Resioning, Chelechad er a Aaronic Priesthood, me a Klas er a Rengeasek el Dil
Aika el ngeldechel el ki bla mouchais er a chelechang a mo ngosuterir a rengeasek el sechal me a redil el mo mekdebechii sel chedaol ultekellir.
Rodam me a rodos, ng klebokel el deluueta el mo dmak er tial klou el ongdibel. Uchelel chelechal sandei, e a tekoi a mlo er a rechedal a Ikelesia el kirel a ngeldechel a teletael er tirkel mo sioning a techolbechelid me a chedaol ruoll lomak. Ng soak el mo ouchais aike el edei el belkul.
-
A techolbechelid el kirel a mla mad el chad a kirel le sioning er ngii a chad loba beches el babier er a templo, luldimukl aikel di kedeb a klsel babier.
-
Ngii di el chedal a ikelesia el mla mo er a templo e oba beches el babier ngii a sebechel sioning a chedaol ruoll lomak, el mo er a re ngar me a re mla mad.
-
Ngii di el chad el mla metecholb el chedal a Ikelesia a sebechel sioning a techolbechelid el kirir a re ngar. Tia el teletael a mo er a rokui el techolbechelid el mekedmokl er a iikrel a templo.
Aika el ngeldechel a ngarngii a bledeklel. Aikel ngariou el belkul aikal olisechakl me a telbiil a dimlak bol ngodech. Aika di tabesuul a ututelel el mo er aikal rokui el ruoll. Aika el ngeldechel a rulterir a telungalek el mo mui el meruul chedaol ruoll er a templo.
Ng dirrek el soak el mengedecheduch er kemiu er chelechal taem el mochotii a ngeldechel a teletael el mo er a rengeasek me a remengeteklir.
Ko dobedebekii el kmo ak mla olengit er a rengeasek er a Ikelesia er a Jesus Kristo er a Uriul-klebesei el Santo el mo obengkel a Rubak er a klou el ureor er a beluulechad er chelechal sils el ngii—a mengidb er a Israel. A kultebedii tial ongit el mo er a rengeasek le tir el meduch lolngeseu er a rebebil lomerk er a klaumerang el mo mengesuseu er a rebebil. A moktek er tial omengidb a klou a ultutelel el telengtengil a kedmeklel a beluulechad me a rechad el kirel Ongeru Lemei a Rubak.
Chelsel a bek el ward, e a rengeasek er a Rubak a ngarngii a bisop, el blak a rengul mesiungel a Dios. Sel kot el ngarbab el ngerchelel a omekerreu er a rengeasek el sechal me a redil er a ward er ngii. A bisop me a re counselor ngii a omtebechel er a urerel a chelechad er a Aaronic Priesthood me a klas er a Rengeasek el dil er a ward.
Aika el ngeldechel el ki bla mouchais er chelechang a mo ngosuterir a rengeasek el sechal me a redil el mo mekdebechii sel chedaol ultekellir. Ng dirrek el somam el mo melisiich a chelechad er a Aaronic Priesthood me a klas er a Rengeasek el redil e mo odars a ngesou el mo er a rebisop me tirkel bebil er a roungerachel sel losiou a meral mei el telcheroll.
Chelecha er a Elder Quentin L. Cook a mo smaod aikel ngeldechel melutk el kirir a rengeasek el sechal. E a kebesengei, er sel klou el ongdibel er a redil, e a Sister Bonnie H. Cordon, el ngii a Merredel er a Cherrengelel a Rengeasek el Dil a mo smaod aikel kuk ngeldechel el mo er a rengeasek el dil.
A First Presidency me a Teruich me a terung a dmak loureor el kongei aika el tekoi el mo melisiich er a rengeasek. Aki meral, betika rengmam er tir e meluluuch el kirir! Tirkang a tir a “Urungulel Israel, el soldau er a Zion, el rengelekel a telbiiil er a chelechal sils.” Aki olcholt el kmo aki kmal ansing el kirel tirkal ngeasek e omereng a saul el kirir. El ngara chedaol ngklel a Jesus Kristo, amen.