Konfiansa den Señor
Nos úniko konfiansa sigur ta pa konfia den Señor i Su amor pa Su yunan.
Kerido rumannan, un karta ku mi a risibí algun tempu pasá ta introdusí e tópiko di mi diskurso E outor tabata kontemplando un matrimonio den tèmpel ku un hòmber di kual su kompañera eterno a fayesé. E lo bira su di dos kasá. El a hasi e pregunta aki: E lo por bai tin su propio kas den e siguiente bida, òf e lo tin ku biba ku su kasá i su promé esposa? Mi a djis bis’é pa konfia Señor.
Mi ta kontinuá ku un eksperensiá ku mi a tende di un konosí kerí, ku mi ta kompartí ku su pèrmit. Despues di e morto di su kerida esposa i mama di su yunan, in tata a bolbe kasa. Algun di e yunan mas grandi a oponé fuertemente na e matrimonio nobo i a buska e konseho di un miembro di famia ku tabata un lider di Iglesia respetá. Despues di a tende e motibunan di nan opheshonnan, ku tabata enfoká riba kondishonnan i relashonnan den mundu di spiritu òf den e reinonan di gloria ku ta sigui e Huisio Final, e lider aki a bisa, “Boso ta preokupá pa e kosnan robés. Boso mester ta preokupá pa wak si boso lo yega na e lugánan ei, Konsentrá riba esei. Si boso yega ei, tur esei lo ta mas maravioso ku boso por imaginá boso mes.”
Esta un enseñansa di konsuelo! Konfia den Señor.
Di kartanan ku mi a risibí, mi sa ku algun ta preokupá dor di preguntanan tokante e mundu di spiritu, ku nos lo bai habitá despues ku nos muri i promé ku nos resusitá. Algun ta asumí ku e mundu di spiritu lo kontinuá hopi di e sirkunstanshanan i asunrunan temporal ku nos ta eksperiensiá den e bida mortal aki. Kiko nos sa en realidat di e kondishonnan di e mundu di spiritu? Mi ta kere ku un artíkulo riba e tópiko aki di un profersor di religion na BYU tabatin ne korekto, “Ora nos puntra nos mes kiko nos sa di e mundu di spiritu di e bukinan kanóniko, e kontesta ta ‘no mes tantu ku hopi biaha nos ta kwere.’”1
Klaro, ku nos sa di e skrituranan ku despues ku nos kurpa muri nos ta sigui biba komo spiritunan den e mundu di spiritu. E skrituranan tambe ta siña ku e mundu di spiritu aki ta dividí den esnan ku tabata “rekto” òf “hustu” durante bida i esnan ku tabata malu. Tambe nan ta deskribí kon algun spiritu fiel ta siña e evangelio na esnan ku tabata malu òf a rebeliá (wak 1 Pedro 3:19; Doctrina y Convenios 138:19–20, 29, 32, 37). Mas importante, revelashon moderno ta revelá ku e obra di salbashon ta sigui bai dilanti den e mundu di spiritu (wak Doctrina y Convenios 138:30–34, 58), i maske nos a wòrdu urgí pa no demorá nos arepentimentu durante nos mortalidat (wak Alma 13:27), nos ta wòrdu siñá ku sierto arepentimentu ta posibel einan (wak Doctrina y Convenios138:58).
E obra di salbashon den e mundu di spiritu ta konsistí di liberá e spiritunan di loke e skrituranan frekuentemente ta deskribí komo “koutiverio.” Tur ku ta den e mundu di spiritu ta bou di un tipo di koutiverio. Presidente Joseph F. Smith su gran revelashon, kanonisá den sekshon 138 di Doctrina y Convenios, ta deklará ku e morto hustunan, ku tabata den un estado di “pas” (Doctrina y Convenios 138:22) miéntras ku nan tabata antisipando e Resurelshon (wak Doctrina y Convenios 138:16), “a konsiderá e ousensia asina largu di nan spiritu for di nan kurpa komo un koutiverio.” (Doctrina y Convenios 138:50).
E malbadonan tambe ta sufri un koutiverio adishonal. Dor di e pikánan di kual nan no a arpentí, nan ta den loke e Apòstel Pedro a referí na dje komo “prison” di spiritu (1 Pedro 3:19; wak tambe Doctrina y Convenios 138:42). E spiritunan aki ta deskribí komo “mará” òf “koutibo” (Doctrina y Convenios 138:31, 42) òf komo “bentá den e skuridat di afó” ku “yoramentu ku lamento, i mordementu riba djente” miéntras nan ta warda resurekshon i huisio (Alma 40:13–14).
Resurekshon pa tur den e mundu di spiritu ta sigurá dor di e Resurekshon di JesuCristu (wak 1 Corintionan 15:22), maske esaki ta sosodé na diferente momentu pa diferente grupo. Te na e momentu indiká ei, loke e skritura ta konta nos di aktividat den e mundu di spiritu prinsipalmente ta konserní e obra di salbashon. Poko otro ta revelá, E evanglio ta wòrdu prediká na e ignorante,na esun ku no ai e rebeldenan ya asina nan por wòrdu liberá di e kadenan i bai dilanti pa risibí e bendishonnan ku un Tata Selestail amoroso tin reserve pa nan.
E koutiverio di e mundu di spiritu ku ta apliká na e almanan hustu konbertí ta nan nesesidat pa warda—i kisas asta wòrdu pèrmití pa nan inpilsá`—e kumplimentu di nan ordenansa vikaria na mundu pa asina nan por wòrdu boutisá i disfrutá e bendishionnan di e Spiritu Santu. (wak Doctrina y Convenios 138:30–37, 57–58).2 E ordenansanan aki dor di representashon terenal tambe ta enpoderá nan pa bai dilanti bou di e outoridat di saserdosio pa engrandesé e huestenan di e hustunan ku por prediká e evangelio den e mundu di spiritu.
Mas aya ku e fundamentunan aki, nos bukinan kanóniko ta kontené hopi tiki [informashon] di e mundu di spiritu ku ta sigui despues di morto i ta promé ku e Huisio Final.3 E ora ei, kiko mas nos sa di e mundu di spiritu? Hopi miembro di e Iglesia tabatin vishon òf otro inspirashon pa informá nan di kon kos ta funshoná òf ta organisáden e mundu di spiritu, pero e eksperensianan spiritual personal aki no mester wòrdu komprondé ni siñá komo doktrina ofisial di e Iglesia. I, naturalmente, tin hopi spekulashon dor di miebromam i otronan den fuentenan publiká manera bukinan riba eksperensia di kasi a muri.4
Pa loke ta trata tur esaki, e koutela sabio di e Eldernan D. Todd Christofferson i Neil L. Andersen den mensahenan den konferensia general anterior ta importante pa kòrda. Elder Christofferson a siñá: “mester kòrda ku no kada deklarashon hasí pa e lidernan di Iglesia, den pasado o presente, nesesariamwente ta trata di doktrina. Ta generalmente aseptá den Iglesia ku un deklarashon hasí pa un lider na un okashon hopi biaha ta representá un opinion personal, bon pensá no intenshoná pa ta ofisial òf ku ta mara hinter e Iglesia.5
Den e konferensia siguiente Elder Andersen a siñá e prinsipio aki, ku ta goberná “E doktrina ta wòrdu siñá dor di tur 15 miembro di e Promé Presidensia i Quorun di Diesdos. E no ta skondé den un párafo skur di un diskurso.”6 E proklamashon pa famia, firmá pa tur 15 [diesinku] profeta vidente i revelador ta un ilustrashon maravioso di e prinsipio ei.
Banda di algu mesun formal ku e proklamashon pa e famia, e enseñansanan profétiko di e Presidentenan di Iglesia, afirmá pa otro profetanan i apòstelnan, tambe ta ehèmpel di esaki. Pa loke ta sirkunstansianan den e mundu di spiritu, e Profeta José Smith a duna dos enseñansa kasi na e final di su ministerio ku regularmente a keda siñá pa su susesornan. Un di di nan ta su enseñansa den e sermon di King Follett ku miembronan di famia ku tabata hustu lo ta huntu den e mundu di spiritu.7 Un otro ta e deklarashon aki na un entiero den e delaster aña di su bida, “E spiritunan di e hustunan ta eksaltá na un obra mas grandi i mas glorioso … [den] e mundu di spiritunan. … Nan no ta leu di nos, i sa i ta komprondé nos pensamentunan, sentimentunan, i movementunan, i hopi biaha e ta duel nan.”8
E ora ei, ke tal e pregunta manera ma menshoná anteriormente tokante unda e spiritunan ta biba? Si e pregunta ei ta parse straño òf trivial pa boso, konsiderá hopi di boso propio preguntanan, òf asta esnan ku boso tabata tentá pa kontestá riba e fundamentu di algu ku boso a tende di un otro persona un nomentu atras. Pa tur kontesta tokante mundu di spiritu, mi ta sugerí dos kontesta. FPromé kòrda ku Dios stima Su yunan i sigur lo hasi kiko ta mihó pa kada unu di nos. Di dos kòrda e enseñansa familiar di Beibel, ku tabata di gran yudansa pa mi riba hopi di e preguntanan sin kontesta.
“Konfia den Señor ku henter bo kurason i no inkliná riba bo mes su komprenshon .”
“Den tur boso kaminda , rekonosé E i E lo dirigí boso kaminda” (Proverbios 3:5–6).
Di mes manera, Nefi a konkluí ku su gran salmo ku e palabranan aki, “O Señor, mi a konfia den bo, i lo mi konfia den bo pa semper.” Lo mi no pone mi konfiansa den e man di karni (2 Nefi 4:34).
Nos tur por puntra nos mes den privá tokante sirkunstansianan den e mundu di spiritu, òf asta diskutí e preguntanan sin kontesta aki den famia òf otro ambiente íntimo. Pero no laga nos siña òf usa komo doktrina ofisial loke no ta kumpli ku e normanan di doktrina ofisial. Hasiendo esaki lo no kontinuá e obra di Señor i asta por deskurashá personanan di buska nan propio konsuelo òf edifikashon dor di e revelashon personal [ku] Señor Su plan ta prove pa kada unu di nos. Konfia di mas riba enseñansanan personal òf spekulashon por asta kita nos for di konsentrá riba siña i esfuersonan ku lo sigui krese nos entendimentu i yuda nos bai dilanti iba e kaminda di kombenio.
Konfia den Señor ta un enseñansa familiar i bèrdat den E Iglesia di JesuCristu di e Santunan di e Delaster Dianan. Esei tabata e enseñansa di Jose Smith ora e santunan di promé ora a eksperensiá persekushon severo i opstákulo aparentemente insuperabel.9 Esei te ainda ta e mihó prinsipio ku nos por usa ora nos esfuerso pa siña òf nos intento pa haña konsuelo topa ku opstákulo den asuntunan ku ainda no a wòrdu revelá òf no adoptá komo doktrina ofisial di e Iglesia.
E mesun prinsipio ta apliká na preguntanan no kontestá tokante seyamentu den e siguiente bida òf reahusté deseá dor di eventonan òf transgreshonnan den mortalidat. Tin asina tantu [kos] ku nos no sa, ku nos úniko konfiansa sigur ta pa konfia den Señor i Su amor pa Su yunan.
Al final, loke nos sa tokante e mundu di spiritu ta ku e Tata i e Yu nan obra di salbashon ta kontinuá einan. Nos Salbador a inisiá e obra di deklará libertat na esnan den koutiverio (wak 1 Pedro 3:18–19; 4:6; Doctrina y Convenios 138:6–11, 18–21, 28–37, i e obra ei ta kontinuá miéntras mensaheronan digno i kalifiká ta kontinuá ta prediká e evangelio, inkluyendo arepentimentu, na esnan ku ainda mester su efekto ku ta limpia (wak Doctrina y Convenios 138:57). E ophetivo di tur esei ta deskribí den e doktrina ofisial di e Iglesia, duná den revelashon moderno.
“E mortonan ku ta repentí lo wòrdu redimí, dor di obedensia na e ordenansanan di e kas di Dios.
“I despues ku nan a paga pa e kastigu pa nan transgreshon, i a wòrdu labá i purifiká, nan lo risibíun rekompensa di akuerdo ku nan obranan; pasó nan ta herederonan di salbashon” (Doctrina y Convenios 138:58–59).
E deber di kada unu di nos ta pa siña e doktrina di e evangelio restourá, warda e mandamentunan, stima i yuda otro, i hasi e obra di salbashon den e tèmpelnan sagrado.
Mi ta testifiká di e bèrdat di loke mi a bisa aki i di e bèrdatnan siñá i ku lo wòrdu siñá den e konferensia aki. Tur esaki ta hasí posibel dor di e Ekspiashon di JesuCristu. Manera nos sa di revelashonnan moderno, El “a glorifiká e Tata i a salba tur e obranan di su mannan.” (Doctrina y Convenios 76:43; ebfasis añadí). Den e nòmber di JesuCristu, amèn.