Babilngem er a Uldasu er a Omeruul el kirel a Priesthood
Mrellii a hong er kau er a uldasu er a mekera mousekool el kmo ke mekerang e ochotau el kmo ke meral el oltirakl er a Kristo.
Tia el dirk mlo merek el Ongeteruich me a Ongeru el Buil, e a First Presidency a ultebedii a subed el ouchais el kmo a reteruich me a ta rekrir el ngalek el sechal a mo “omuchel el teloi … er a chelchad er a Priesthood er a Aaron … el omuchel er a uchelel a Kot el Buil er a rak el bo le teruich me a eru rekrir.”
El mlo uchul, e sera uchelel chelechal rak, e ng mle ngarngii a rebebil er a re 11 a rekrir el ngalek el ulemdasu el kmo te locha mo ngara Primary el di merekmo se el merael el mei el tansiobi er tir e ng di te mla mo merous a sakrament se el Sandei el kot el beches el mla mechedaol el deacons er a Ikelesia.
Ak kora omdasu el uase ngtecha kot el kora mlo mechas a rengrir er tia el omelodech—tirka el re deacon me a lechub e te rechad er a blirir. Ng betok er tirka el bekord el okeai el telael el beches el deacons, a obengked er chelchal kesus er tia el kmal el klou el blil a Ongdibel me a lechub e te obengked el okiu a klengeltengat er a technology. Aki oudnged er kemiu el me er tia el kmal ungil el klodam er a priesthood!
Tia el omelodech a rullii a reksi er tia el ongdibel—ng bekord el locha kot el klou el cheldebechel er a rolab a Priesthood er a Aaron dirkak a mo uaingii el mo teloi er a ongdibel er a cherrengelel a priesthood er tia el Klou el Ongdibel. Ngara llemesel tia el tokubets el teletael, e ak odersii tia el klemchek el mora rengeasek el sechal er a Priesthood er a Aaron.
Suobel el Mengai er a Klaiungader er a Klekool
Sel om ngalek er a skuul, ng betok er kemiu a dirrek el omekdubech a duch, ikel tekoi el ngii a somiu el meruul, me a ikel el tekoi el moruul sel ngar er ngii a temiu el okiu a omeruul uriul er a temel a skuul me a lechub eng di omesuub el mora tang, tim, me a chelechad el ngara ikrel a skuul, el uldimukl er ngii a klaiungader er a klekool.
El uaisei el kmal mle soak a tekoi er a klekool er a klengar er ngak, ak blechoel el chemat er tirke el tir a omekdubech a duch er tir er a klekool el mo er se el kot el tkur er bab el sebechir. Mo er ngkel chad el kmal soal ulis el mo meduch er a ngidil ngerang, el, luldimukl er a tekoi el om kladikm er ngii a ultuil er a klou el keldung, mo chuarm, e chemoit a betok el sikang el ngara training me a practice. Tirka el chad er a klekool a oumesingd er a taem e te remenges a meringel el tekoi er a roungerachel er a tim er tir e ng di te rullii er a rengrir el mo mechei a ike el sorir er chelchang el kirel a mo ungil el klukuk er tir.
Kede medengelteterir a rechedal a Ikelesia me a rolab a priesthood el mla melechesiu a kot el ngar er bab el dauch el semmong er a klekool. Ngar er ngii a betok el ungil el okesiu, eng di ngdi sebechek el masech a bebil eleng taem a uchul. Ke locha medengelterir a rebebil tireka el chad er a klekool: a yakiu, eng Jeremy Guthrie me a Bryce Harper; ea basketball, eng Jabari Parker me a Jimmer Fredetter; ea soccer, eng Ricardo Rojas; ea Rugby, eng William Hopoate; ea football, eng Taysom Hill me a Daniel Sorensen. A derta er tir a mla remuul a meklou el tekoi er a ikel klokolir.
El uaisei e te kmal ungil er a ike el klekool el lengar er ngii, tirka el rechad er a klekool a kot e te ouchais el kmo te diak el cherrungel el rechad er a klekool me a lechub e te cherrungel el rechad. Te meringel el oureor el mo kot el meduch er a ike el klekool el ngar er ngii—e dirrek el kiei el oba ebangkelio. Te mekiis alsekum e te milsibas, e blak a rengrir el melemolem el mo er a ulebongel.
Mosuub er a Hong er a klekool.
Chelsel a klekool el ou team, a rolel sel dousekool a mekdubech el mora kltukl el teletelel a klekool e modak el rokui el rullii a hong er a rolel sel dousekool. A rechad er a klekool a suub aike el ngerchelir me a kltukl el loruul er a bek el rolel sel lousekool. A rekot el ungil chad er a klekool a suubii se el hong er a rolel sel lousekool el mo uchul se el mukedong a kmo ng mekera lousekool, e te medengelii sel el kmal melemalt, e oumesingd e te di mla mo medengelii, el kmo te kirir el mo er ker e ngera loruul.
Siasing el mla er a Dave Kaup/REUTERS/stock.adobe.com
Ngara osisiu el teletael, kid el olab a priesthood a dirrek el ngar er ngii a team er kid (ngii a chelechad) me a hong er a rolel sel dousekool(el ngii a chedaol llechukl me a tekingir a reprofet er a chelechal taem).
Kau ke melisiich er a rechad el ngara tim er kau?
Ng kmal ungil el uangerang el modengelii a hong er a rolel sel mousekool?
Ke meral ungil medengelii a urerem?
Chemau a Ultok
Mnguu sel omengaisisiu el telkib el mo cheroid, a re kot el ungil coach a medengei a klisichir me a klitecheterir a rechedal a team er ngii e dirrek el osisiu ngii me a tirke el ngara bita el team el omtok. Te remuul a uldasu er a kmo mekera lousekool el ngii a mo uchul e ng sebechel el mesterir a techall el mo kats. E kau a mekerang?
Ke medengei el kmo ngera a ongetikaik el kau a blechoel el mechitechut er ngii, e kau a sebechem el medengei el kmo a cherarou a mo melasem el orrebet me a lechub e ng mengitechut er a rengum. Ke mla rullii a kuk di uldasu er a kmo mekera mousekool me a hong er a klekool meng mo uchul e ng sebechem el medengei el kmo ke mekerang a bo mchau er a romtok er kau?
Me se el mchebangel a betok el ongetikaik er a klechad—alta ke obengterir a rebebil me a lechub e ng di kau el tang el chelbangel er a screen—e ke medengelii a uldasu el kmo ke mekerang e ousekool. A lsekum e a sechelim a mengelechel er kau el melim a rrom me a lechub e ke melasem a mekngit el kar, e ke medengelii sel klekool. Ke mla ngara meringel el osisechakl me a omelasem me ng sebechem el medengei el kmo ke mekerang ruchei er a lemeruul a tekoi.
Obang a uldasu er a ousekool, me a hong er a mekera mousekool, me a mesisiich el blakereng el mo rullii a ngerchelem, e ke mo metik er ngii el kmo a ongetikaik a ngar er ngii a kekerei el utebechelel er kau. Kau a dimla rirellii a uldesuem el kmo ke mekera bom monger me a lechub e k emo rullii. Ng mo diak a belkul dirk moruul er a uldesuem er a bek el tim sel sekum e ke mo chelbangel er a ongetikaik.
A ta er a re Teruich me a Terung a ulechais er a tara cheldecheduch el ngii a ulechotii a siasing er tia el osisechakl. Tia el le priest er a ngar er bab el skuul, e ng mle teloi er a resechelil. Uriul er a lengilai a kelir, e te ulemekall el meliuekl e a chimong a milekoi a mo omes a katsudo. Ng mle chelitetuokl eleng mle medengei el kmo ng katsudo el ngii a diak el kirel omes. El uaisei e di mle mereched el mo melechesuar er a oldubech me a meringel el uldesuel el kirel tia el teletael, ngii a mla kudmeklii el kirel tiang. Tiang a mle tara llel a babier el mlengai er a hong er ngii er a klekool er a priesthood.
Ng ultuu a telil e melai er a blekeu el reng, e ng mocha dula, “Ngak a diak el soak tilcha el katsudo. Dim ngederak er a blik,” el tir a rirellii. Ng beot el omeruul el ngii a omekrael el mo mesisiich! Uriul er a telal rak, e a ta er a sechelik el ulbengkel er se el kesus a silodii el kmo ng mekera e tia el okesiu a mlo olechotel a klou el klisiich el mo bekeu el obangel aike el osisiu el omeruul er a chelsel a klengar er ngii.
Llel a Hong er a Rolel sel Mousekool
Ak ulker er a rebebil er a Rodam me louchais a omeruul er a klekool el ngii a locha sebechem el osiseb er a chelsel a hong er kau er a teletelel a mekera mousekool. A ikakid a bebil er a uldesuir el lulecholt:
-
Moluluuch er a bek el sils el kirel a klou el llomes me a klaumerang er a Jesus Kristo.
-
Bom ungil lorrenges aike el osisecheklir a rechad er a blim, bishop, me a remerredel er a Rengeasek el Sechal me a chelchad er kau.
-
Mcheridau er a osengel a teletael er a deleboes me a mekngit tekoi er a klechad er a chelsel a social media.
-
Bo modengei aike el yaksok el kau a mla remuul el mora Dios e moureor el di oreked.
-
Mosuub a cheldecheduch er a chedaol llechukl el kirir a rungil profet e mosuub aike el ungil el blekerdelir.
-
Momekngeltengat er a rengelekel a Chedam er Babeluades el okiu a omesiou.
-
Mosiik er a ungil resechelim el ngosukau el mo ngike el chad el kau a soam el mo uai ngii.
-
Bom elimosk er a Family Search app e mosiik er a reksi er a telungalek er kau.
-
Molib a basio er a obo er ngii el ngii a sebechem el oridau er a mekngit el omeruul me a ongetikaik.
-
Moubeltik el reng e molengeseu er a rebebil el chad er a ikelesia el tir a ngara cheldebechel er a priesthood el om ngar er ngii.
Ak dirrek el milngedecheduch lobengterir tirka el rechad er a klekool el dirk ble deues a siasing er tir. Ak mlo metik er ngii el kmo te diak el lolecholt er tir el kirel a kmo ngera te meruul, el semmong el chad er a klekool, ng bai te reua techang, el ngelekir a oubeltik el reng el Chedam er Babeluades e olab a priesthood er a Dios.
Mechelechang e morrenges a uldesuir:
-
Jimmer Fredette, ngar er tiang el deacon el mesuub el meletech er a nebtai er ngii, a ouchais: “Ak a mla mesuub el meringel el ultuil er a klemedengei me a klaumerang er ngak el kirel a cherrengelel a ebangkelio. Tiang a mla orolak el mo … klikiid loba priesthood ea maikel rokir—el ungil okesiu.”
siasing/LlecheklelJimmer Fredette el deacon. -
A Bryce Harper , el ngar tiang el bechiil el sechal, a meluches: “Ak ulmedasu el kmo sel bol merael a chisek, betok a ududek, e nguu sel ngkedel a MVP eng mo ungil a rengul. Ngdi mla er ngii a dibus. Me, Ak … mlo kudmeklak e mlo [soisb] er a templo. Chelechang e ngak a ngara sel rael el [lemuut] el mo er a Demak er a Babeluades e ngar ngii a diak a ulebengelel telungalek—el ngii a kot el klou el deureng er a chelsel a beluulechad!”
siasing/LlecheklelBryce Harper lobengkel a bechil. -
Daniel Sorensen, ngar er tiang el misionari, a melekoi, “A ungil hong er a klekool a moktek el lousbech er a kladikm me a klisichir a rebek el chedal a taem. … Me sel kusuub e meruul a osisecheklel a ebangkelio er a Jesus Kristo, e ak mo medengei el kmo ak mekerang e ousbech er sel klisichek el mesiou er a priesthood.”
siasing/LlecheklelDaniel Sorensen el misionari. -
A Jeremy Guthrie, el ngar er tiang el merredel er a mission, a ulecholt: “Se er a teruich me a eru a rekil el deacon … [Ak kul melchesuar] er a Chedaol Reng el louchais er ngak el [kmo] ‘tia ikid el klengar a belsechel … el mengedmokl el mo omes er a Dios.’ A uldasu er a kmo mekera kuusekool a klaumerang el ngara Dios el mo rulii [me a] ouchel reng lokiu a Osobel. … A hong er a klekool a debetik er ngii er a chelsel a chedaol llechukl me a rengar el re profet.”
siasing/LlecheklelJeremy Guthrie el mission president -
Jabari Parker, el ngii a ngar tiang a milchedaol el mo er sel obis er a elder, a dilu, “Ng diak el sebechek el mdesuii ngike el chad el ngak a mlo ngii alsekum eng dimlak rullii er a renguk el mo soisb er a techolbechelidi. … Ng kot el mereng a renguk el kmo ngar er ngii a Dios er a chelsel a klengar er ngak el ngii a omekrael er ngak er a bek el sils.”
siasing/LlecheklelJabari Parker se er a le mechedaol el mo er a priesthood -
A Ricardo Rojas, a chelechang a mesiou el branch president, a uluuchais: “Ngokiu a priesthood er a [Dios] e [kid] a sebeched olngeseu er a Urerel. Kid a mokedong el ‘mo mesisiich e bekeu’ el mo mesebechakl er a klemerang.” Tiang a ngilsuir el mo ungil sel ngara kurangd me a sel loba a priesthood.
siasing/LlecheklelRicardo Rojas el branch president -
Taysom Hill, el ngar er tiang a misionari, e melechesiu el kmo a ebangkelio er a Jesus Kristo a ureor el uai sel el hong er a klekool er a chelsel a klengar er ngii. Ng uluchais, “Oumerang er a moktek er a [Dios] e mora bkul rebab el sebechek el meruul a ngerchelek a mla meskak a budech me a deureng er a klengar er ngak, e medengei el kmo a Dios a ungil a rengul el kirel a urerek.”
siasing/LlecheklelTaysom Hill el misionari -
William Hopoate, ngar er tiang sera lomekngeltengat er a ngelekel sechal el eua el telcheroll, a dilu el kmo a ebangkelio a ngosukii “el mo melangech a teletael el omtok me bol lousbech a ngarbab el chedaol teletael el mo otngakl a mekngit e bo lungil lolngeseu er a rebebil.”
siasing/LlecheklelWilliam Hopoate el lomekngeltengat er a tolechoi
Ea denguu er kau? Ke medengei a kot el ngar er bab e muut el chedaol el olengchelem el ngelekel a Dios, e oba se el chedaol el priesthood er Ngii? Oba tia el diak a ulebengelel el olangch el ngara uldesuem, e ke rullii a uldasu el kmo mekera a mousekool me a hong er a priesthood el mekera mousekool el ngii a mo omekrael er kau er a ike el taem er a ongetikaik me a ongarm. Bo modengei el aike el uldasu er a omeruul el kirel a om mamor me a lak.
Uldasu er a omeruul se el lak om mamor molengeseu el melisiich a klaumerang e monglou er a techellem el osiik er a kmo ke mekera e ke melemolem el ngar er se el melemalt e blutek el rael. A okesiu a uldimukl er ngii a nglunguuch, omesubel a chedaol llechukl, mora Ikelesia me a templo, harau a tenget, e oltirakl a omellach el ngii a debetik er a babier er a For the Strength of Youth.
Uldasu er a omeruul sel om mamor a uldimukl er ngii a rullii a uldesuem el di cheroid el kmo ke mekerang se el bom chelbangel a ongetikaik. Se el molechesuar a ongetikaik el ngii a mo tomelii aike el mera el teletelem, e ke di medengei el cheroid el kmo ke mo mekerang.
Ke ousbech er a hong er a uldasu el mo ousekool el kirel sei.
Ng diak momelechesiu er kau el meluluuch er chelechang? Ng temem el otutii se el uldasu er a mo ousekool el kau a mo meruul er ngii el blam tibir.
Ke melechesuar er a klaumerang er kau el mo nguemed? Ng kirem el ousekool el kirel sei. Ke medengei el kmo ke mo mekerang.
Ungil rechad el ngara Osengel a Dios
Kemiu e a olab a chedaol el priesthood er a Dios. A telbilel a rengum a mo mesisiich el orreked er se el rekodel el deel el ngii a mo meltau el mo diak a ulebengelem el ngar el kau a mlo beob el mo uai ngii.
A Dios a medengel kau e betik a rengul er kau. Ngii a mo omekngeltengat er kau e omekrael a bekesem.
Ke locha omdasu el kmo ke diak om sal kmal tokubets, e kmo kau a diak aike el molab el mo all-star. “Ngdi sei a diak el klemerang. Ng diak modengei el kmo Dios a mla melekoi, “Aike el mechitechut el tekoi er a beluulechad a mo mocholt e merrakl er tirke el tir a meklou e mesiich?
Me, ke omelechesiu el kmo ke mechitechut? e diak a ututelem? Doldanges, kau a mla nguu a basio er kau!
Ke omelechesiu el kmo ke diak a belkum? e oumengedakl? Kau a locha ngkel ngii a Dios a ousbech er ngii.
Ngera lmuut el kmal el ungil okesiu el ua David el milrael el mora mekemad el obengkel a kdekudel el cherreuel, Goliath? Ultuil er Rubak, e oba a moktek, ea David a dimak di losebelii ng dirrek el ulelsobel er a resoldau er a Israel! Modengei el kmo Dios a obengkem se el sekum ke mo bekeu el mo ngara bita er Ngii. “Alsekum e a Dios a mong el kired, e ng techa ngike el mo omtok er kid?”
Ngii a sebechel el omkais a chesimer e ngosukid el mo metik a klisiched me aike el sebeched el meruul el kid a dimlak dodengei el kmu ke dolab.
Morrenges er a merredel el kau a oumerang er tir, el uai a delal me a demam, bishop, me a remerredel er a Ngeasek el Resechal. Mosuub er a hong er a uldasu er a kmo mekera mousekool. Monguiu a chedaol llechukl. Mosuub a tekingir a re profet er a chelechal taem. Mrellii a uldasu er a mekera mousekool el kmo ke mekerang e ochotau el kmo ke meral el oltirakl er a Kristo.
Bo modengei el di cheroid aike el uldasu er a omeruul el kau a mo ousbech el melisiich er a rengum e molechib er kau er a bediklel er a cherarou.
Moruul er tiang ea Dios a mo ousbech er kau.
Me chelechang, ngar er ngii a re bebil el mo mengeroid er tire er a ebangkelio e mo metechakl el mo er cheroid. A rebebil a dengchokl er a er a kingall er a oiengdang e omes a klekool el cheroid. A rebebil a kuk melilt el di kiei er a kingall, se el sekum e a merreder er a tim a mla melasem el oltuu er tir. Ak siotai er kau el mo olsobel, olngeseu, e oubeltik el reng el mo er tir el rechedal a tim er kau!
Bebil a sorir el mo tmuu e ousekool—me te mong. Se el klou a ultutelel a diak el ior er a duch e ngdi se el rengud el kongei el otungid er a chelsel a kurangd. Ng diak el longiil sel lambang er tir a mukedong, eleng te medengelii sel chedaol llechukl el uase, alsekum eng ngar ngii er a rengum a mo mesiou er a Dios e kau a mokedong el mo er a ureor.
Ng sebechem losisebau er a blechobech.
Kau a meruul er tiang sel mosuub e moruul er sel hong er klekool er a priesthood.
Ngara omerollem e ke mo mesibas e mo ruebet—el uaisei el mo betok, betok el taem. Kau a diak em cherrungel; a mo ruebet a tebechedel a telengtengil a mo ngosechekl el ngii a mo meskau a techall el mo melisiich a blekerdelem e mo mesiou el ngara ungil el ulekerreu el mora rebebil. A Osobel me a sel diak ulebengelel el Tngakireng er Ngii a ochotii a rael el mo mesisiich er a klechitechetud lokiu a meral ouchel reng.
A rungil chad er a klekool a mengoit a dart el sikang el mo meduch er a chimo el kekerei el tebechedel a klekool el ngar er ngii. Me sel moba priesthood, e kau a ousbech er tia el osisiu el uldsasu. Alsekum ke reuebt, e mouchel a rengum e msubii. Bom practice mebo sebechem el mo ungil er sel tara taem. Eng di mera er ngii ng kmal di ior er kau. Kau ng sebechem el mo mesuub er sel hong er a klekool?
A kulengit er kau: e Moumerang er a Rubak. Motungii se el sebecheklel a Dios, e bom soiseb er a chelsel a klekool.
Ng diak a rebetok el tir a ousekool a muut el semmong el klekool er a ngar er bab el dauch, e ng di se el kuk denguu er a chad el oltirakl, e ng betok a tibir el mo oltirakl er a Kristo.
A mera er ngii, sei a urerem er tia el klengar—el mo mesuub a teletelel a Rubak, e mo soiseb er a rael el mo oltirakl, e mo melasem el kiei el okiu a uldesuel a Dios. A Dios a mo olterkokl e omekngeltengat er kau se el bo mobult el mo er Ngii. Kau a sebechem el rulii tiang eleng kau a kmal ungil chad er a osengel a Dios.
Ak meluluuch el kmo ke mo tibir a rengum el mo kiei el klikiid el kirel a chedaol el priesthood el kau a obang e mo melasem el oltaut aike el ngii a chedaol ngerchelem er a bek el sils. Ak omekngeltengat er kau el oba decham me se el soal a rengum el mo rullii. Ak kuldak er a klaumerang er a klisichel a priesthood el kau a obang, er a rekiei el reprofet, me a Jesus Kristo me a Ngerchelel el Osobel. Lobang a ngklel a Jesus Kristo, amen.