E Mensahe, e Nifikashon, i e Multitut
Sor di e bochincha insensante i ritmo di nos dianan, laga nos esforsá nos mes pa wak Cristu den e sentro di nos bida, [di] nos fé i [di] nos servisio.
Rumannan, esaki ta Sammy Ho Ching, di shete luna, mirando konferensia general na su kas aprel ku a pasa ei.
Ora e tempu a yega pa sostené Presidente Russell M. Nelson i e otro Outoridatnan General, Sammy su mannan tabata okupá ta tene su bòter. Kermen el a hasi e mihó kos ku e por hasi.
Sammy a duna un nifikashon kompletamente nobo na e konsepto di vota ku bo pianan.
Bon biní na e konferensia semi anual di E Iglesia di JesuCristu di e Santunan di e Delaster Dianan Pa prepará e esena pa un diskurso tokante e nifikashon di e reunionnan aki di dos biaha pa aña, mi ta invoká e esena aki di Lukas su registro den Tèstament Nobo:1
“I a sosodé, ku miéntras [Jesus] tabata yegando na Yériko, un sierto hòmber siegu tabata sintá na kantu di kaminda pidiendo limosna:
“… skuchando [un] multitut pasando, el a puntra kiko esaki ta nifiká.
“… Nan a bis’é, ta Jesus di Nazarèt ta pasando.
“I el a grita, bisando, Jesus, abo Yu di David, tene miserikòrdia di mi.”
Sorprendé pa su kurashi, e multitut a purba laga e hòmber keda ketu, pero e “el a grita mas tantu,” e relato ta bisa. Komo resultado di su persistensia, a tresé serka Jesus, ku a skucha su súplika yená ku fe pa e restourashon di su bista i a sana e hòmber.2
Mi ta emoshoná dor di e suseso aki kada biaha ku mi les’é. Nos por sinti e hòmber su angustia. Nos por kasi tendé grita pa atenshon di e Salbador. Nos ta hari na su rechaso pa keda ketu —bèrdat, su determinashon pa hisa e volumen mas haltu ora tur hende tabata bis’é pa bah’é abou. E ta, di su mes, un historia bunita i di fe hopi determinante. Pero manera ta ku tur skritura, mas nos les’é, mas nos ta haña den dje.
Un pensamentu ku a dal mi djis resientemente ta e bon sentido ku e hòmber aki tabatin di tin hendenan spiritualmente sensibel rondó di dje. E signifikado kompleto di e historia ta mará na e kantidat di hende muhé i hòmber anónimo ku, ora nan wòrdu puntrá dor di nan kolega, “Kiko e komoshon aki ta nifiká?” tabata tin e vishon, pues, pa identifiká Cristu komo e rason di e klamor; E tabata e “Nifikado Personifiká.” Tin un enseñansa den e interkambio chikitu aki pa nos tur. Den asuntunan di fe i konvikshon, ta yuda pa dirigí nos preguntanan na esnan ku realmente tin algun! “E siegu por guia e siegu?” Jesus un biaha a puntra. “[Si t’asina,] nan dos lo no kai den e buraku?”3
Tal búskeda di fe i konvikshon ta nos propósito den e konferensianan aki, i dor di uni ku nos awe, lo bo realisá ku e búskeda aki ta un esfuerso kompartí ampliamente. Wak rònt di bo. Aki riba e terenonan aki bo ta mira famianan di tur tamaño biniendo for di tur direkshon. Amigunan di antes brasando den enkuentro alegre, un koro maravioso ta kalentando, i esnan ku ta protestá pará riba nan kaha di habon faborito . Misioneronan di antes buskando nan kompañeronan di antes, miéntras ku misioneronan resien regresá ta buskando totalmente diferente kompañeronan totalmente nobo (si bo sa kiko mi ke men). I hopi portèt? Shelu yuda nos! Ku telefòn selular den kada man, nos a kambia di “kada miembro un misionero” pa “kada miembro un fotógrafo .” Meimei di tur e komoshonnan enkantador aki, un hende ku hustifikashon por puntra, “Kiko tur e kos aki ta nifiká?”
Meskos ku den nos historia di Tèstamènt Nobo, esnan bendishoná ku bista lo rekonosé ku, maske tur otro kos ku e tradishon di konferensia aki por ofresé nos, e lo tin tiki nifikashon si nos no haña Jesus den e sentro di tur kos. Pa gara e vishon ku nos ta buskando, e sanashon ku E ta primintí, e signifikado ku di un manera nos sa ku ta aki nan, nos mester buska den e konmoshon —maske kon kontentu e por ta —i ahustá nos atenshon riba Dje. E orashon di kada diskursante, e speransa di tur esnan ku ta kanta, e reverensia di kada invitado —tur ta dediká na invitá e spiritu di E di ken e Iglesia aki ta —e Cristu bibiente, e lamchi di Dios, e Prinsipe di Pas.
Pero nos no mester ta den un sentro di konferensia pa nos por hañ’é. Ora un mucha lesa e Buki di Mormon pa promé biaha i ta enamorá ku Abinadí su kurashi òf e marcha di e 2000 hobennan guerero, nos por agregá kuidadosamente ku Jesus ta e figura sentral semper presente den e krónika maravioso aki, pará di manera kolosal virtualmente riba kada página di dje i proveé e enlase na tur e otro figuranan den dje ku ta promové fe.
Igual manera, ora un amigu ta siñando tokante nos fe, e por ta un poko abrumá dor di algun di e elementonan úniko i vokabulario ménos familiar di nos práktika religioso —restrikshonnan alimentisio, suministro di outo sufisiensia, marcha di pionero, palu familiar digitalisá, ku un kantidat grandi di sentro di estaka kaminda sin duda hopi a pensa ku nan lo risibí un bon plato di kuminda. Pues, manera nos amigunan nobo ta eksperensiá un kantidat di paisahe i sonido nobo, nos mester mustra mas leu di e agitashon diario i konsentrá nan riba e nifikashon di tur kos, riba e batimentu di kurason di e evangelio eterno— e amor di Mayornan Selestial, e regalo di ekspiashon di e Yu divino, e guia ku ta konsolá di e Spiritu Santu, e restourashon di ultimo dia di tur e bèrdatnan aki i mas.
Ora un persona bai tèmpel pa promé biaha, e lo ta un poko impreshoná dor di e eksperiensia ei. Nos tarea ta pa sigurá ku e símbolonan sagrado i e ritualnan revelá, pañanan seremonial i presentashon visual nunka distraí for di, pero mas bien mustra na e Salbador, kende nos ta einan pa adorá. E tèmpel ta Su kas, i E mester ta esun mas haltu den nos mente i kurason —e doktrina mahestuoso di Cristu penetrando den nos propio ser meskos ku e ta penetrá den e ordenansanan di tèmpel —for di tempu ku nos ta lesa e inskripshon na e porta dilanti de na e lastu momentu ku nos pasa den e edifisio. Meimei di tur e milagernan ku nos ta topa, nos mester mira, mas aya di tur kos, e signikifado di Jesus den e tèmpel.
Konsiderá e kambio di initiativanan grandi i anunsionan nobo den e Iglesia durante djis e lunanan resien. Ora nos ta ministra un na otro, òf rafiná nos eksperiensa di dia di reposo, òf brasa un programa nobo pa e muchanan i e hubentut, nos lo pèrde e rason real di e ahustenan inspirá si nos ta mira nan komo desesperá, elementonan sin relashon, en bes di mira nan komo un esfuersointerrelashoná pa por yuda nos konstruí firmemente riba e Baranka di nos Salbashon.4 Sigur, sigur, esaki ta Presidente Russell M. Nelson su intenshon pa aga nos usa e nòmber revelá di e Iglesia.5 Si Jesus —Su nòmber, Su doktrina, Su ehèmpel, Su divinidat —por ta e sentro di nos adorashon, nos lo intensifiká e bèrdat ku Alma a yega di siña: “Tin hopi kos pa bin: Hopi kos lo bin, (pero) ata ki pero tin un ku ta mas importante ku nan tur— … e Redentor [ku] ta biba I ta bin entre Su pueblo.”6
Un pensamentu final ku E ambiente den e frontera di siglo 19 di Joseph Smith tabata kargá ku multitut di testigunan Cristian den kompetensia ku otro.7 Pero den e tumulto ku nan a krea, e pastornan fanatiko aki tabata, ironikamente, skurese e propio Salbador ku Joseph tabata buska asina intensamente. Batayando loke el a yama, “skuridat i konfushon,”8 el a retirá den soledat di un arboleda kaminda el a mira i skucha e testimonio mas glorioso di e Salbador komo sentro di e evangelio ku loke kualke un di nos a menshoná aki. Ku e don di bista ku e no por a imaginá ni antisipá, Joseph a mira den vishon su Tata Selestial, e gran Dios di e universo, i Jesu Cristu, Su Yu Unigénito perfekto. E ora ei e Tata a duna e ehèmpel ku nos a bin ta aploudí e mainta aki: E la mustra na Jesus, bisando, “Esaki ta Mi Yu Stimá. Skuch;é!9 Skuch’é!8No tin ekspreshon mas grandi di e identidat divino di Jesus, Su gran importansia den e plan di salbashon, i Su puesto den e bista di Dios por surpasa e deklarason di shete palabranan kortiku ei.
Komoshon i konfunshon? Multitut i kontenshon? Tin sufisiente di tur esei den nos mundu. Di berdat, sképtikonan i esnan fiel ainda ta kontendé tokante e vishon aki i virtualmente tur loke mi a referí na dje awe. Si akaso abo por ta luchando pa mira mas kla i buska e nifikashon mei mei di e multitut di opinion, Mi ke dirigí bo na e mesun Jesus i deklará mi testimonio apostóliko di Joseph Smit su eksperiensia, hasiendo manera a sosodé 1800 aña despues ku nos amigu siegu a risibí su bista riba e kaminda antiguo di Yériko. Mi ta testifiká ku e dosnan aki i e gran multitut di otronan a durante di tempu ku seguramente e bista i e sonido mas emosionante den bida ta esun di Jesus no solamente pasando bai10 pero Su binida na nos, parando banda di nos, i hasiendo Su bibá huntu ku nos.11
Rumannan, a traves di e bochinchanan insensante, nos por hasi esfuerso pa wak Cristu den e sentro di nos bida, di nos fe i di nos servisio. Ei e nifikashon berdadero ta. I si algun dia nos vishon ta limitá, òf nos konfiansa a baha, òf nos kreensia ta wòrdu di tèst i refiná - ku ta sigur lo pasa - ku nos por grita mas duru, “Jesus, abo yu di David, tene miserikòrdia ku mi.”12 Mi ta primintí ku un pashon apostóliko i konvikshon profetiko ku E lo skucha boi lo bisa, lat òf trempan, “Risibi bo bista: bo fé a salba bo.”13 Bonbiní na [e] konferensha gemeral Den e nòmber di JesuCristu, amèn.