Despues di e Prueba di Nos Fe

Dor di Elder Jorge M. Alvarado

Di e Setentanan

Ora nos ta sigui Dios Su bos, I Su kaminda di kombenio, E lo fortalesé nos den nos pruebanan.

Ora ku mi tabata un mucha, Frank Talley, un miembro di Iglesia a ofresé pa hiba mi famia di Puerto Rico pa Salt Lake, di moda ku nos por a wòrdu seyá den tèmpel, pero hopi lihé opstákulonan a aparesé. Un di mi rumannan muhé, Marivid, a bira malu. Preokupá mi nayornan a resa pa sa kiko nan tin ku hasi i tòg a sinti inspirá pa hasi e biahe. Nan a konfia ku si fielmente nan sigui Señor Su inspirashon , nos famia lo wòrdu kuida i bendishoná—i nos tabata.

No importá e opstakulonan ku nos ta enfrentá den bida, nos por konfia ku JesuCristu lo prepará un kaminda pa bai dilanti, ora nos kana ku fe. Dios a primintí ku tur ku fielmente ya biba di akuerdo ku e kombenionan ku nan a hasi ku Ne lo, den Su tempu, risibí tur Su bendishonnan primintí, Elder Jeffrey R. Holland a siñá, “Algun bendishon ta bin un bes, algun ta bin lat, i algun no ta bin te den shelu; pero pa esnan ku brasa e evangelio di JesuCristu, nan ta bin.”¹¹

Moroni a siñá ku “fe ta kosnan ku nos ta spera pero ku no por wòrdu mirá; p’esei, no kuestioná pasó bo no ta mira, pasó bo no ta risibi un testimonio te despues di e prueba di bo fe.”²

Nos pregunta ta, Kiko nos mester hasi pa na e mihó manera enfrentá e pruebanan ku ta bin den nos direkshon?”

Den su promé remárkenan komo Presidente di Iglesia, Presidente Russell M. Nelson a siña: “Komo Presidensha nobo, nos ke kuminsa ku e final na mente. Pa e motibu aki, nos ta papia ku boso awe for di un tèmpel. E final pa kiko kada un di nos ta esforsá ta pa wòrdu investí ku poder den un kas di Señor, seyá komo famianan, fiel na kombenionan ku a wòrdu hasí den un tèmpel ku ta kualifiká nos pa e don mas grandi di Dios—esun di bida eterno. E ordenansanan di tèmpel i e kombenionan ku bo hasi einan ta esenshal pa fortifiká bo bida, bo matrimonio i famia i bo abilidat pa resistí e atákenan di e atversario. Bo alabansa den e tèmpel i bo servisio einan pa bo antepasadonan lo bensdishoná bo ku oumentu di revelashon personal i pas i lo fòrtifiká bo kompromisio pa keda riba e kaminda di kombenio.”³

Ora nos ta sigui Dios Su bos, i Su kaminda di kombenio, E lo fortalesé nos den nos pruebanan.

Mi biahe familiar pa e tèmpel hopi aña pasá tabata difsil, pero ora nos a aserká e tèmpel di Salt Lake City, na Utah, mi mama, yen di goso I fe, a bisa, “Nos ta bai ta oké, Señor lo protehá nos,” Nos a wòrdu seyá komo in famia, I mi ruman a rekuperá. Esaki a pasa te despues di e prueba di fe di mi mayornan ki siguiendo Señor Su inspirashon.

E ehèmpel aki di mi mayornan te ainda ta influensiá nos bida awe. Nan ehèmpel a siña e dikon di e doktrina di evangelio i a yuda nos kompronde e nifikashon, propósito, i bendishonnan ku e evangelio ta trese. Komprondiendo e dikon di e evangelio di JesuCristu tambe por yuda nos enfrentá nos pruebanan ku fe.

Finalmente, tur kos Dios ta invitá i manda nos pa hasi ta un ekspreshon di Su amor pa nos i Su deseo pa duna nos tur e bendishonnan reservá pa Su fielnan. Nos no por asuní ku nos yunan lo siña pa stima e evangelio riba nan mes; e ta nos responsabilidat pa siña nan. I nos ta yuda nos yunan siña kon pa usa nan albedrio di un manera sabí, nos ehèmpel hustu por inspirá nan pa tuma nan propio desishonnan hustu. Nan bida fiel na su turno lo yuda nan yunan pa sa e bèrdat di e evangelio pa nan mes.

Hombres jovenes I mujer4es jovenes, skucha e profeta awe papiando ku boso. Buska pa siña bèrdatnan divino I buska pa komprondé e evangelio pa boso mes. Presidente Nelson resientemente a konsehá, “Kua sabiduria boso falta? … Sigui e ehèmpel di Profeta Jose Smith. Buska in lugá ketu. … Huniá bo mes dilanti Dios. Drama bo kurason dilanti bo Tata Selestial. Konfi’E pa kontesta.”⁴ Ora bo ta buska guia di bo amoroso Tata Selestial, skucha e konseho di e profetanan bibu, i wak e ehènpel di mayornan hustu, bo tambe por bira un laso di fe den bo famia

Pa mayornan ku mucha ku a lafa e kaminda di kombenio, bai bèk suavemente. Yuda nan komprondé e bèrdatnan di e evangelio. Kuminsá awor aki; nunka no ta lat.

Nos ehèmpel di bibá rekto por hasi un gran diferensha. Presidente Nelson a bisa: “Komo Santunan di e Delaster dianan, nos a kustumbrá di pensa di ‘Iglesia’ komo algu ku ta pasa den nos kapianan, sostené dor di loke ta pasa na kas. Nos hasi un ahuste na e patronchi aki. Ta tempu pa un Iglesia sentrá den hogar, sostené dor di loke ta tuma lugá den nos rama, bario i estaka.”⁶

Skritura ta siña, “Trein un mucha e manera ku e tin ku kana; i ora ku e ta grandi, e lo no kita for di dje.”⁶

tambe nan ta bisa, “I awor, ya komo e predikashi di e palabra tin un gran tendensia di laga e pueblo hasi loke tabata rekto—si, e tabatin un efékto mas poderoso riba e mente di e pueblo ku loke e spada tabatin, òf kualke otro kos, ku a pasa nan —pesei Alma a pensa ku tabata esenshal pa nan purba e virtud di e palabra di Dios.”⁷

Tin un historia di un muhé na India ku tabata disgusdá ku su yu tabata kome demasiado suku. No opstante kon e tabata tahé pa e stòp, e tabata sigui kome suku. Kompletamente frustá, el a disidí pa hiba su yu pa wak un hòmber ku e yu tabata respetá.

El a aserk’é ku respèt i a bisa, “Señor, mi yu ta kome demasiado suku. Por fabor bo por konsehé pa stòp di kome esaki?”

El a skucha koutelosamente I despise a bias e yu, “Bai kas I bin bèk den dos siman.”

l a tuma su yu i a bai kas perpleho dikon e no a puntra e yu hòmber pa stò di kome asina tantu mangel.

Dos siman despues nan a regresá. E hòmber sabí a wak e mucha den su kara i a bisa, “Mucha hòmber, bo mester stòp di kome asina tantu mangel. No ta bon pa bo salú.”

E mucha a indiká ku su kabes i a primintí ku e lo hasié.

E mucja su mama a puntra, “Dikon bo no a bis’é esei dos siman pasá?”

E hòmber sabí a smail. “Dos siman pasá mi mes tabata kome demasiado mangel.”

E hòmber tabata biba ku asina un integridat ku e tabata sa ku su konseho lo karga forsa solamente si e mes tabata sigui di su propio konseho.

E influensha ku nos tin riba nos yunan ta mas poderoso segun nan ta mira nos kana fielmente riba e kaminda di kombenio. E profeta di e Bùki di Mormon Jakob ta un ehèmpel di un rektitut asina. Su yu Enos a skirbi di un impakto di su tata su enseñansa.

“Ami, Enos, sabiendo di mi tata ku e tabata un hòmber rekto---pasó ela siña mi den su lenga i tambe den e alimento i admonisahon di Señor—i bendishoná sea e nòmber di Dios pa esaki—

“… I e palabranan ku mi a tende mi tata papia hopi biaha tokante bida eterno i e goso di e santunan a senk profundamente den mi kurason.”⁸

E mamanan di e soldánan Lamanita hóben a biba e evangelio i nan yunan tabata yen di konvikshon. Nan lider a raportá:

“Nan a wòrdu siñá pa nan mamanan, ku si nan no duda, Dios lo librá nan.

“I nan a repasá pa mi e palabranan di nan mama, bisando: Nos no ta duda, ku nos mamanan tabata sa.”⁹

Enos i e soldanan hóben Lamaniita a wòrdu fortalesé pa e fe di nan mayornan, ku a yuda nan pa enfrentá nan propio pruebanan di fe.

Nos ta bendishoná ku e evangelio restourá di JesuCristu den nos dia, ku ta lanta nos ora nos ta diskurashá òf preokupá. Nos ta sigurá ku nos esfuersonanlo duna fruta den Señor Su propio tempu si nos pusha bai dilanti dor di e pruebanan di nos fe.

Mi kasá i ami, ku e presidensia di Aria, resienmente a kompañá Elder David A. Bednar pa bai e dedikashon di e tèmpel di Port-au-Prince, Haiti. Nos yu Jorge, ku a bin ku nos, a bias di su eksperensia, “Asombroso, Papa! Asina Elder Bedanr a kuminsá ku e orashon di dedikashon, mi por a sinti e kamber yena ku kalor i lus. E orashon a añadí asina tantu na mi komprondimentu di e propósito di un tèmpel. Di bèrdat e ta e kas di Señor.

Den e Buki di Mormon, Nefi ta siña ku manera nos ta deseá pa sa e boluntat di Dios, E lo fortalesé nos. El a skirbi.“Ami, Nefi, ku tabata hopi yòn, sinembargo grandi na estatura, i tambe ku deseonan grandi di sa di e misterionan di Dios, p’esei, mi a implorá na Señor; i ata el a bishitami, i a suavisá mi kurason ku mi a kere tur e palabranan ku a wòrdu papiá dor di mi tata; p’esei ami no a rebeldiá kontra dje manera mi rumannan. ”¹⁰

Rumannan, laga nos yuda nos yunan i tur rondo di nos pa sigui Dios Su kaminda di kombenio pa asina e spiritu por siña nan i suavisá nan kurason pa deseá di sigui E durante nan bida.

Ora mi ta konsiderá e ehèmpel di mi mayornan, mi ta realisá ku nos fe den Señor JesuCristu lo mustra nos e kaminda bèk den e hogar Selestial. Mi sa ku milagernan ta bin despues di prueba di nos fe.

Mi ta kompartí mi testimonio di JesuCristu i Su sakrifisio ekspiatorio. Mi sa ku E ta nos Salbador i Libertadó. E i nos Tata na shelu a bini e mainta ei den e primavera di 1820 [diesocho binti] serka e hóben José Smith, e profeta di e Restourashon. Presidente Russell M. Nelson ta e profeta di nos tempu. Den e nòmber di JesuCristu, amèn.