E di Dos Gran Mandamentu
Nos goso di mas grandi ta bin ora nos yuda nos rumannan.
Mi rumannan stimá, danki pa tur kos ku boso ta hasi pa yuda reuní Israel na tur dos banda di e velo, pa fortalesé boso famia, i pa bendishoná e bida di esnan den nesesidat. Danki pa biba komo berdadero siguidónan di Jesu Cristu.1 Boso konosé i stima pa warda Su dos gran mandamentunani, pa stima Dios i pa stima boso próhimo.2
Durante e delaster seis lunanan aki, Hermana Nelson i ami a topa ku míles di Santunan segun nos a biaha pa Sentro i Sur Amérika, e islanan Pasífiko, i vários suidat den Merka. Ora nos ta biaha, nos speransa ta pa edifiká boso fe. Sinembargo semper nos ta regresá ku nos fe fortalesé pa e miembronan i amigunan ku nos ta topa. Pèrmití mi kompartí tres momentu signifikante for di nos eksperensianan resiente?
Den mei, Hermana Nelson i ami a biaha ku Elder Gerrit W. i Hermana Susan Gong pa Sur Pasífiko. Miéntras nos tabata na Auckland, New Zealand, nos tabatin e honor di reuní ku e imannan di dos moské na Christchurch, New Zealand, kaminda djis dos luna promé, adoradónan inosente a wòrdu ataka ku armanan den un akto di violensia horibel.
Nos a ekstendé nos kondolensia na e hermanonan aki di otro kreensia i reafirmá nos kompromiso mutuo pa libertat di religion.
Nos a ofresé tambe trabou boluntario i asistensia finansiero modesto pa rekonstruí nan moskénan. Nos reunion ku e lidernan musulman aki tabata yená ku ekspreshonnan tierno di hermandat.
Na ougùstùs, huntu ku Elder Quentin L. i Hermana Mary Cook, Hermana Nelson i ami a topa ku personanan na Buenos Aires, Argentina—mayoria di nan no di nos kreensia—di kual nan bida a wòrdu kambiá pa ròlstulnan proveé na nan dor di nos Latter-day Saint Charities. Nos tabata inspirá ora nan a ekspresá nan gratitut yen di alegria pa nan mobilidat renobá.
Un di tres momentu presioso a sosedé djis algun siman pasá aki na Salt Lake City. El a bini di un karta úniko ku mi a risibí dia mi a hasi aña, for di un hobensita ku lo mi yama Mary —[di] 14 aña.
Mary a skirbi di kosnan ku e i ami tin en komun: “Bo tin 10 yu. Nos tin 10 mucha. Bo ta papia mandarin. Shete di e muchanan den mi famia, inkluso ami, a wòrdu adoptá di China, asina ku mandarin ta nos promé lenga. Abo ta un siruhano. Mi ruman muhé tabatin dos [operashon] di kurason habrí. Bo gusta dos ora di iglesia. Nos gusta dos ora di iglesia. Bo tin un tono perfekto. Mi ruman hòmber tambe tin un tono perfekto. E ta siegu meskos ku ami.”
Mary su palabranan a toka mi kurason profundamente, revelando no solamente su gran spiritu pero tambe e konsagrashon di su mama i tata.
Santunan di e Delaster dianan, meskos ku otro siguidónan di JesuCristu, semper ta buskando maneranan pa yuda, pa halsa, i stima otronan. Esnan ku ta dispuesto pa wòrdu yamá e pueblo di Señor ta dispuesto pa karga otronan su peso, … pa rou ku esnan ku ta rou; … i [pa] konsolá esnan ku tin nesesidat di konsuelo.”3
Di bèrdat nan ta buska pa biba e di promé i di dos gran mandamentunan. Ora nos ta stima Dios{ ku henter nos kurason, E ta kambia nos kurason pa bienestar di otronan den siklo bunita i virtuoso.
Lo ta imposibel pa kalkulá e kantidat di servisio ku Santunan di Delaster dianan ta duna rònt mundu kada dia di kada aña, pero si ta posibel pa kalkulá e bon ku Iglesia komo organisashon ta hasi pa bendishoná hòmbernan i muhénan—muchanan hòmber i muhé—ku ta den nesesidat di un man ku ta yuda.
E programa humanitario di Iglesia a wòrdu lansá na 1984 [diesnuebe ochentikuater]. E tempu ei un ayuno di henter Iglesia a wòrdu hasí pa lanta fondo pa asistí esnan afektá pa un sekura destruktivo na ost Afrika. Miembronan di Iglesia a hasi donashon di $ 6.4 [seis punto kuater] mion riba esun dia di ayuno ei.
E tempu ei-Elder M. Russell Ballard i Hermano Glenn L. Pace a wòrdu mandá pa Etiopia pa evaluá kon e fondonan sagrado aki por a wòrdu mihó uzá. E esfuerso aki a proba di ta e kuminsamentu di lokual despues lo bira konosí komo Latter-day Saint Charities.
For di e tempu ei Latter-day Saint Charities.a proveé mas ku dos bion dòler den ayudo pa asistí esnan den nesesidat rönt mundu. E asistensia aki ta wördu pfresé na personanan independientemente nan afiliashon na e Iglesia, nashonalidat, rasa, orientashon seksual, genero, òf persiashon politico.
Pero esaki no ta tur kos. Pa asistí miembronan di Señor Su Iglesia ku ta angustiá, bos ta stima i biba e lei antiguo di ayuno.4 Nos ta pasa hamber pa yuda esnan ku tin hamber. Un dia kada luna, nos ta pasa sin kuminda I ta hasi donashon di e gastu di e kuminda (I mas) pa yuda esnan den nesesidat.
Nunka lo mi lubida mi promé bishita na Afrika oksidental na 1986 [diesnuebe ochentiseis]. E Santunan a bin na nos reunion den gran kantidat. Maske nan tabata tin poko den termino di poseshon material, mayoria a bin bistí den paña blanku impekabel.
Mi a puntra e president di estaka kon e por kuida di miembronan ku tin asina poko. El a kontestá ku e obispunan tabata konosé nan hendenan bon. Si miembronan por paga dos kuminda pa dia, no tabata tin mester di ayudo. Pero si nan por paga solamente in kuminda òf ménos—asta ku ayudo di famia—obispunan ta proveékuminda, finansiáfor di fondonan di ayuno. E ora ei el a añadí e hecho remarkable aki:nan kontibushon na e ofrenda di ayuno usualmente ta mas ku nan gastunan. Loke sobra do e ofrenda di ayuno e ora ei ta wòrdu mandá pa hendenan otro kaminda ku nan nesesidat ta mas ku esun di nan. E santunan Afrikano inkondishonal ei a siña mi in lès grandi di e poder di e lei i e spiritu di ayuno.
Komo miembro di e Iglesia, nos ta sinti un parentesko ku esnan ku ta sufri di kualke manera.5 Komo yunandi Dios, nos tur ta ruman. Nos ta duna oido na in amonestashon di antiguo Testament “Lo bo habri bo man hanchu pa bo ruman, pa bo pobernan, I pa bo nesesitadonan.”6
Tambe nos ta lucha pa biba e enseñansanan di e Señor manera registra den Mateo 25:
“Pasó mi tabatin hamber, i boso a dunami di kome: mi tabatin set, i boso a dunami di bebe: i mi tabata estranhero, i boso a risibí mi den boso kas:
“Sunú i boso a bisti mi; mi tabata malu, i boso a kuida mi …
“… al grado ku lo bo a hasi na un di e mas chiki di mi rumannan, boso lo a hasi na Ami.”7
Laga mi sita djos in par di ehèmpel di kon e Iglesia a sigui e enseñansanan di e Salbador.aki.
Pa yuda aliviá hamber, e Iglesia tin den operashon 124 [shentibintikuater] almasen di obispu, rönt mundu. Dor di nan, aproksimadamente 400.000 [kuater shen mil] pedido pa kuminda ta wördu duná tur aña na personanan den nesesidat. Na lugánan, kaminda almasennan no ta eksistí obispunan i presidentan di rama ta ska for di e fondona di ayuno di e Iglesia pa prove kuminda i kompras pa nan miembronan den nesesidat.
Sinembargo, e desafio di hamber ta bai mas leu ku e fronteranan di Iglesia. E ta kresiendo rònt mundu. Un reporte di Nashonnan Uní resien ta indiká ku e kantidat di desnutrí na mundu awor ta mas ku 820 mion —òf kasi in di kada nuebe habitante.8
Ki estadista mas tristu! Nos ta hopi gradisí pa boso kontribushon. Danki na boso generosidat profundo, miones rònt mundu lo risibí e ayudo pa kuminda, paña, refugio temporal, ròlstul, remedy, awa limpi i hopi mas kosnan nesesario.
Hopi enfermedat rònt mundu ta wòrdu kousá dor di awa ku no ta limpi. Te ku awor aki, E Iglesia Su inisiativa humanitarian a yuda proveé awa limpi na shenti [hopi] komunidat den 76 pais.
In proyekto na Luputa, na e Repúblika demokratiko di Congo, ta in gran ehèmpel. Ora in poblashon pasa 100.000, e pueblo no tabatin awa potatil. Suidadanonan mester a kana distsanshanan largu pa Fuente di awa limpi. Un fuente di awa a wòrdu diskubrí 9 [bintinuebe kilometer] di distansha, e hende nan di e suidat no tabatin akseso na e awa ei riba un base regular.
Ora nos misioneronan humanitario a sa di e desafionan aki, nan a traha ku e lidernan di Luputa dor di suminstrá material i trein pa pasa e awa den pipa pa e suidat. E hendenan di Luputa a dediká tres aña kobando roi di in meter di profundidat dor di e barankanan i mondi. Dor di traha huntu, e dia gososo por fin a yega kaminda awa limpi i fresku tabata disponibel pa tur den e pueblo.
E Iglesia tambe ta yuda refufiado, sea di guera sivil, disaster di naturalesa, òpersekuchon di religion. Mas ku 70 mion hebde a wòrdu kitá for di nan kas.9
Na aña 2018 so, e Iglesia a proveé suministro di emergensia na 56 pais, Adishonalmente, hopi miembro di Iglesia a ofresé nan tempu boluntario pa yuda refugiadonan integrá den komunodatnan nobo. Nos ta gradisí kada unu di bosonan ku a ekstendé bisi nab pa yuda esnan ku ta tratando di establesé nan kas nobo.
Dor di dinashonnan generoso na Deseret Industries outlet na Merka, miones di liner di paña ta wòrdu kolektá i surtí tur aña. Miéntras obispunan local ta usa e inventario vasto aki pa yuda miembronan den nesesidat, e porshon mas grandi ta wòrdu duná na otro organisashonnan karitativo ku ta distibuí e artíkulonan rònt mundu.
I aña pasá e Iglesia a proveé atenshon pa bista na 300.000 hende na 35 pais, atenshon pa resien nasí pa miles di mama i beibi den 39 pais, i ròlstul pa mas ku 50.000 hende bibando den hopi pais.
E Iglesia ta konosí pa ta entre e proména ku ta kontetá ora trafedia bati na porta. Asta promé ku in orkan dal, lidernan di Iglesia i staf den e arianan afektá ta traha plannan pa kon nan lo duna suministronan di alivio na esnan ku lo wòrdu impaktá.
Aña pasá so, Iglesia a ehekutá 100 proyekto di alivio pa disaster rònt mundu, yudando viktimánan di orkan, candela. iinundashon, termeoto, i otro kalamidat. Tur kaminda posibel, nos miembronan di Iglesia den nan chakeko hel di mannan ku ta traha ta mobilisá den gran kantidat pa yuda esnan aflihí dor di e disaster. E tipo di servisio aki, duná dor di asina tantu di boso, ta e esensia mes di ministra.
Mi kerido rumannan, e aktividatnan ku mi a deskribí ta djis in parti chiki di e kresementu di bienestar i ayudo humanitario di e Iglesia di JesuCristu di e Santunan di e Delaster Dianan,10 I boso ta esnan ku ta hasi tur esakiposibel. Dor di boso bida ehem[lar, boso kurason generoso, i boso mannan ku ta yuda, no ta un milager ku hopi komunidat i lidernan di gobièrnu ta alabando boso esfuero.11
For di dia ku mi a bira Presidente di eIglesia, mi ta keda asombrádi kuantu president, prome minister, i embahadornan sinseramente a gradisí mi pa nos ayudo humanitariona nan hendenan. I nan a ekspresá gratitut pa e fortalesa ku nos miembronan fiel ta trese den nan pais komo suidadano loyal, ku ta kontribuí.
Tambe mi a keda asombrá ora lidernan di mundu a bishitá e Promé Presidensia ekspresando nan speransa pa e Iglesia wòrdu establesé den nan paisnan. Di kon? Pasó nan sa ku Santunan di e Delaster Dianan lo yuda edifiká famianan i komunidatnan fuertem hasiendo bida mihó pa otronan unda jy bab oir ta biba.
Indepenndientemente unda nos ta yama nos kas, miembronan di e Iglesia ta sinti in pashon pa paternidat di Dios i e hermandat di hende. Kermen nos goso di mas grandi mta bin ora nos yuda nos rumannan i, no importá unda nos ta biba den e mundu maravioso aki.
Yudando otro— hasiendo un esfuerso konsiente pa kuida otro mes tantu òf mas ku nos ta kuida nos mes— ta nos goso. Spesialmente, mi por añadí, ora e no ta kumbiniente i ora e ta ska bos for di nos zona di konfort. LBiba e di dos gran mandamentu ta e yabi pa bira un disípulo berdadero di JesuCristu.
Mi rumannan stimá, boso ta ehèmpelnan bibu di e frutanan ku ta bini for di sigui e enseñansanan di Jesu Cristu. Mi ta gradisí boso! Mi stima boso!
Mi sa ku Dios ta bibu. Jesus ta e Cristu. Su Iglesia a wòrdu restourá den e delaster dianan aki pa kumpli ku su propósitonan dibino. Asina mi ta testifiká den nòmber di JesuCristu, amèn.