No Gaña Mi
Ora nos obedesé Dios Su mandamentunan, semper nos lo wòrdu guiá riba e bon kaminda i nos lo no wòrdu engañá.
Awe, mi ta ofresé palabranan di konseho pa tur hende, pero spesialmente pa boso di e generashon kresiente—muchanan di Primaria, hombres jovenes, i mujeres jovenes. Boso ta wòrdu stimá profundamente pa Señor Su profeta pa nos tempu, Presidente Russell M. Nelson—asina tantu ku el a papia ku hopi di boso aña pasá den un transmishon spesial di devoshonal pa hubentut rònt mundu titulá “Speransa di Israel.”1 Hopi biaha nos ta tende Presidente Nelson yama boso eksaktamente esei — e “speransa di Israel,” e generashon kresiente i futuro di e Iglesia restourá di JesuCristu.
Mi amigunan yòn, lo mi ke kuminsá pa kompartí dos historia di famia.
E di 102 Dalmatian
Añanan pasá, mi a yega kas for di trabou i tabata spantá pa mira fèrf blanku di spat tur kaminda—riba flur, porta di garashi, i riba nos kas di blòki kòrá. Mi a inspekshoná e lugá mas di aserka i a deskubrí kku ainda e fèrf tabata muhá. Un spor di fèrf a hiba na e patio patras, i pues mi a siguié. Aya, mi a haña mi yu hòmber di sinku aña ku un kuashi di ferf den su man, persiguiendo nos kachó. Nos bunita Labrador pretu tabata di fèrf [di spat] mitar blanku!
“Kiko bo ta hasiendo?” Mi a puntra den un stèm animá.
Mi yu a stòp, wak mi, wak e kachó, wak e kuashi lèk fèrf blanku, i a bisa, “Mi tabata ke solamente pa el a keda manera e kachónan ku mancha pretu den e pelíkula—bo sa, esun ku e 101 Dalmatians.”
Mi tabata stima nos kachó. Mi a pensa ku e tabata perfekto,pero e dia ei mi yu tabatin un idea diferente.
E Pushi Strepiá
Mi di dos historia ta sentrá rònt di Tio Grandi Grover ku tabata biba leu, den un kas den, leu for di e suidat. Tio Grover tabata birando basta grandi. Nos a pensa ku nos yunan hòmber mester konos’é promé ku e muri. Asina ta ku, un trèmerdia, nos a kore leu pa bai su kas humilde. Nos a sinta huntu pa bishitá i introdusié na nos yunan. No muchu despues den e kombersashon, nos dos yunan yòn, di kisas sinku i seis aña, ker a sali pafó i hunga.
Tio Grover, skuchando nan petishon, a bùk ku su kara den di nan. Su kara tabata asina kurtí i deskonosí ku e muchanan tabatin un tiki miedu di dje. El a bisa nan, den su bos serio, “Tene kuido—tin hopi zorillo ayafó.” Skuchando esaki, Lesa i ami tabata mas ku sorprendé; nos tabata preokupá ku nan por a wòrdu di spùit dor di un zorillo! Pronto e muchanan a bai pafó pa hunga i nos a sigui ku bishita.
Mas lat, ora nos a drenta den outo pa bai kas, mi a puntra e muchanan, “Boso a mira un zorillo?” Un di nan a respond’é, “No, nos no a mira niun Zorillo, pero nos a mira un pushi chikitu ku strepi blanku riba su lomba!”
E Gran Gañadó
E historianan aki tokante muchanan inosente deskubriendo algu tokante bida i realidat por pone kada un di nos hari, pero nan ta ilustrá tambe un konsepto mas profundo.
Den e promé historia, nos yu hòmber yòn tabatin un kachó bunita komo maskota; tòg el a kue un galòn di fèrf i, ku kuashi den man, el a disidí pa krea su mes su realidat ku el a imaginá.
Den e di dos historia, e muchanan tabata felismente inkonsiente di e menasa desagradabel ku nan tabata enfrentá di a haña un zorillo. Inkapas pa identifiká apropiadamente lokual ku en realidat nan a kontra ku ne, nan tabatin e rísiko di sufri algun konsekuensia inkombeniente. Esakinan ta historianan di identidat robes— asumiendo e kos real di ta algu otro. Den kada kaso, e konsekuensianan tabata menor.
Sinembargo, awendia hopi ta lucha ku e mesun kuestionnan aki na un eskala mas grandi. Nan ta òf inkapa pa wak kosnan manera realmente nan ta òf nan no ta satisfecho ku bèrdat. Ademas, awendia tin influensianan fuerte ku ta diseñá deliberadamente pa hala nos leu for di bèrdat apsoluto. E desepshonnan i mentiranan aki ta bai mas leu ku e identidat inosente kiboká i hopi bia tin tin konsekuensia teribel i ku no ta menor.
Satanas, e tata di mentiranan i e gran gañadó, lo hasi pa nos kuestioná e kosnan manera nan ta realmente i ignorá e bèrdatnan eterno òf reemplasá nan den algu ku ta parse mas agradabel. “E ta hasi guera ku e santunan di Dios”2 i a pasa milenionan kalkulando i praktikando e abilidat pa persuadí Dios su yunan pa kere ku bon ta malu i malu ta bon.
El a traha un reputashon pa su mes di kombensé hende bibu ku zorillo ta solamente pushi chikitu òf ku, ku un aplikashon di fèrf, bo por transformá un Labrador den un Dalmata!
Awor laga nos bolbe na un ehèmpel di e mesun prinsipio aki hañá den e skrituranan, ora Señor Su profeta Moises, a bini kara ku kara ku mes un kuestion aki. “Moises a wòrdu kohé den un seru ekstremadamente haltu, … el a mira Dios kara a kara, i el a papia ku n’e.”3 Dios a siña Moises tokante su identidat eterno. Ounke Moises tabata mortal i imperfekto, Dios a pensa ku Moises tabata “na semehansa di mi Úniko Unigénito; i mi Úniko Unigénito … lo ta e Salbador.”4
Pa resumí den e vishon maravioso aki, Moises, a mira Dios, i tambe el a siña algu importante tokante dje mes: ounke mortal, e tabata di berdat un yu hòmber di Dios.
Skucha kuidadosamente na lokual a sosedé ora e vishon maravioso aki a sera. “I a sosedé ku … Satanas a bini tentando e,” bisando, “Moises, yu di hende, adorá mi!”5 Ku kurashi Moises a respondé: “Ken bota? Pasó mira aki, mi ta un yu di Dios, na semehansa di Su Unigénito; i unda bo gloria ta, ku mi tin ku adorá bo?”6
Den otro palabra, Moises a bisa: “Bo no por engañá mi, pasó mi sa ken mi ta. Mi a wòrdu kreá den e imágen di Dios. Bo no tin Su lus ni gloria. Pues dikon lo mi adorá bo òf kai pa bo desepshon?”
Awor pone atenshon kon Moises a sigui respondé. El a deklará, “Bai for di aki,Satanas; no engañá mi.”7
Tin hopi [kos] ku nos por siña for di Moises su kontesta poderoso na tentashon di e atversario. Mi ta invitá boso pa respondé di mes manera ora boso sinti boso influensiá pa tentashon. Komandá e enemigu di boso alma dor di bisa, “Kita bai! Bo no tin gloria. No tenta mi òf gaña mi! Pasó mi sa ku mi ta un yu di Dios. I semper lo mi yama riba mi Dios pa Su yudansa.””
Sinembargo, e atversario, no ta bandoná fásilmente su motibunan destruktivo pa engañá i menospresiá nos. Sigur e no a hasi asina ku Moises, enbes deseando pa poné lubidá ken e ta eternamente.
Komo si fuera ku e tabatin un atake di furia infantil, “Satanas a grita na bos haltu, i a sulfurá riba tera, i a mandá, bisando: ami ta e Unigénito, adorá mi.”8
Laga nos revisá. Boso a skucha lokual el a kaba di bisa? “Ami ta e Unigénito. Adorá mi!”
E gran gañadó a bisa, “No preokupá, mi no ta hasi bo daño—mi no ta un zorillo; mi ta solamente un pushi chikitu ku strepi blanku.”
E ora ei Moises a yama riba Dios i a risibí Su forsa dibino. Ounke Satanas a pone e tera tembla i sakudí, Moises no a entregá. Su stèm tabata sigur i kla. “Bai for di mi, Satanas,” el a deklará, “pasó ta e Dios aki so lo mi adorá, kual ta e Dios di Gloria.”9
Finalmente, “Satanas … a bai … for di e presensia di Moises.”10
Despues ku Señor a aparesé i a bendishoná Moises pa su obedensia, Señor a bisa:
“Bendishoná abo ta, Moises, … lo bo wòrdu hasí mas fuerte ku hopi awa. …
“I ata aki, mi ta ku bo, te na fin di bo dianan.”11
Moises su resistensia na Satanas ta un ehèmpel bibu i kla pa kada un di nos, sin importá nos posishon den bida. Ta un mensahe poderoso pa boso personalmente—pa sa kiko pa hasi ora Satanas ta purba pa engañá boso. Pasó boso, meskos ku Moises,a wòrdu bendishoná ku e regalo di yudansa selestial.
Mandamentunan i Bendishonnan
Kon boso por haña e yudansa selestial aki, meskos ku Moises a hasi, i no wòrdu engañá òf kai den tentashon? Un fuente kla pa asistensia divino a wòrdu reafirmá den e dispensashon aki pa Señor mes ora El a deklará: “P’esei, ami e Señor, konosiendo e kalamidat ku lo bini riba e habitantenan di e tera, a yama mi sirbiente Jose Smith, Jun., i a papia kuné for di shelu, i a dun’é mandamentunan.”12 Usando palabranan mas simpel, nos por bisa ku Señor, konosé “e fin for di kuminsamentu,”13 konosé e difikultatnan úniko di nos tempu. P’esei, El a proveé un manera pa resistí desafionan i tentashonnan, hopi di kua ta bini komo resultado dirèkt di e influensianan engañoso di e atversario i su atakenan.
E kaminda ta simpel Pa medio di Su sirbidónan, Dios ta papia na nos, Su yunan, i ta duna nos mandamentunan. Nos por reformulá e versonan aki ku mi a kaba di sita di nobo i alegrá ku Dios a “yama na su sirbiente [Presidente Russell M. Nelson], i a papia ku n’e for di shelu, i a dun’é mandamentunan.” Esei no ta un bèrdat glorioso?
Mi ta duna mi testimonio solemne ku Señor realmente a papia for di shelu,kuminsando ku e gran Promé Vishon. E ta papia tambe ku Presidente Nelson den nos tempu. Mi ta testifiká ku Dios a komuniká ku profetanan den eranan pasá i a duna nan mandamentunan diseñá pa hiba Su yunan na felisidat den e bida aki i gloria den e siguiente.
Dios ta sigui duna mandamentunan na nos profeta bibu awendia. Tin hopi ehèmpel—un ekilibrio, mas sentrá riba e hogar i apoyá pa Iglesia den e instrukshon di e evangelio; ta remplasá orientashon familiar i maestra bishitante ku ministrashon; ahuste na e polítika i ordenansanan den tèmpel; i e programa nobo pa Muchanan i hóbennan for di 2020. Mi ta asombrá pa e bondat i kompashon di un Tata Selestial amoroso i Su Yu, JesuCristu, ku a restourá e Salbador Su Iglesia na tera un biaha mas i a yama un profeta den nos tempu. E Restourashon di e evangelio di JesuCristu ta opstakulisá tempunan peligroso ku e plenitut di tempunan.
Maldat Nunka Tabata Felisidat
Obedensia na e mandamentunan duná na nos profeta ta un yabi no solamente pa evitá e influensia i engaño di e gañadó pero tambe den eksperensiá goso i felisidat duradero. E formulá divino aki ta bastante simpel: e hustisia, òf e obedensia na e mandamentunan, ta trese bendishonnan, i e bendishonnan ta trese felisidat, òf alegria na nos bida.
Sinembargo, di mesun manera ku Satanas a purba na engañá Moises, e ta buska pa gaña boso. Semper el a pretendé di ta algu ku e no ta. Semper e ta purba na skonde ken e ta realmente. E ta pretendé ku obedensia lo hasi boso bida miserabel i ku e lo hòrta boso felisidat.
Boso por pensa di algun di su táktikanan pa engañá? Por ehèmpel, e ta disfrasá e konsekuensia destruktivo di droga ilegal i bebementu i enbes ta sugerí ku e lo duna plaser. E ta sumergí den e vários elementonan negativo ku ta eksistí den ret sosial, inkluyendo komparashonnan debilitante i realidat idealisá. Ademas, e ta kamuflá otro kontenidonan dañino hañá online, manera pornografia, atake flagrante riba otro dor di tentamentu sibernétikoriba i sembrando informashon pa kousa duda i miedu den nos kurason i mente Ku astusia e ta susurá, “Djis sigui mi, i ku seguransa lo bo ta felis.”
E palabranan skirbí asina tantu siglo pasá pa un profeta den e Buki di Mormon ta spesialmente relevante pa nos tempu: “Maldat nunka tabata felisidat.”14 Mi ta spera ku nos por rekonosé Satanas su engañonan pa lokual nan ta. Mi ta spera ku nos por resistí i mira dor di e mentiranan i influensianan di esun ku ta buska pa destruí nos alma i hòrta for di nos goso presente i futuro gloria.
Mi rumannan stimá, nos mester sigui fiel i vigilante, pasobra esei ta e úniko manera pa distinguí bèrdat i pa skucha e bos di Señor pa medio Su sirbidónan. “Pasó e Spiritu ta papia e bèrdat i no ta gaña. … E kosnan aki ta manifestá kla na nos, pa e salbashon di nos alma. … Pasó Dios a papia tambe na e profetanan di antiguedat.”15 Nos ta e Santunan di Dios Todopoderoso, e speransa di Israel! Nos lo faya? “Nos lo hui sin lucha? No! … Pa mandamentu di Dios, alma, kurason, i man, fiel i berdadero nos lo para semper.”16
Mi ta duna mi testimonio spesial di Esun Santu di Israel—hasta e nòmber di JesuCristu. Mi ta testifiká di Su amor, bèrdat,i alegria permanente ku ta hasí posibel danki pa Su sakrifisio infinito i eterno. Ora nos obedesé Su mandamentunan, semper nos lo wòrdu guiá den e bon kaminda i nos lo no wòrdu engañá. Den e nòmber sagrado di nos Salbador, JesuCristu, amèn.