo kerkeriil.
A President George Q. Canon a milellach el ngii ak nguu el meskemiu el dil uaingak. Ak kuumerang el kmo ng milekoi a klemerang: “A Dios a mla melilt er a Remesiungel. Ng milekoi el uai lengar ngii a lemeltel el mo mengelbus er tir alsekum e te ousbech er a omengelbus. Ng dirkak el beskid el dersta er kid el mo olcholt e mengelbus er tir. Diak a chad, diak el ior a lemesisiich a klaumerang er ngii, diak el ior a lengarbab er a priesthood, a sebechem mengedecheduch a mekingt el tekoi el mor tirkel tir a Rubak a melutk er tir e osiik er a chebirukel er a meredellel a Dios er tial beluulechad el diak lochotii el kmong chechered. A Chedaol el Reng a morcheroid er a chad el uaisei, e ngii a mo er a ilekolk. Tiang el ngii a omeruul, ng diak mesang el kmo uangerang a klou a ututelel el kmo ng kired el mo kerekikl?1
AK kumetab el kmo a rechad er a Ikelesia el meliuekl er a beluulechad a loumerang er a dersta er tir ma tirekel tir a oungerachel er tir. Mal uaisei, eng di, omekbeches a kirel el meruul. Ng sebeched el ngmasech el mor bab er a klisiich el mo oldubech er a dersta er kid. Ng mo nguu a klaumerang e outekangel. Ikaikid a euang el tekoi el blak ruul el kid a mo meruul er tiang el ongdibel.
-
Ng sebeched el ochotii aikel bleketakl el omeruul er tirkal chad el mengedecheduch a olengit e omuchel er a chelechal sils el mo meruul. Me sel doruul, a klisiched el mo oldubech a mo mesisiich.
-
Ng sebeched el meluluuch el kirir me sel longedecheduch ea Chedaol Reng a omekrael a tekingir el mo er a rengrir a rechad el kid a betik a rengud er tir. Sel desubii el kmo a nger er kid a mla monger, e a klisiched el mo oldubech er tirkel meredel a mo mesisiich.
-
Ng sebeched el meluluuch el kirel ngkel chad el mengedecheduch a mo mukngeltengat e klebokel sel tir a longedecheduch. Me sel desterir el kmo te mlo klebokel, e omekeroull a klaumerang er kid el mo oldubech er tir, e ngii a mo melemolem.
-
Ng sebeched el remenges a tekingir tirkel mengedecheduch a mlei el mo onger er a nglunguched el mo olengeseu. Sel mei a nger, e ngii a mei, e kid a mo mukeroul er a klaumerang er kid el mo oldubech er tirkel rokui el mesiungel a Rubak.
A modechelel el mo omkungil er a oldubech er tirkel tir a mo mesiou er a Ikelesia, e kid a mo mesuub el kmo ngar ngii a tara omeruul el ngii a mo sebeched smisichii tial klisiich. Ngarsei, eng sebechel a klou klengeltengat el merkid. Ng ngara blai me a telungalek.
Ak mengedecheduch el mor tirkel ngeasek el loreked er a priesthood el kiei er a blai lobengkel a demerir. Me kuuchais er kemiu er aikel omeruul el ngak a mla meruul el kmo ua ngera belkul a chedam el ansing el kirel a oldubech el klaumerang. Sel mesang eng ansing er ngii. Eng ding chemau a betok el ringel el kau a diak modengei. Sel team e ngii a diak el sebechel mesa rolel er a delongelel a mondai el ngar medal.
Aikel omchat er ngii e sebechel ngosukii. A beltkil a rengum el mor ngii a sebechel ngosukii. Eng di sel kot el tekoi el mo ngosukii a klemeriar el tekoi el uaikang: “Chedam, ak miluluuch el kirem, e ak mla melechesuar el kmo Rubak a mo olengeseu er kau. Rokui el tekoi adi mo ungil besul. Ak medengei.”
A tekoi el uaikang a ngar ngii a klisiched er sel tal rael, chedam el mo er a ngalek el sechal. Sel ngelkel sechal a rulii a meringel el cheleuid, nglocha dirrek el ngara chedaol omeruul, ngii a locha melechesuar el kmo ng mla reuebet. Me se el om demal, chelsel sel taem, ke locha mo mechas a rengum sel,uriul er a meluluuch el mo medengei el kmo ke mekerang, ea chedaol reng a locha aikal tekoi er a ngerem: “Rungalek, a kubengkem er a rokui el tekoi. A Rubak a meral betik a rengul er kau. Lobengkel a ngesuil, ng sebechem el lemuut el mei. Ak medengei el kmo kau a sebechem e kau a rulii. Betik a renguk er kau.”
Chelsel a chelechad er a priesthood me a chelsel a telungalek, a smisichii a klaumerang el mo oldubech er a dersta er kid a rael el kid a mo mekedecherur a Zion er a Rubak a soal kid a meruul er ngii. Lobengkel a ngesuil, ng sebeched e mo rulii. Ng monguu a omesuub el mo betik a rengud er a Rubak loba rengud el rokir, mesissich, uldasu, me a klisiich e mo oubeltik el reng el mo er a dersta er kid sel de moubeltik el reng er kau.
Me sel demekeroul er a chelsel sel klikiid el beltik el reng er a Kristo, a rengud a mo medemedemk. Sel beltik el reng a rulid el mo ngariou a rengud e omekrael er kid el mo ouchel a rengud. Klaumerang er kid er a Rubak me a dersta er kid a mo mukeroul. E kid a mo meral bedul a mo tang, el ua sel yaksok a Rubak el kmong sebeched.2
A kuuchais el kmo a Demad el ngara Babeluades a medengei e betik a rengul er kau. A Jesus a ngar el Kristo. Tiang a Ikelesia er Ngii. Ke de oreked er a Priesthood er ngii. Ngii a mo chemat er aikel blakelreng er kid el mo mekeroul er a klisiched el mo meruul er ngii e oldubech er dersta er kid. Ak olecholt loba ngklel a Jesus Kristo, amen.