Remarkenan final

Pa Presidente Russell M. Nelson

Dignidat personal ta rekerí in kombershon total di mente i kurason pa bira mas manera e Señor.

Mi rumannan stimá, segun nos ta yega na final di e konferensha históriko aki, nos ta gradisí Señor pa inspirá e mensahenan i pa e musiká ku a edifiká nos. Realmente nos ta gosa di un fiesta spiritual.

Nos sa ku e evangelio restourá di JesuCristu lo trese speransa i goso na hendenan ku lo skucha i pone atenshon na Su doktrina. Tambe nos sa ku kada hogar por biira un santuario di bèrdat di fe, kaminda pas, amor i e Spiritu di Señor por mora.

Naturalmente, g goya principal di e Restourashon ta e santu tèmpel. Su ordenansanan i kombenionan sagrado fundamental oa prepará e pueblo ku ta kla pa risibí e Salbador den Su Segunda Benida. Awor aki nos tin 166 tèempel dediká, i mas ta na kaminda.

Un kas habri lo wòrdu organisá promé ku e dedikashon di kada tèmpel nobo I [esnan] renobá. Hopi amigo [ku] no ta di nos fe lo partisipá den rekoridonan den e tèmpelnan ei I lo siña algu di e bendishnnan di tèmpel. I algun di e bishitantenan ei lo wördu konmové pa sa mas. Algun sinseramente lo puntra kon nan por kalifiká pa e bendishonnan di e tèmpel.

Komo miembro di e Iglesia , nos lo mester ta prepará pa kontestá nan preguntanan. Nos por splika ku e bendishonnan di tèmpel ta optenibel pa tur hende ku ke prepará nan mes. Pero promé ku por drenta un tèmpel dediká, nan mester kalifiká. Señor ke pa tur Su yunan partisipá di e bendishonnan eterno optenibel den Su tèmpel. El a instruí kiko kada persona mester hasi pa kalifiká pa drenta den Su kas santu,

Un bon kaminda pa nos kuminsá e oportunidat pa enseñansa asina ta pa pone atenshon na e palabranan grabá riba e eksterior di e tèmpel. “Santidat pa e Señor; E Kas di Señor.” Presidente Henry B. Eyring su mensahe awe i hopi otro a unspirá nos pa bira mas santu. Kada tèmpel ta un lugá santu, kada patron di tèmpel ta esforsá su mes pa bira mas santu.

Tur rekisitó pa drenta tèmpel ta relashoná ku santidat personal. Pa evaluá e preparashon, kada persona ku ke disfrutá di e bendishonnan di tèmpel lo bai tin dos entrevista, Promé ku e obispu, konsehero di obispado, öf e president di rama, di dos li presidente di estaka öf di mishon, òf un di su konseheronan. Den e entrevistanan ei, diferente pregunta lo wördu hasí.

Algun di e preguntanan ei resientemente a wördu editá pa klarifikashon. Lo mi ke revisá nan ku boso awor.

Bo tin fe den i un testimonio di Dios e Tata Eterno, Su Yu, JesuCristu, i e Spiritu Santu?
Bo tin un testimonio di e Ekspiashon di JesuCristu i Su ròl komo bo Salbador i Redentor?
Bo tin un testimonio di e Restourashon di e evangelio di JesuCristu?
Bo ta sostené e Presidente di E Iglesia di JesuCristu di e Santunan di e Delaster Dianan komo e profeta, vidente i revelador i komo e úniko persona na mundu outorisá pa ehersé tur yabi di saserdosio?

Bi ta sostené e miembronan di e Promé Presidensia i e Quorum di e Diesdos Apòstelnan komo profeta, vidente, i reveladó?

Bo ta sostené e demas Outoridatnan General i lidernan lokal di Iglesia?
Señor a bisa ku tur kos mester wördu “hasí den limpiesa” dilanti di Dje (Doctrina y Convenios 42:42).

Bo ta lucha pa ta moralmente limpi den pensamentu i komportashon?

Bo ta obedesé e lei di kastidat?
Bo ta sigui e enseñansanan di Iglesia di JesuCristu den bo komportashon privá, i den públiko ku miembronan di bo famia i otronan?
Bo ta sostené öf promové kualke enseñansa, práktika öf doktrina kontrali na esnan di E Iglesia di JesuCristu di e Santunan di e Delaster Dianan?
Bo ta lucha pa warda e dia di Reposo santu, tantu na kas komo na Iglesia, asistí na bi reunionnan, preparápa i parisipá dignamente di e sakramento; i biba bo bida den harmonia ku e leinan i mandamentunan di e evangelio?
Bo ta lucha pa ta honesto den tur kos ku bo ta hasi?
Bo ta paga un diesmo integro?
Bo ta komprondé i warda e Palabra di sabiduria?
Bo tin algun obligashon finansiero öf otro [obligashon] ku èks kasá öf ku yunan?

Si bo tin, bo ta al dia kumpliendo e obligashonnan aki?
Bo ta warda e kombenionan ku bo a sera den tèmpel, inkluyemdo bisti e garment di tèmpel konforme e instrukshon di e investidura?
Tin pikánan serio den bo bida ku mester wördu resolve ku outoridatnan di saserdosio komo parti di bo arepentimentu?
Bo ta konsiderá bo mes digno pa drenta e kas di Señor i partisipá den e ordenansanan di tèmpel?

Mayan e preguntanan revisa aki pa rekomendashon pa tèmpel lo wördu distribuí pa e lidernan di Iglesia rönt mundu.

Adishonalmente na kontestá e preguntanan ei honestamente, ta spera ku ada peroná invest ta bisti su garment sagrado di e saserdosio bou di nan pañanan regular. Esaki ta simbólo di kompromiso interno pa lucha kada dia pa bira mas manera e salbador. Tambe e ta körda nos pa keda fiel kada dia na e kombenio hasí i pa kana riba e kaminda di kombenio tur dia di in manera mas elevá i sagrado.

Awor, pa djis un momentu mi ke papia ku e hubentut. Nos ta enkurashá boso pa kalifiká pa e rekomendashon di tèmpel limitá. Lo bo wòrdu puntrá solamete e preguntanan ku ta aplikabel pa bo den bo preparashon pa e ordenansanan di boutismo i konfirmashon. Nos ta hopi gradisí pa boso dignidat pa partisipá den e obra sagrado ei. Nos ta gradisí bboso.

Dignidat individual; pa drenta Señor Su kas, ta relerí hopi preparashon spiritual individual. Pero ku Señor Su ayudo nada no ta imposibel. Den sierto sentido, e ta mas fásil pa edifiká un tèmpel ku e ta edifiká hendenan prepará pa bai tèmpel. Dignidat individual ta rekrí un konbershon total di mente i kurason pa ta mas manera Señor, pa ta un suidadano honesto pa ta un ehèmpel , i pa ta un persona mihó.

Mi ta testifiká ku e tipo di trabou di preparshon asina ta trese bendishonnan ku nos no por konta den e bida aki i bendishonnan inkonsedibel den e bida benidera, inkluyendo e perpetuashon di e unidat familiar pa tur eternidat den un estado di “felisidat ku nunka no ta kaba.”

Awor mi ke dirigí mi atenshon riba in otro tópiko:plannan pa e aa benidero. Den primavera di aña 2020 lo ta eksaktamente 200 aña for di dia ku Jose Smith a eksperensiá e teofania ku nos konosé komo Promé Vishon. Dios e Tata i Su Yu Stimá, JesuCristu, a aparesé na Jose un hóben di 14 aña. E evento ei a marka e inisio di e Restourashon di e evangelio di JesuCristu den su plenitut, presis manera predesí den e Santiu Beibel.

Despues a bin un suseshon di bishita di mensaheronan, inkluyendo Moroni, Juan Boutista, i e antiguo Apöstenan Pedro, Santiago i Juan. Otronan a sigui, inkluyendo Moises, Elias, i Elija. Kada unu a trese outoridat divino pa bendishoná Dios Su yunan na mundu atrobe.

Milagrosamente, nos a risibí tambe e Buki di Mormon, Un otro Testimonio di JesuCristu, un kompañero di skritura di e Sagrado Beibel. E revelashon publiká den Doktrina y Convenios i Perla de Gran Precio tamne a enrikesé nos komprondimentu di Dios Su mandamentunan i bèrdat eterno.

E yabinan o ofisionan di e saserdosio a wördu restourá inkluyendp e ofisio di Apöstel, Setenta, Patriarka, sumo saserdote, elder obispu, presbítero, maestro, i diakóno. Kada hende muhé, ku stima Señor ta sirbi baletemente den Sosiedat di Sokoro, Primaria, Mujeres Jovenes. Eskuela Dominikal i otro yamamentu den Iglesia—tur parti vital di e Restourashon di e evangelio di JesuCristu den su plenitut.

Kermen, e aña 2020 lo ta designá komo un aña bisentenario. Konferensia Geberal próksimo aprel lo ta diferente ku kualke konferensia anterior. Den e próksimo seis luna, mi ta spera ku kada miembro i kada famia lo prepará pa un konferensia úniko ku lo konmemorá e fundeshi mes di e evangelio restourá.

Lo bo ke kuminsa bo preparashon dor di lesa e historia di Jose smith di e Promé vishon manera e ta registrá den Perla de Gran Precio. Nos kurso di studio pa e próksimo aña Ven Siguenme ta e Buki di Mormon. Lo bo ke skrudiñá preguntanan importante manera, “Kon mi bida lo tabata diferente si mi konosementu ku mi a haña di e Buki di Mormon direpente lo wòrdu kitá?” òf “Kon e susesonan ku a sigui e Promé Vishon a hasi in diferensia pa mi i mi sernan kerí”? Tambe, Ku e videonan di e Buki di Mormon ku awor ta disponibel, bo por ke inkorporá na den bo estudio individual i familiar.

Skohe bo propio preguntanan. Diseñá bo propio plan. Emergé bo mes den e glorioso lus di e Restourashon. Miéntras bo ta hasi esei, e konferensia general di e aprel ku ta bin ki, lo no ta solamente memrabel, pero lo e lo ta inolvidabel.

Awor na klousura mi ta laga ku boso mi amor i mi bendishon, ku kada unu di boso por bira mas kontentu i mas santu kada dia ku pasa. Miéntras tantu por fabor tin e seguridat ku revelashon ta sigui den e Iglesia i lo sigui bou di Señor su direkshon te ora “e propósito di Dios wòrdu lográ, i e Gran Yehova lo bias e obra ta kla.”

I asina mi ta bendishoná, konfirmando atrobe mi amor pa boso ku mi tetimonio ku Dios ta biba! Jesus ta e Cristu. Esaki ta Su Iglesia i nos ta su pueblo. Den e nòmber sagrado di JesuCristu, amèn.