Dos Gran Mandamentu
Nos mester trata di warda tur dos e gran mandamentunan Hasiendo esei nos lo kana e lña fini entre lei I amor.
Mi kerido hermananan den evangelio di JesuCristu, mi ta saludá boso komo wardiannan divinamente asignádi e famia eterno. Presidente Russell M. Nelson a siñá nos, “E Iglesia a wòrdu restourá ya asina famianan por wòrdu forma, seyá, I eksaltáeternamente. E enseñansa ei tin un implikashon importante pa e personanan ku ta indentifiká nan mes komo lesbian, gai, biseksual òf transgénero, komunmente yamá LGBT. Presidente Nelson tambe a kòrda nos ku nos ku no ta “semper nos mester ta di akuerdo ku otro pa stima otro.” E enseñansanan profétiko aki ta inportante pa diskushonnan familiar pa kontestá e prefuntanan di muchanan I di hubentut. Mi a buska inspirashon pa medio di orashon pa papia ku e oudiensia aki pasó boso ta personalmente afektá pa e preguntanan aki, kual direktamente òf indirektamente ta afektátur famia den Iglesia.
I.
Mi ta kuminsá ku loke Jesus a siña ku ta e dos gran mandamentunan.
“Stima Señor bo Dios, ku henter bo kurason, ku henter bo alma i ku henter bo mente.
“Esei ta e prome i e mandamentu mas importante.
“I e di dos ta igual ku e promé, Boso lo stima boso próhimo manera bo mes.”
Esaki ta nifiká ku nos ta wòrdu mandá pa stima tur hende, ya ku Jesus Su parable di e Bon Samaritano ta siñ ku tur hende ta nos próhimo. Pero nos zelo pa warda edi dos mandamentu no mester laga nos lubidá e promé, pa stima Dios ku tur nos kurason, alma, I mente. Nos ta mustra e amor ei dor di “warda [Su] mandamentunan.” Dios ta rekerí [di nos] pa [nos] obedesé Su mandamentunan pasó solamente dor di e obediensia ei, inkluyendo arepentimentu, nos por regresá pa biba den Su presensia i bira perfekto manera E ta.
Den su diskurso resien pa e adultonan soltero di Iglesia, Presidente Russell M. Nelson a papia di loke el a yama e konekshon fuerte entre Dios Su amor I Su leinan.” E lei ku ta apliká mas signifikante na e asuntunan relashoná ku esnan identifiká komo LGBT ta Dios Su lei di matrimonio su lei ku ta kompañ’é di kastidat. Tur dos ta esensial den Tata Selestial Su plan di salbashon pa Su yunan. Manera Presidente Nelson a siña, “Dios Su leinan ta motivá kompletamente pa Su amor infinito pa nos I Su deseo pa nos bira tur kos ku nos por bira.”
Presidente Nelson a siña: “Hopi pais … a legalisámatrimonio di mesun sekso. Komo miembrodi e Iglesia, nos ta respetá e leinan di pais …, inkluyendo di matrimonio sivil. E bèrdat, sinembargo ta, ku den kuminsamentu , matrimonio a wòrdu ordená pa Dios. I te ku e dia djawe ta define dor di Dje di ta entre un hòmber i un muhé. Dios no a kambia Su definishon di matrimonio.
Presidente Nelson a kontinuá,“Dios tampoko a kambia Su lei di kastidat. Rekesitonan pa drenta tèmpel no a kambia.”
Presidente Nelson a kòrda nos tur “nos komishon komo Apòstel ta pa prediká nada mas ku bèrdat. E komishon ei no ta duna [Apòstelnan] e outoridat pa modifiká leinan divino.” P’esei, mi rumannan, e lidernan di Iglesia semper mester siña e importansia úniko di matrimonio entre un hòmber I muhé I e lei relashoná [ku esaki] di kastidat.
II.
E obra di e Iglesia di JesuCristu di e Sanrunan di e Delaster Dianan ta al final ta konserní ku e preparashon di e yunan di Dios pa e Reino Selestial I mas particular pa su Gloria mas haltu, eksaltashon òf bida eterno. E destinashon mas haltu posibel ei ta solamente posibel dor di matrimonio pa eternidat. Bida eterno ta inkluí e podernan kreativo ku ta heredá den kombinashon di hòmber I muhé—loke revelashon modern ta deskribí komo “kontinuashon di simiya pa semperi semper.”
Den e diskurso pa asultos solteros, Presidente Nelson a siña, “Wardando Dios Su leinan lo mantené bo sigur miéntras bo ta progresá pa posibel eksaltashon”—esaki ta, pa bira manera Dios, ku e bida ekslatá I potensial divino di nos Mayornan Selestial. Esei ta e destino ku nos ta deseá pa tur ku nos ta stima. Dor di e amor ei, nos no por laga e amor ei remplasá e mandamentunan i e plan i obra di Dios, ku nos sa ku lo trese pa esnan ku nos ta stima nan felisidat di mas grandi.
Pero tin hopi ku nos ta stima, inkluyendp algun ku tin e evangelio restourá, ku no ta kere den òf ta skohe pa no sigui Dios Su mandamentunan tokante matrimonio i e lei di kastidat. Ke hubo di nan?
Dios Su doktrina ta mustra ku nos tur ta Su yunan i ku El a krea nos pa tin goso. Revelashon modern ta siña ku Dios a prove un plan pa un eksperensia temporal den kual tur por skohe obediensia pa buska Su bendishonnan mayor òf tuma desishon ku ta kondusí na un di e reinonan di gloria menor. Dor di Dios Su gran amor pa tur Su yunan, e reinonan menor ei te ainda ta mas maravioso ku hende por komprondé. E Ekspiashon di JesuCristu ta hasi tur esaki posibel ora El a “glorifiká e Tata, i salba tur e obra di Su mannan.”
III.
Mi a paia di e promé mandamentu, pero kiko awor di e di dos? Kon nos por warda e mandamentunan pa stima nos próhimo? Nos ta buska pa persuade nos miembronan ku esnan ku ta sigui enseñansanan i akshonnan di lesbiano, gai, biseksual, òf transgenero mester wòrdu tratá ku e amor ku nos Salbador ta mada nos pa mustra na nos próhimonan. Pues, ora matrimonio di mesun sekso a wòrdu deklará legal na Merka, e Promé Presidensia I e Quorum di Diesdos a deklará, “e evangelio di JesuCristu ta siña nis pa stima I trata tur hende ku amabilidat i sivismo —asta ora nos no ta di akuerdo. Nos ta afirmá ku esnan ku ta probechá di hurisprundensia ku ta outorisá di matrimonio di mesun sekso no mester wòrdu tratá faltend’é rèspèt.
Mas ainda, nunka nos no mester persiguí esnan ku no ta kompartí nos kredo, i kompromisonan. Lamentablemente, algun persona ku ta enfrentando e asuntunan aki ta sigui sinti [nan mes] marginalisá i rechasá pa sierto miembronan den nos famia, barionan, i estakanan. Nos tur mester lucha pa ta mas amabel i mas síviko.
IV.
Pa rasonnan ku nos no ta komprondé, nos tin diferente desafionan den nos eksperensiá temporal. Pero nos [si] sa ku Dios lo yuda kada unu di nos vense desafionan si sinseramente nos buska Su ayudo. Despues di sufri i arepentí pa violashon di leinan nos a wòrdu siñá, nos tur ta destiná pa un reino di Gloria. E Huisio delater i Final lo ta dor di Señor ku E so tin e konosementu rekerí, sabidoria, i grasia pa husga kada un di nos.,
Miéntras tantu, nos mester trata di warda rue dos di e gran mandamentunan. Hasiendo esei, nos ta kana den e liña fini entre lei i amor—wardando e mandamenrunan i kanando e kaminda di kombenio, miéntras [nos] ta stima nos próhimo durante e kaminda. E kaminata aki ta rekerí di nos pa buska inspirashon divino riba kiko [nos] tin ku sostené i kiko [nos tin ku] oponé i kon pa stima i skucha ku rèspèt i siña den e proseso. Nos kaminata ta eksigí pa nos no hasi konseshon riba e mandamentunan, pero demostrá un medida kompletu di komprenshon i amor. Den nos kaminata mester nos mester konsiderá e muchanan ku ta insigur riba nan orientashon seksual, pero e ta deskurashá etiketá premature pasó, den mayoria kaso, eminseguridat ta desminuí signifikantemente ku tempu. Nos kaminata ta oponé na rekrutamentu leu for di e kaminda di kombenio i e ta nenga sosten na tur ku ta hiba hende for di Señor. Den tur esaki nos ta kòrda ku Dios ta primintí speransa I máksimo goso I bendishon pa tur ku ta warda Su mandamentunan.
V.
Mamanan I tatanan I nos tur ta responsabel pa siña tur dos di e gran mandamentunan. Pa e muhénan di Iglesia, Presidente Spencer W. Kimball a deskribí ku deber den e gran profesia aki: “Hopi di kresementu mayo ku lo bin pa e Iglesia den e delaster dianan lo bin pasó hopi di e bon muhénan di e mundu … lo wòrdu atraé na e Iglesia den gran kantidat. Esaki lo pasa den e grado ku e muhénan di Iglesia ta reflehá rektitut i elokuensha den nan bida i tambe den e grado ku e muhénan di Iglesia lo wòrdu apresiá komo distinto i diferente I for di e muhénan di mundu.” Kermen ku lo ta ku ehèmpelnan di hende nuhé di Iglesia lo ta un poder signifikante den tantu e kantidat komo den e kresementu spiritual di e Iglesia den e delaster dianan.
Papiando di e profesia ei, Presidente Russell M. Nelson a deklará ku “e dia ku Presidente Komball a predisí ta awe.” Boso ta e muhénan ku el a mira Poko nos ku a tende e profesia ei 40 [kuarenta] aña pasá por a realisá ku entre esnan [ku] e muhénan ei di Iglesia aki por salba lo bai ta nan propio amigunan kerí i famianan ku aktualmente ta influensiá pa prioridatnan di mundu i distorshon diabóliko. Mi orashonnan I bendishon ta ku boso lo siña I aktua pa kumpli e profesia ei den e number di JesuCristu, amen.