Mengull er a Ngklel
Me ngokiu tial lolecholt el telbiil el kmo ke de chedal techang, e kid a mo okedongall lokiu a ngklel a Jesus Kristo.
Sel doungalek e ke de semeriar el mengiil er a cherrellel a ngalek, ngerchelir el mo melilt er a ngakl el mo ngklel ngkal beches el tolechoi. Alta e sera obechell, e ke ngiluu a ngakl el mle ngklel a rechedam er a ngaramong. Mechalechub tial ngakl el omngiluu a merael a chisel er sel taem ma beluu el kau a milechell.
A profet Helaman me a bechil a ulemengakl er a ngelkir lolab a ngar ngii a belkul el mo er a ngelkir el tolechoi el Nephi mea Lehi. Helaman a dilu er a rengelekel sechal:
“Ak mla meskemiu a ngklir tirkel mle kot el chad er a blik … me sel molatk aikal ngakl e kom melatk er tir el dirrek; me a sel molatk er tir e kom lematk a urelir … lengii el mla medung, e dirrekl el mla meluches, el kmo te mle ungil.
“Me a leuaisei, e rengelekek, ak mo uaisei me kau a mo meruul er ngii el ngii a ungil.”
A ngklel a Nephi me a Lehi a ngilsuterir el mo melatk aikel ungil lureor el chederir a rirul e oldubech er tir el mo meruul a ungil.
Rodos, ng diak el iior er a de kiei er ngii, ngeral tekoi a dolekoi, me a lechub e ke de eai a rekid me a lechub eng 108, ke de ousbech a toketubets el ngakl el ngii a osisiu a ututelel.
“Mo er a rebetok er [kid] el mla metecholeb el mo er a Kristo a mla loliang a Kristo … me [kid] a di mo tang er a Jesus Kristo.”
Me sel dechedal a Ikelesia er a Jesus Kristo er a Uriul-klebesei el Santo, “ke de kot el kongei el mo nguu a ngklel a Kirsto … lokiu a ruoll er a techolbechelid.” Ngokiu tial telbiil, kid a yaksok el mo blechoel el melatk er Ngii, remuul a Llechul, e mesiou er a rebebil. Sel klameriar reng er kid el mo meruul er tial telbiil a omekbeches er a bek el Chedaol sils sel dolai er a sakrament e lemuut el oldeu reng er a chelsel tial klengeltengat er a omer[rael] er tial beches el klengar.”
Tial ngakl el dengiluu er sera de bechell a ochotii el kmo ke de techang e meskid a ileakl el mo er a telungalek er kid er tial beluulechad. Eng di, sel de “luut el mechell” lokiu a techolb, a klemedengei el kmo ke de techang a mo klou. “Nguchul aikal telbiil el ngii a omriruul e kau a mo omekdong el ngelekel a Kristo, … me boleuaisei, … e ngii a mo chedaol el demam; le ngii a mla medung el kmo a rengmiu a mo ngodech lokiu a klaumerang er a ngklel; ma le uaisei, e ke milechell er ngii.”
Me ngokiu, tial lolecholt el telbiil el kmo ke de chedal techang, e kid a mo okedongall lokiu a ngklel a Jesus Kristo. E “ng diak [a] ngiidi el ngakl me a lechub eng tar omerul me a lechub eng teletael ea ngelekir a rechad a mo suobel, dilmerekmo lokiu a ngklel a Kristo, Rubak loba bek el Klisiich.”
Tial ngklel a Jesus a lodengelii el meketeket er a uchei er a Cherellel. Mo er a King Benjamin, a anghel a ulechais, “Ngii a bol lomekedong er ngii el Jesus Kristo, Ngelkel a Dios, … e a delal a lomekedong er ngii el Mary.” Ngurelel er a “beltik el reng el olsobel” a mla muchais el mora rengelkel a Dios er a ngii dil basio er a beluulechad el ebangkelio a mla mo er ngii, el mlara temel a Adam me a Eve el mei er a chelechal sils, meng mo sebeched el medengei el “kmo ngarker a le borngii el kirel a ngebetel a kngterir.”
Tial mla mo merek el rak, ea President Russell M. Nelson uldersii “a ongit er a ues” el mo er a rodos el mo “dosechii a ngar medad el taem lokiu a ngesu el mo mengdibel er a Israel.” Ngii a mengemdaol er kid el mo menguiu er a Babier er a Mormon e “melecha cholangk ra bek el bades mesaod el kirel me lechub eng melutk er Osobel.” Ngii a olengit el kmo kid “bol blak a rengud el mesaod er a Kristo, oldeu er a Kristo, e olsisechakl el kirel a Kirsto lobengkel a [telungalek er kid] me a resechelid.” Nglocha ke mla mo ometab a ikel redechel a yaksok er ngii “me kau ma tir a mo kmeed el mo er a Osobel. … Ea omengodech, ongasireng, a omechela el mo er ngii.”
Yaksok er kid a mo blechoel el lomdasou el kmo a Osobel a meskid a klisiich el mo dechor el kirel a klemerang me a llemalt—diak el iior el kmo ke de ngar er a klou el seked me a lechub eng basio el di kid, el ngii a basio el chad a diak lodengei a teleteled el diak el luldimukl er a Dios. Sel dolatk er Ngii e a Ngklel kid obang, ng diak a basio el kirel a omengaisisu a chelitechetud me a lechub a uldingeronger lomerritel. Me a osenged el ngara Osobel, eng di kid el mesekid el kmo ke de meral techang—ulkereu el ngelekel a Dios.
Omelatk er a telbiled a kokeringii a sebekreng er kid, meltii a rau el reng el mo bekeu, e meski a urunguled er a taem er a ringel.
Me sel de mesibas e de rebet er a ulkuruled er tial rael er a telbiil, e kid a di bo doruul el ngii a mo lotkii a Ngklel me a ungil-beltkil a Rengul el mei er kid. “Ele ngii a olab a rokui el klisichel, rokui el llomes, me a rokui el klemdengeii; ngii a medengeii a rokui el tekoi; e ngii a chubechub el Chad … el mo er tirkel tir a meluluuch e oumgerang er a ngklel.” Uaisei, ng diak a mo ngodech el lungil ngor el mo uaia ngklel a Jesus el mor tirkel rokui el tir, oba chelam el reng me a ngariou el reng, el osiik el “mo meruul a ungil e mo telkib el ungil.”
President Nelson a ulischakl: “A sils a mo merek sel bol sebechem el mo chellelakl e ungil besum el kristiano. A klechelid er kau a diak el dil kirel sel bo er a ikelesia sel Sandei. Ng kirel sel molecholt el kmo ke meral oliterakl el mla er a tutua er a Sandei el mo kebesengei er a Sebadong. … Ng diak a tekoi el di ‘telkib’ el oltierakl er a Rubak el Jesus Kristo.”
Sel blak el reng er kid el mo nguu a ngklel a Kristo a diak el dil ngara omelkinged. Tiang a diak el dil dilubch el yaksok me a lechub eng tekoi er a siukang. Tia a diak el siukang el de siseb er ngii me a lechub eng blil a ngakl el telecherakl ra biled. Ng diak du el kmo ke er di beot el nguu el lolia er a tana me a lechub e ke de turcheklii er a kboub. Ngii a ngakl el ngii a de “nguu loliang “ lluches er a chelsel a rengud, e “lluches er a [osenged].”
Tial tenget el tngakireng er a Osobel a kirel dolatk er ngii, belchoel, lokiu a uldused, omerelled, me a omeroled el mo er rebebil. Ng diak el di Ngii a lotkii a nglked, eng di Ngii a melakt er kid el belchoel. A Osobel a dilung:
“A chedil ng sebechel lobes er a tmut el ngelekel, meng diak el chubur a ngelekel ra diil? Choi, te mo obes, eng di ngak a diak kubes er ngii, E blai er a Israel.
“Momes, ak mla meskii a klisichel er a chimak.”
President George Albert Smith a ulsisechakl, “Mongull er tial ngakl el mobang, le ta er a klebesei e mo er ngii a techellem me a ngerchelem el louchais … el mo er a Demam el ngara babeluades … el kmo ngera ke mla rulii loba [ikel ngakl].”
Di uaikal kerkik el melilt el ngakl er a Nephi me a Lehi, ng sebechel medung e melusech el kired el kmo ke de meral mesiungel a Rubak el Jesus Kristo? Ke de melengmes er a ngklel a Jesus Kristo el kid a kongei el nguu el mei er kid? Kid ke de “olsisechakl e sioning” er a beltkil a Rengul-bekokuii me a Klisichel er a olsobel?
Diak el meketeket, Ak kulurenges er a Babier er a Mormon. Chelsel a ulebongel el bliongel er a 2 Nephi, Ak rirengesii a Nephi el dilii a kmu ngerang el dirkak a tal chiuii er a osisiu el omeruul er a uchei. Chesel tial rokui el tekingel, ngii a olsisechakl e ouchais el kirel a “Osobel, ng” chimol Chedaol er Israel, “Ngelkel a Dios,” e “Mesia.” Eng di sera longesimr er a cheldechedal, Ak rirngesii el kmu aikal tekoi: “Ak beches el bleketakl; Ak bleketakl er a klamerang; Ak belektakl er a Jesus er ngak, le ngii a mla osebelii a delbengek.” Sera krenges aikal tekoi,e ng mlo dmeu a renguk me ak mlomelekl lorrenges er ngii. Ak mlo medengei e ulenger el mora ikal bades el di uai ak kudengelii e onger el mora ngklek.
Rubak a mla dmung, “Choi, klengeltengat a mo er tirkel chad el tir a kongei el louchais er a ngklek; e le ngokiu a ngklek e tir a mo okedongall; e tir a chedak.”
Sel dechad er a Ikelesia er a Jesus Kristo er a Uriu-Klebesei el Santo, me de “blak a rengud el [nguu el mei er kid] a ngklel a Kristo” el mengull er a Ngklel loba beltik el reng, blak el reng, me a ungil lureor. Ak kuchais el kmo Ngii a “Ngelkel a Dios, choi, el ngii a ngelekel a Diak a Ulebengelel Chedam.” El ngara Chedaol el ngeklel, Jesus Kristo, amen.