Honrando Su Nòmber
Ku identidat i pertenensia di kombenio, nos ta wòrdu yamá dor di e nòmber di JesuCristu.
Ora mayornan ansiosamente ta spera e nasementu di un yu, nan tin e responsabilidat di skohe un nòmber pa nan beibi nobo. Kisas ora boso a nase, boso a haña un nòmber ku a wòrdu pasá den boso famia pa hopi generashon. Òf kisas e nòmber ku boso a haña tabata popular den e aña òf área ku boso a nase.
E profeta Helaman i su kasá a duna nòmbernan di famia signifikante na nan yunan hòmber chikitu Nefi i Lehi. Helaman despues a bisa su yunan
“Mi a duna boso e nòmbernan di nos promé mayornan … ku ora boso kordá boso nòmbernan boso por kordá nan; i ora boso kordá nan boso por kordá nan obranan … ku ta bisa, i tambe skirbí, ku nan tabata bon.”
“P’esei, mi yunan, lo mi ke pa boso hasi lokual ta bon.”1
E number di Nefi i Lehi a yuda nan pa rekordá e bon obranan di nan antepasadonan i a kurashá nan pa nan tambe hasi bon.
Hermananan,no ta importá unda nos ta biba, kua idioma nos ta papia, òf sea ku nos tin 8 aña òf 108, nos tur ta kompartí un nòmber spesial ku e mesun propósitonan aki.
“Pasó hopi di [nos] a wòrdu boutisá den Cristu a keda bistí ku Cristu … pasó [nos] tur ta un den Cristu Jesus.”2
Komo miembro di E Iglesia di JesuCristu di e Santunan di e Delaster Dianan, “ promé nos a primintí nos disposishon pa tuma riba nos e nòmber di Cristu, pa medio di e ordenansa di boutismo.”3 Pa medio di e kombenio aki, nos a primintí pa kòrd’é semper,warda Su mandamentunan, i sirbi otronan. Nos disposishon pa warda e kombenio aki ta wòrdu renobá kada dia di Sabat ora nos ta partisipá di e santa sena i ta alegrá un biaha mas den e bendishon di “kana den un bida nobo.”4
E nòmber ku nos a haña na nasementu ta representá nos identidat individual i ta hasi nos parti di nos famianan terenal. Sinembargo, ora nos a “nase di nobo” na boutismo, nos komprondementu di ken nos ta a engrandesé. “I awor pa motibu di e konvenio ku boso a hasi boso lo wòrdu yamá e yunan di Cristu, … pasó ata’ ki, e dia aki el a engendrá boso spiritualmente; pasó boso ta bisa ku boso kurason ta kambiá dor di fe den su nòmber;di manera ku, boso ta nasé di dje.”5
Pues, ku identidat i pertenensia di kombenio, nos ta wòrdu yamá pa e nòmber di JesuCristu. I, “otro nòmber lo no [wòrdu] duná ni ningun otro kaminda, ni manera pa medio di kua salbashon por bini na e yunan di hende, únikamente den i pa medio di e nòmber di Cristu, e Señor Omnipotente.”6
E nòmber di JesuCristu tabata konosí hopi tempu promé ku Su nasementu. Na Rei Benjamin, un angel a profetisá, “ I lo e wòrdu yamá JesuCristu, e Yu di Dios, … i su mama lo yama Maria.7 Su obra di “amor ku ta redimí”8 tambe a wòrdu anunsiá na e yunan di Dios kada biaha ku e evangelio tabata na tera, for di e dianan di Adan i Eva te nos tempu presente, pa asina nan por sa “na kua fuente nan por mira pa un remishon di nan piknan.”9
Aña pasá, Presidente Russell M. Nelson a ekstendé “un ruego profétiko” na e hermananan pa “duna forma na e futuro dor di yuda reuní Israel eksparsí.” El a invitá nos pa lesa e Buki di Mormon i “marka kada verso ku ta papia òf ta duna referensia na e Salbador.” El a pidi pa nos “sea intenshonal ora ta papia tokante Cristu,gosando den Cristu, i predikando di Cristu ku [nos] famia i amigunan.” Kisas bo a kuminsá pa rekonosé e frutanan di e promesa ku “abo I nan lo wòrdu halá mas serka di e Salbador. … I kambion, asta milagernan, lo kuminsásosodé.”10
Nos promesa pa kòrda e Salbador ta duna nos forsa pa para pa bèrdat i rektitut—sea nos ta den un públiko grandi òf den nos lugánan solitario, kaminda ningun hende no konosé nos akshonnan eksepto Dios. Ora nos ta rekord’E i Su nòmber ku nos ta karga, nos no tin lugá pa komparashonnan ku ta degradá nos mes òf huisio arogante. Ku nos bista riba e Salbador, nos ta mira nos mes manera nos ta realmente—un yu stimá di Dios.
Kordando riba nos kombenio ta kalma prekupashonnan di mundu, ta kambia dudamentu di nos mes den kurashi, i ta duna speransa den tempunan di prueba.
I ora nos trompeká i kai den nos progreso durante e kaminda di kombenio, nos tin ku solamente kòrdá Su nòmber i Su bondat amoroso na nos. “Pasó e tin tur poder, tur sabiduria, i tur komprendementu; e ta komprondé tur kos, i e ta un Ser miserikordioso … pa esnan ku ke arepentí i kere den su nòmber.”11 Sigur, no tin un zonido masdushi ku e nòmber di Jesus pa tur esnan, ku un kurason kibrá i un spiritu kontrito, ta buska pa “hasi mihó i ta mihó.”12
Presidente Nelson a siña: “ E dia ku bo por ta un Kristian ketu i konfortabel a pasa bai. Boso religion no ta solamente tokante presentá djadumingu na Iglesia. Ta tokante presentá komo un disípulo bèrdadero for di djadumingu mainta te ku djasabra anochi. … No tin tal kos manera un disípulo ‘part-time’ di Señor JesuCristu.”13
Nos disposishon pa tuma e nòmber di Cristu riba nos ta mas ku un interkambio formal di palabranan. E no ta un promesa pasivo òf kreashon falsu di kultura. E no ta un seremonia òf bèchi ku nos ta bisti. E no ta un dicho ku nos por simplemente pone riba un rèki òf kologá na muraya. Di Dje ta un nòmber ku ta “poné riba,”14 skibí den nos kurason, i “grabá riba [nos] kara.”15
E Salbador Su sakrifisio ekspiatorio mester por wòrdu rekordá, semper, pa medio di nos pensamentunan, akshonnan, i interakshon ku otronan. E no ta rekordá solamente nos nòmber, pero E ta rekordá nos semper. E Salbador a deklará:
“Pasó un muhé por lubidá su yu na pechu, ku e lo no tin kompashon pa e yu di su skochi?” Si, nan por lubidá, pero Ami lo no lubidá boso. O kas di Israel
“Ata ki. Mi a graba boso den e Mi plant’i man””16
Presidente George Albert Smith siña “Honra e nòmbernan ku boso ta karga,pasó un dia boso lo tin e privilegio i e obligashon di reportá … na boso Tata den shelu … kiko boso s hasi ku [e nòmbernan ei].”17
Meskos ku e nòmbernan kuidadosamente skohé di Nefi i Lehi, por wòrdu bisá i skirbí di nos ku nos ta disípulonan bèrdadero di Señor JesuCristu? Nos ta honra e nòmber di JesuCristu ku nos a tuma riba nos mes boluntariamente? Nos ta tantu “un sirbidó i un testigu”18 di Su amor bondadoso i Su poder redentor?
No muchu tempu pasá, mi tabata skuchando e Buki di Mormon. Den e delaster kapítulo di 2 Nefi, mi a skucha Nefi bisa un kos ku nunka mi a lesa di mes manera promé. Den henter su registro, e ta siña i ta testifiká di e “Redentor,” i “Esun Santu di Israel,” e “Lamchi di Dios,”i e “Mesias.” Pero na klousura di su relato, mi a skuch’é bisa e palabranan aki: “Mi ta gloria den klaridat; mi ta gloria den bèrdat; mi ta gloria den mi Jesus, pasó el a redimí mi alma.”19 Ora mi a skucha e palabranan aki, mi kurason a alegrá i mi tabatin ku skucha kada biaha atrobe. Mi a rekonosé i a reakshoná riba e versíkulo ei meskos ku mi a rekonosé i a reakshoná ribaa mi mes nòmber.
Señor a bisa, “Si, bendishoná ta e hende ku ta dispuesto pa karga mi nòmber; pasó den mi nòmber nan lo wòrdu yamá; i nan ta di mi.”20
Komo miembronan di E Iglesia di JesuCristu di e Santunan di e Delaster dianan, laga ku nos por ku plaser nos ta tuma [riba nos]e nòmber di Cristu”21 honrando Su nòmber ku amor, deboshon, i bon obranan. Mi ta testifiká ku E ta “e Lamchi di Dios, si, hasta e Yu di e Tata Eterno.”22 Den e nòmber di Su yu Santu, Jesucristu, amèn.