Ven Sigue me— Señor Su KontraStrategia i Plan Proaktivo.

Dor di Mark L. Pace

Presidente General di Eskuela Dominikal

Señor ta prepará Su pueblo kontra di e atákenan di e adversario. Ven Siguie me ta Señor Su kontra strategia i plan proaktivo.

Nos tin plaser pa reuní awe den e gran konferensha general di e Iglesia di JesuCristu di e Santunan di e delaster dianan. Ta un bendishon pa risibí loke ta e boluntat di Señor por medio di e siñansanan di Su profetanan i apòstelnan. Presidente Russell M. Nelson ta e profeta bibiente di Señor. Kon gradesí nos ta ku su konseho i guia inspirá ku nos a risibí awe.

Mi ta añadí mi tèstimonio huntu ku esnan ku a wòrdu kompartí anteriormente. Mi ta duna tèstimonio di Dios, nos Tata Eterno. E ta bibu i ta stima nos i ta protehá nos. Su plan di felisidat ta proveé e bendishon di e bida mortal aki i nos regreso eventual bèk den Su presensia.

Tambe mi ta duna tèstimonio di JesuCristu. E ta Dios Su Yu Unigenito. El a salba nos for di morto, i E ta redimí nos di piká segun nos ta ehersitá fe den Dje i arepentí. Su sakrifisio ekspiatorio infinito pa nos ta trese e bendishonnan di inmortalidat i bida eterno. En berdat, “Danki na Dios pa Su regalo sin igual di Su yu divino”(“The Living Christ: The Testimony of the Apostles,” Liahona, Mei 2017, paden e kaft di promé página).

Santunan di delaster dianan rònt mundu ta bendishoná ku nan por alabá JesuCristu den Su tèmpelnan. Un di e tèmpelnan ei ta wòrdu konstruí awor aki na Winnipeg, na Canada. Mi kasá, Anne Marie i ami tabatin e oportunidat pa bishita e lugá di konstrukshon den Ougustus di e aña aki. E tèmpel ta masha bunita diseñá i siertamente lo ta magnífiko ora ku e keda kla. No opstante, bo no por tin un tèmpel magnífiko den Winnipeg, òf ningun otro kaminda, sin un fundeshi solído i firme.

E siklo di kambio di temperatura i e kalidat di e tera na Winnipeg a hasi ku tabata un reto pa prepará e fundeshi di e tèmpel. Ta pesei, a wòrdu determiná ku e fundeshi pa e tèmpel aki mester konsistí di 70 pilá di heru rondoná ku beton. E pilánan aki ta 18 meter di lagura i 30 pa 50 sèntimeter di hanchura. Nan ta wòrdu hinká den tera te ora ku na dal den un fundeshi solído, loke ta un 15 meter bou di e superfisie. Di e manera aki e 70 pilá ta proveé un fundeshi firme i solído pa e tèmpel bunita di Winnipeg.

Komo Santunan di delaster dianan, nos ta buska un fundamentu similar ku ta firme i sigur den nos bida—un fundamentu spiritual nesesario pa nos biahe dor di mortalidat i bèk na nos hogar selestial. E fundamentu ei ta wòrdu establesé riba un fundeshi di nos kombershon na e Señor JesuCristu.

Nos ta kòrda e enseñansa di Helaman for di e Buki di Mormon,“I awor mi yunan, kòrda, kòrda, ku ta riba e fundeshi di nos Redentor, ku ta Cristu, e Yu di Dios, bo mester traha bo fundashi ku ora e diabel lo manda su bientunan fuerte, si su flechanan den tornado, si ora ku tur su yobida di eis i su tormenta bati riba bo, e lo no tin poder riba bo pa lastra bo i bai ku bo den e ola di misèria i doló sin fin, dor di e baranka riba kua bo fundeshi ta trahá, loke ta un fundashon sigur, un fundashon di kual si hende traha riba dje nan lo no por kai.” (Helaman 5:12).

Danki Dios, nos ta biba den un tempu kaminda profetanan i apòstelnan ta siña nos tokante di e Salbador JesuCristu. Si nos sigui nan konseho e lo yuda nos pa establesé un fundamentu firme den Cristu.

In aña pasám den su remarkenan na aperture di e konferensia general di òktober 2019, Presidente Russell M. Nelson a prove e deklarashon I arvertensia aki, “E ophetivo duradero di e Iglesia ta pa asisti kada miembro pa krese nan fe den Señor JesuCristo i den Su Ekspiashon, pa asisti nan den hasi i warda kbab onvenionan ku Dios, i pa fortalesè i seya nan famianan. Den e mundu kompliká di awendia, esaki no ta fasil. TE atversario ta oumentá su atákenan riba fe i riba nos i nos famianan mas i mas lihé. Pa sobrebibí spiritualmente, nos mester ontraStrategia i Plan Proaktivo” (“Opening Remarks,” Liahona, Nov. 2018, 7; énfasis añadí).

Despues di Presidente Nelson su mensahe, Elder Quentin L. Cook di e Quorum di e Diesdos Apòstelnan a introdusí e Ven, Sigueme un rekurso pa individuonan i famianan. Su remarkenan a inkluí e siguiente deklarashon:

• “E rekurso di studio na kas nobo Ven, Sigueme … ta diseñá pa yuda miembronan siña e evangelio den nan hogar.”

• “‘E rekurso aki ta pa tur persona i famia den Iglesia’ [Come, Follow Me—For Individuals and Families (2019), vi].”

• “Nos propósito ta pa balansá e eksperenshanan di Iglesia ku di hogar di in manera ku lo engrandesé hopi e fe i spiritualidat I profundisá kombershon na Tata Selestial I na e señor JesuCristu. (“Deep and Lasting Conversion to Heavenly Father and the Lord Jesus Christ,” Liahona, Nov. 2018, 9–10.)

Kuminsando na yanüari di e aña aki, Santunan di e delaster dianan den henter mundo a kuminsá studia for di Tèstamènt Nobo, huntu ku e rekurso di Ven Sigueme komo guía. Ku un skema di siman, Ven Sigueme ta yuda nos studia skrituranan, e dòktrina di e evangelio i e siñansanan di e profetanan i apòstelnan. E ta un rekurso maravioso pa nos tur.

Despues di nuebe luna di e enfòke pa studia skritura mundial aki, kiko nos ta mira? Nos ta mira ku Santunan di e delaster dianann tur kaminda ta krese den nan fe i deboshon na Señor JesuCristu. Nos ta mira personanan i famianan ta pone tempu disponibel durante di siman pa studia e palabranan di nos Salbador. Nos ta mira mehoransa den instrukshon di evangelio den nos klasnan di djadumingu sigun nos ta studia e skrituranan na kas i kompartí loke nos a bin kompronde na iglesia. Nos ta mira mas goso i unidat familiar sigun nos ta kambia di simpelmente lesa e skrituranan pa studia e skrituranan na un manera mas profundo.

Tabata mi prvilegio pa bishitá ku hopi Santu di e delaster dianan i tende di nan eksperenshanan ku Ven Siguemei. Nan ekspreshonnan di fe ta yena mi kurason ku goso. Ata djís un par di remarkenan ku mi a tende di varios miembro di Iglesia na diferente parti di mundu.:

• Un tata a kompartí, “ Mi ta disfrutá di Ven Sigueme pasó e ta proveé un oportunidat pa tèstifka di e Salbador na mi yunan.”

• Den un otro hogar, un mucha a bisa, “ Esaki ta un chèns pa tende mi mayornan kompartí nan tèstimonio.”

• Un mama ta kompartí: “Nos a wòrdu inspirá kon pa pone Dios na promé lugá. E tempu ku nos [a kere] ku nos no tabatin a wòrdu [yená] ku speransa, goso, pas i éksito na maneranan ku nos no tabata sa ku tabata posibel.”

• Un pareha a opservá: “ Nos ta lesando den skritura na un manera diferente ku nunka nos no a lesa den pasado. Nos ta siñando asina mas tantu ku nunka nos a siña den pasado. Señor ke pa nos mira kosnan di otro manera. Señor ta preparando nos.”

• Un mama a bisa: “ Mi ta gusta ku nos ta siñando e mesun kosnan huntu. Promé nos tabata lesa nan. Awendia nos ta siñando nan.”

• Un ruman a kompartí un bon perspektivo: “ Promé bo tabatin e lèsnan i e skrituranan tabata suplementa nan. Awor bo tin e skrituranan i e lèsnan ta suplementa nan.”

• Un otro ruman a komentá: “ Mi ta sinti un diferensha ora ku mi hasié, [kompará ku] ora mi no hasié. Mi ta haña mas fasil pa papia ku otro hende over di JesuCristu i nos kerensha.”

• Un wela a hasi e remarke, “Mi ta yama mi yunan i mi ñetunan riba djadumigu i huntu nos ta kompartí loke nos a komprondé for di Ven Sigueme. huntu.”

• Un ruman a opservá: “Ven Sigueme ta sinti manera e Salbador ta sirbiendo mi personalmente. E ta inspirá dor di shelu.”

• Un tata a komentá, “Ora nos ta husa Ven Sigueme nos ta manera e yunan di Israèl, markando e bandanan di nos porta pa proteha nos famia kontra di e influensha di e destruktor.”

Rumannan, ta un goso pa tá ku boso i tende kon boso enfóke ku Ven Sigueme ta un bendishon den boso bida. Danki pa boso deboshon.

Estudio di skritura huntu ku Ven, Sigueme komo guía ta fortifíka nos kombershon na JesuCristu i Su evangelio. Nos no ta simpelmente rkambiá un ora menos den iglesia riba djadumingu pa un ora mas di estudio di skritura na kas. Siña e evangelio ta un enfóke kontinuo dor di henter siman. Un ruman a kompartí, “E meta no ta pa hasi iglesia un ora mas kòrtiku; e ta pa hasi iglesia seis dia mas largu!”

Awor, konsiderá atrobe e atvertensha ku nos profeta, Presidente Nelson, a duna na kuminsamentu di e konferensha general di òktober di 2018:

“E atversario ta oumentando su atákenan riba fe i riba nos i nos famianan mas i mas lihé. Pa sobrebibí spiritualmente, nos mester di strategianan i plannan proaktivo.” (Remarkenan na apertura,” 7).

Despues (un 29 ora mas lat) riba djadumingu atardi, el a kaba e konferensha ku e promesa aki: “Segun bo ta traha diligentemente pa kremodelá bo hogar den un sentrá riba siñansa di evangelio, … e influensha di e atversario den bo bida i den bo hogar lo redusí” (“Becoming Exemplary Latter-day Saints,” Liahona, Nov. 2018, 113).

Kon e atákenan di e atversario por ta kresiendo eksepshonalmente, i na mesun momentu e influensha di e atversario por ta redusiendo? E por pasa i e ta pasando den henter Iglesia, pasó Señor ta prepará Su pueblo kontra di e atákenan di e atversario. CVen, Sigueme ta Señor su strategia i plan proaktivo. Presidente Nelson a siña, “ E kurikulo ku ta sentrá riba e hogar i sostené pa Iglesia tin e potenshal di liberá e poder di famianan. No opstante, e ta rekerí henter nos mayo esfuerso;; nos mester [sigui] kontinuamente i ku kuidou pa transformá [nos] hogar den un sanktuario di fe”(“Becoming Exemplary Latter-day Saints,” 113).

Na final, manera Presidente Nelson a bisa tambe, “ Nos kada unu ta responsabel pa nos mes kresementu spiritual” (“Remarkenan na kuminsamentu,” 8).

Ku e rekurso Ven, Sigueme Señor ta preparando nos pa e “tempunan peligroso ku nos ta enfrentá awendia”(Quentin L. Cook, “Deep and Lasting Conversion,” 10). E ta yudando nos establesé un fundeshi sigur, un fundeshi di kual si hende traha riba dje nan lo no por kai.” (Heleman 5:12)—e fundeshi di un tèstimonio ankrá firmamente den e fundeshi di nos kombershon na Señor JesuCristu.

Mi ta spera ku nos enfóke diario di estudio di skritura lo fortifíka nos i mustra ku nos ta digno pa risibí e bendishonan ku a wòrdu primintí. Ta mi orashon, den e nòmber di JesuCristu, amèn.