យើងនិយាយអំពីព្រះគ្រីស្ទ
កាលដែលលោកិយមិនសូវនិយាយអំពីព្រះយេស៊ូវគ្រីស្ទ ចូរយើងនិយាយពីទ្រង់ឲ្យបានកាន់តែច្រើនឡើង ។
ខ្ញុំសូមសម្ដែងសេចក្ដីស្រឡាញ់ចំពោះបងប្អូនមិត្តជាទីស្រឡាញ់និងអ្នកជឿទាំងឡាយ ។ ខ្ញុំកោតសរសើរចំពោះសេចក្តីជំនឿ និងភាពក្លាហានរបស់បងប្អូនក្នុងអំឡុងពេលប៉ុន្មានខែចុងក្រោយនេះ ដោយសារជំងឺរាតត្បាតនៅទូទាំងពិភពលោកបានរំខានដល់ជីវិតរបស់យើង និងបានឆក់យកសមាជិកគ្រួសារ និងមិត្តភក្តិជាទីស្រឡាញ់របស់យើង ។
អំឡុងពេលនៃភាពមិនប្រាកដប្រជានេះ ខ្ញុំមានអារម្មណ៍ដឹងគុណខុសពីធម្មតាចំពោះចំណេះដឹងដ៏ច្បាស់លាស់របស់ខ្ញុំថា ព្រះយេស៊ូវគឺជាព្រះគ្រីស្ទ ។ តើបងប្អូនបានមានអារម្មណ៍បែបនេះដែរឬទេ ? មានការលំបាកដែលដាក់បន្ទុកលើយើងម្នាក់ៗ ប៉ុន្តែនៅពីមុខយើងគឺជាទ្រង់ដែលបានប្រកាសដោយរាបសារថា « ខ្ញុំជាផ្លូវ ជាសេចក្តីពិត ហើយជាជីវិត » ។ ១ ខណៈពេលដែលយើងស៊ូទ្រាំនឹងការរក្សាកម្លាតខាងរាងកាយរបស់យើងពីអ្នកដទៃ នោះយើងមិនត្រូវរក្សាកម្លាតខាងវិញ្ញាណរបស់យើងពីទ្រង់ឡើយដែលទ្រង់ហៅយើងដោយក្ដីស្រឡាញ់ថា « ចូរមកឯខ្ញុំ » ។ ២
ព្រះយេស៊ូវគ្រីស្ទបំភ្លឺផ្លូវយើង ដូចជាផ្កាយនាំផ្លូវនៅលើមេឃដ៏ច្បាស់ ។ ទ្រង់យាងមកផែនដីក្នុងក្រោលមួយដ៏រាបទាប ។ ទ្រង់បានរស់នៅក្នុងព្រះជន្មដ៏ឥតខ្ចោះ ។ ទ្រង់បានព្យាបាលអ្នកឈឺឲ្យជា ហើយប្រោសមនុស្សស្លាប់ឲ្យរស់ឡើងវិញ ។ ទ្រង់គឺជាមិត្តភក្តិដល់អ្នកដែលគេបំភ្លេចចោល ។ ទ្រង់បានបង្រៀនយើងឲ្យធ្វើអំពើល្អ គោរពប្រតិបត្តិ និងឲ្យស្រឡាញ់គ្នាទៅវិញទៅមក ។ ទ្រង់ត្រូវឆ្កាងលើឈើឆ្កាងតែមានព្រះជន្មរស់ឡើងវិញយ៉ាងអស្ចារ្យនៅបីថ្ងៃក្រោយនោះ ដែលអនុញ្ញាតឲ្យយើង និងអស់អ្នកដែលយើងស្រឡាញ់បានរស់ នៅហួសពីជីវិតអមតៈនេះ ។ តាមសេចក្ដីមេត្តាករុណា និងព្រះគុណដែលមិនអាចប្រៀបផ្ទឹមបានរបស់ទ្រង់ នោះទ្រង់បានទទួលដាក់មកលើអង្គទ្រង់នូវអំពើបាប និងការរងទុក្ខរបស់យើង ដោយនាំមកនូវការអភ័យទោស នៅពេលយើងប្រែចិត្ត ហើយមានសន្តិភាពនៅក្នុងព្យុះជីវិត ។ យើងស្រឡាញ់ទ្រង់ ។ យើងថ្វាយបង្គំទ្រង់ ។ យើងធ្វើតាមទ្រង់ ។ ទ្រង់គឺជាយុថ្កានៃព្រលឹងរបស់យើង ។
គួរឲ្យចាប់អារម្មណ៍ ខណៈពេលដែលជំនឿខាងវិញ្ញាណនេះកំពុងតែកើនឡើងនៅក្នុងខ្លួនយើង នោះមានមនុស្សមួយចំនួននៅលើផែនដីស្គាល់ព្រះយេស៊ូវគ្រីស្ទតិចតួច ហើយនៅផ្នែកខ្លះទៀតនៃពិភពលោកដែលព្រះនាមរបស់ទ្រង់ត្រូវបានប្រកាសរាប់សតវត្សមកហើយ តែបែរជាជំនឿលើព្រះយេស៊ូវគ្រីស្ទកំពុងតែថយចុះទៅវិញ ។ ពួកបរិសុទ្ធដ៏អង់អាចនៅទ្វីបអ៊ឺរ៉ុបបានឃើញជំនឿធ្លាក់ចុះនៅក្នុងប្រទេសរបស់ពួកគេអស់ជាច្រើនទសវត្ស ។ ៣ គួរឲ្យស្តាយនៅសហរដ្ឋអាមេរិកវិញ ជំនឿក៏កំពុងដើរថយក្រោយផងដែរ ។ ការសិក្សាថ្មីៗនេះបានបង្ហាញថាក្នុងរយៈពេល ១០ ឆ្នាំចុងក្រោយនេះ មនុស្ស ៣០ លាននាក់នៅសហរដ្ឋអាមេរិកបានដើរចេញពីការជឿលើភាពជាព្រះរបស់ព្រះយេស៊ូវគ្រីស្ទ ។ ៤ ក្រឡេកមើលនៅទូទាំងពិភពលោក ការសិក្សាមួយទៀតបានព្យាករណ៍ថាក្នុងប៉ុន្មានទស្សវត្សខាងមុខនឹងមានមនុស្សជាច្រើនដើរចេញពីគ្រីស្ទសាសនាដូចជាអ្នកចូលគ្រីស្តសាសនា ។ ៥
ពិតណាស់យើងគោរពសិទ្ធិរបស់មនុស្សម្នាក់ៗក្នុងការជ្រើសរើស ប៉ុន្តែព្រះវរបិតាសួគ៌យើងបានប្រកាសថា « នេះជាព្រះរាជបុត្រាដ៏ស្ងួនភ្ងារបស់យើង ចូរស្ដាប់តាមទ្រង់ចុះ » ។ ៦ ខ្ញុំសូមធ្វើជាសាក្សីថាថ្ងៃនោះនឹងមកដល់ នៅពេលគ្រប់ជង្គង់នឹងលុតចុះហើយគ្រប់អណ្ដាតនឹងទួលថ្លែងប្រាប់ថា ទ្រង់គឺជាព្រះគ្រីស្ទ ។ 7
តើយើងត្រូវឆ្លើយតបចំពោះពិភពលោកដែលកំពុងផ្លាស់ប្តូររបស់យើងនេះយ៉ាងដូម្តេច ? ខណៈមនុស្សខ្លះកំពុងទុកចោលសេចក្តីជំនឿរបស់ខ្លួន មនុស្សខ្លះទៀតកំពុងស្វែងរកសេចក្តីពិត ។ យើងបានលើកដាក់មកលើខ្លួនយើងនូវព្រះនាមនៃព្រះអង្គសង្គ្រោះ ។ តើយើងអាចធ្វើអ្វីខ្លះទៀត ?
ការរៀបចំរបស់ប្រធាន រ័សុល អិម ណិលសុន
ចម្លើយរបស់យើងផ្នែកខ្លះអាចកើតឡើងនៅពេលយើងចងចាំរបៀបដែលព្រះអម្ចាស់បានបង្រៀនដល់ប្រធានរ័សុលអិមណិលសុននៅប៉ុន្មានខែមុនពេលការហៅរបស់លោកធ្វើជាប្រធានសាសនាចក្រនេះ ។ នៅក្នុងការថ្លែងសុន្ទរកថារយៈពេលមួយឆ្នាំពីមុនការហៅរបស់លោក ប្រធានណិលសុន បានអញ្ជើញយើងឲ្យសិក្សាកាន់តែស៊ីជម្រៅនូវឯកសារយោងចំនួន ២២០០ ឯកសារអំពីព្រះនាមព្រះយេស៊ូគ្រីស្ទ ដែលបានរាយនាមនៅក្នុង Topical Guide ។ ៧
បីខែក្រោយមកនៅក្នុងសន្និសីទទូទៅខែមេសា លោកបានមានប្រសាសន៍ពីរបៀបដែលលោកសូម្បីតែធ្វើជាសិស្សដ៏ស្មោះត្រង់អស់ជាច្រើនទសវត្សរ៍ហើយក៏ដោយ ក៏ការសិក្សាដ៏ស៊ីជម្រៅអំពីព្រះយេស៊ូវគ្រីស្ទបានជះឥទ្ធិពលយ៉ាងខ្លាំងដល់លោក ។ ស៊ិស្ទើរ វីនឌី ណិលសុន បានសួរលោកអំពីឥទ្ធិពលនៃការសិក្សា ។ លោកបានឆ្លើយថា « បងជាបុរសម្នាក់ផ្សេងទៀត !» ជាបុរសផ្សេង ? នៅអាយុ ៩៣ ឆ្នាំ ជាមនុស្សផ្សេងឬ ? ប្រធាន ណិលសុន បានពន្យល់ថា ៖
« ពេលយើងចំណាយពេលរៀនអំពីព្រះអង្គសង្គ្រោះ និងការពលិកម្មដ៏ធួនរបស់ទ្រង់ នោះយើងនឹងចូលទៅរក … [ ទ្រង់ ] ។ …
« … ការផ្ដោតរបស់យើង [ ប្រែជា ] ផ្អែកយ៉ាងរឹងមាំទៅលើព្រះអង្គសង្គ្រោះ និងដំណឹងល្អរបស់ទ្រង់ ។ ៩
ព្រះអង្គសង្គ្រោះមានបន្ទូលថា « ចូរមើលមកឯយើងដោយនូវគ្រប់ទាំងគំនិត » ។ ១០
នៅក្នុងពិភពលោកដែលមានការងារ ការព្រួយបារម្ភ និងការខិតខំដើម្បីមានភាពស័ក្ដិសម យើងរក្សាចិត្ត អារម្មណ៍ និងគំនិតរបស់យើងទៅលើទ្រង់ដែលជាក្តីសង្ឃឹម និងជាសេចក្តីសង្គ្រោះរបស់យើង ។
បើការសិក្សាសារជាថ្មីអំពីព្រះអង្គសង្គ្រោះបានជួយរៀបចំប្រធានណិលសុន តើវាមិនអាចជួយរៀបចំយើងដែរទេឬអី ?
ក្នុងការសង្កត់ធ្ងន់ទៅលើឈ្មោះសាសនាចក្រ នោះប្រធានណិលសុនបានបង្រៀនថា « ប្រសិនបើយើង … ចង់ទទួលបានព្រះចេស្ដានៃដង្វាយធួនរបស់ព្រះយេស៊ូវគ្រីស្ទ—ដើម្បីសម្អាត ហើយព្យាបាលយើង ដើម្បីពង្រឹង ហើយតម្កើងយើង ហើយនៅទីបំផុតតម្កើងយើងឡើង—នោះយើងត្រូវតែទទួលស្គាល់ទ្រង់ឲ្យបានច្បាស់ថា ទ្រង់ជាប្រភពនៃព្រះចេស្ដានោះ» ។ ១១ ប្រធាន ណិលសុនបានបង្រៀនយើងថាការប្រើឈ្មោះត្រឹមត្រូវរបស់សាសនាចក្រ ដែលមើលទៅដូចជារឿងតូចតាចនោះ វាមិនតូចតាចទេ ហើយវានឹងមានឥទ្ធិពលយ៉ាងខ្លាំងនៅពេលអនាគតបាន ។
ការសន្យាមួយសម្រាប់ការរៀបចំរបស់បងប្អូន
ខ្ញុំសន្យានឹងបងប្អូនថានៅពេលបងប្អូនរៀបចំខ្លួនដូចជាប្រធានណិលសុនបានធ្វើ នោះបងប្អូនក៏នឹងមានភាពខុសគ្នាដែរ ដោយគិតច្រើនអំពីព្រះអង្គសង្គ្រោះ និយាយអំពីទ្រង់កាន់តែញឹកញាប់ ហើយការស្ទាក់ស្ទើរពុំសូវមានទៀតទេ ។ កាលណាបងប្អូនស្គាល់ និងស្រឡាញ់ទ្រង់កាន់តែខ្លាំង នោះពាក្យសម្ដីរបស់បងប្អូននឹងហូរមកយ៉ាងងាយស្រួលដូចដែលបងប្អូននិយាយពីកូនម្នាក់ ឬពីមិត្តជាទីស្រឡាញ់ម្នាក់របស់បងប្អូន ។ អស់អ្នកដែលស្ដាប់បងប្អូន នឹងទទួលការរៀនសូត្រច្រើនពីបងប្អូន ដោយមិនតស៊ូមតិ ឬដើរចេញពីបងប្អូនឡើយ ។
បងប្អូន និងខ្ញុំថ្លែងអំពីព្រះយេស៊ូវគ្រីស្ទ ប៉ុន្តែយើងប្រហែលអាចធ្វើបានប្រសើរជាងនេះ ។ បើលោកិយនិយាយអំពីទ្រង់បន្តិចបន្តួច តើនរណានឹងនិយាយអំពីទ្រង់ច្រើន ? គឺយើងទាំងអស់គ្នាហ្នឹងហើយ មួយគ្រីស្ទបរិស័ទដ៏ស្មោះត្រង់ផ្សេងទៀត !
ការនិយាយអំពីព្រះគ្រីស្ទនៅក្នុងគេហដ្ឋានរបស់យើង
តើមានរូបភាពរបស់ព្រះអង្គសង្គ្រោះក្នុងផ្ទះយើងដែរឬទេ ? តើយើងឧស្សាហ៍និយាយជាមួយកូនៗអំពីរឿងប្រៀបប្រដូចរបស់ព្រះយេស៊ូវដែរឬទេ ? « រឿងរ៉ាវរបស់ព្រះយេស៊ូវ [ គឺ ] ដូចជាខ្យល់បក់ទៅលើជំនឿនៃដួងចិត្តកូនៗរបស់យើង » ។ ១២ នៅពេលកូនៗរបស់បងប្អូនសួរបងប្អូន សូមគិតដោយស្មារតីបង្រៀនអ្វីដែលព្រះអង្គសង្គ្រោះបានបង្រៀន ។ ឧទាហរណ៍ប្រសិនបើកូនរបស់បងប្អូនសួរថា « ប៉ា ហេតុអ្វីបានជាយើងត្រូវអធិស្ឋាន? » បងប្អូនអាចឆ្លើយតបថា « នេះជាសំណួរល្អណាស់ ។ តើកូនចាំពីពេលដែលព្រះយេស៊ូវបានអធិស្ឋានឬទេ ? តោះយើងនិយាយពីមូលហេតុ និងរបៀបដែលទ្រង់អធិស្ឋាន » ។
« យើងនិយាយអំពីព្រះគ្រីស្ទ យើងអររីករាយក្នុងព្រះគ្រីស្ទ … ដែលកូនចៅយើងអាចដឹងថា តើត្រូវស្វែងរកប្រភពណាមួយ ដើម្បីឲ្យបានផ្ដាច់បាបរបស់ពួកគេ » ។ ១៣
ការនិយាយអំពីព្រះគ្រីស្ទនៅក្នុងសាសនាចក្រ
បទគម្ពីរដដែលនេះបន្ថែមថាយើង « ផ្សាយអំពីព្រះគ្រីស្ទ » ១៤ នៅក្នុងកម្មវិធីការថ្វាយបង្គំរបស់យើង ចូរយើងផ្តោតជានិច្ចលើព្រះអង្គសង្គ្រោះព្រះយេស៊ូវគ្រីស្ទ និងអំណោយទាននៃការពលិកម្មដ៏ធួនរបស់ទ្រង់ ិតផ្ទាល់ខ្លួនរបស់យើង ឬចែករំលែកគំនិតពីអ្នកដទៃបាននោះទេ ។ ខណៈពេលដែលប្រធានបទរបស់យើងអាចជាអំពីក្រុមគ្រួសារ ឬការបម្រើ ឬព្រះវិហារបរិសុទ្ធ ឬបេសកកម្មនាពេលថ្មីៗនេះ នោះអ្វីគ្រប់យ៉ាងនៅក្នុងការថ្វាយបង្គំរបស់យើង គួរតែលើកឡើងអំពីព្រះអម្ចាស់យេស៊ូវគ្រីស្ទ ។
កាលពីសាមសិបឆ្នាំមុន ប្រធានដាល្លិនអេកអូក បានមានប្រសាសន៍អំពីសំបុត្រមួយដែលលោកបានទទួល « ពីបុរសម្នាក់ដែលបាននិយាយថាគាត់បានចូលរួមការប្រជុំ [ សាក្រាម៉ង់ ] ហើយស្តាប់ទីបន្ទាល់ដប់ប្រាំពីរទីបន្ទាល់ដោយមិនបានឮការលើកឡើងពីព្រះអង្គសង្រ្គោះឡើយ » ។ ១៥ ប្រធានអូកបានកត់សម្គាល់ថា « ការពិពណ៌នានោះប្រហែលជានិយាយបំផ្លើសហើយ [ ប៉ុន្តែ ] ខ្ញុំដកស្រង់វាឡើង ពីព្រោះវាផ្ដល់នូវការរំឭកដ៏រស់រវើកសម្រាប់យើងទាំងអស់គ្នា » ។ ១៦ បន្ទាប់មកលោកបានអញ្ជើញយើងឲ្យនិយាយពីព្រះយេស៊ូវគ្រីស្ទបន្ថែមទៀតនៅក្នុងការនិយាយ និងការពិភាក្សាមភក្នុងថ្នាក់របស់យើង ។ ខ្ញុំបានសង្កេតឃើញថា យើងកំពុងផ្តោតអារម្មណ៍កាន់តែខ្លាំងឡើងៗលើព្រះគ្រីស្ទនៅក្នុងការប្រជុំសាសនាចក្ររបស់យើង ។ ចូរបន្តការខិតខំដ៏វិជ្ជមានទាំងនេះ ។
ការនិយាយអំពីព្រះគ្រីស្ទជាមួយអ្នកដទៃ
ជាមួយអស់អ្នកដែលនៅជុំវិញយើង សូមឲ្យយើងកាន់តែបើកចំហកាន់តែមានឆន្ទៈក្នុងការនិយាយអំពីព្រះគ្រីស្ទ ។ ប្រធានរ័សុល អិម ណិលសុន បានមានប្រសាសន៍ថា « ិស្សពិតរបស់ព្រះយេស៊ូវគ្រីស្ទស្ម័គ្រចិត្តក្រោកឈរឡើង បញ្ចេញមតិ ហើយខុសពីមនុស្សខាងលោកិយ » ។ ១៧
ពេលខ្លះយើងគិតថាការសន្ទនាជាមួយនរណាម្នាក់ត្រូវការឲ្យពួកគេមកព្រះវិហារ ឬជួបពួកអ្នកផ្សព្វផ្សាយសាសនា ។ ទុកឲ្យព្រះអម្ចាស់ដឹកនាំពួកគេតាមដែលពួកគេមានឆន្ទៈ ខណៈពេលដែលយើងគិតបន្ថែមទៀតអំពីការទទួលខុសត្រូវរបស់យើងដើម្បីក្លាយជាសំឡេងសម្រាប់ទ្រង់ គិតគូរឲ្យបានវែងឆ្ងាយ និងបើកចំហអំពីជំនឿរបស់យើង ។ អែលឌើរឌៀថើរ អេហ្វ អុជដូហ្វបានបង្រៀនយើងថានៅពេលនរណាម្នាក់សួរយើងអំពីថ្ងៃចុងសប្តាហ៍របស់យើង យើងគួរតែមានចិត្តឆ្លើយតបដោយរីករាយថាយើងចូលចិត្តឮកុមារថ្នាក់បឋមសិក្សាច្រៀងថា « ខ្ញុំព្យាយាមក្លាយដូចព្រះយេស៊ូវ » ។ ១៨ ចូរយើងធ្វើជាសាក្សីដោយចិត្តស្មោះត្រង់អំពីជំនឿរបស់យើងទៅលើព្រះគ្រីស្ទ ។ ប្រសិនបើនរណាម្នាក់ចែកចាយពីបញ្ហានៅក្នុងជីវិតគាត់ ឬនាង នោះយើងអាចនិយាយថា « ចន ឬ ម៉ារី អ្នកដឹងថាខ្ញុំជឿលើព្រះយេស៊ូវគ្រីស្ទ ។ ខ្ញុំបានគិតអំពីអ្វីដែលទ្រង់បានមានបន្ទូលដែលអាចជួយអ្នកបាន ។
សូមបើកចំហលើបណ្តាញសង្គមក្នុងការនិយាយអំពីការទុកចិត្តរបស់បងប្អុនលើព្រះគ្រីស្ទ ។ មនុស្សភាគច្រើននឹងគោរពចំពោះជំនឿបងប្អូន ប៉ុន្តែប្រសិនបើមាននរណាម្នាក់មិនខ្វល់ខ្វាយនៅពេលបងប្អូននិយាយអំពីព្រះអង្គសង្រ្គោះ សូមមានសេចក្តីក្លាហានមកពីការសន្យារបស់ទ្រង់ថា ៖ « អ្នករាល់គ្នាមានពរក្នុងកាលដែលគេជេរបៀតបៀនពីអ្នករាល់គ្នា … ដោយព្រោះខ្ញុំ ។ … ត្បិតអ្នករាល់គ្នាមានរង្វាន់ជាធំនៅឯស្ថានសួគ៌ » ។ ១៩ យើងយកចិត្តទុកដាក់ចំពោះការធ្វើជាអ្នកដើរតាមទ្រង់ជាជាងការចូលចិត្តដោយអ្នកដើរតាមយើងផ្ទាល់ ។ សាវកពេត្រុស បានផ្តល់ដំបូន្មានថា ៖ « ចូរប្រុងប្រៀបជានិច្ច ដើម្បីនឹងតបឆ្លើយដល់អ្នកណាដែលសួរពីហេតុនៃសេចក្តីសង្ឃឹមរបស់អ្នករាល់គ្នា » ។ ២០ ចូរយើងនិយាយអំពីព្រះគ្រីស្ទ ។
ព្រះគម្ពីរមរមន គឺជាសាក្សីដ៏មានព្រះចេស្តាមួយអំពីព្រះយេស៊ូវគ្រីស្ទ ។ ស្ទើរតែគ្រប់ទំព័រទាំងអស់ថ្លែងទីបន្ទាល់ពីព្រះអង្គសង្គ្រោះ និងបេសកកម្មដ៏ទេវភាពរបស់ទ្រង់ ។ ២១ ការយល់ដឹងមួយអំពីដង្វាយធួន និងព្រះគុណរបស់ទ្រង់ គឺមានពេញនៅក្នុងទំព័រនៃគម្ពីរនេះ ។ ក្នុងនាមជាដៃគូនឹងគម្ពីរសញ្ញាថ្មី ព្រះគម្ពីរមរមនជួយយើងឲ្យយល់កាន់តែច្បាស់អំពីមូលហេតុដែលព្រះអង្គសង្គ្រោះបានយាងមកជួយយើង និងពីរបៀបដែលយើងអាចមករកទ្រង់កាន់តែខ្លាំងឡើង ។
ជួនកាលបងប្អូនគ្រិស្ដសាសនិកខ្លះ មិនច្បាស់អំពីជំនឿ និងបំណងរបស់យើង ។ ចូរយើងរីករាយចែកចាយជាមួយពួកគេដោយស្មោះត្រង់អំពីជំនឿរបស់យើងទៅលើព្រះយេស៊ូវគ្រីស្ទ និងបទគម្ពីរសញ្ញាថ្មីដែលយើងទាំងអស់គ្នាស្រឡាញ់ ។ នៅពេលខាងមុខ អស់អ្នកដែលជឿលើព្រះយេស៊ូវគ្រីស្ទនឹងត្រូវការមិត្តភាព និងការគាំទ្រពីគ្នាទៅវិញទៅមក ។ ២២
កាលដែលលោកិយមិនសូវនិយាយអំពីព្រះយេស៊ូវគ្រីស្ទ ចូរយើងនិយាយពីទ្រង់ឲ្យបានកាន់តែច្រើនឡើង ។ នៅពេលបុគ្គលិកលក្ខណៈពិតរបស់យើងក្នុងនាមជាសិស្សទ្រង់ ត្រូវបានបង្ហាញ នោះមនុស្សជាច្រើននៅជុំវិញយើងនឹងត្រៀមខ្លួនស្តាប់ ។ នៅពេលយើងចែកចាយពន្លឺដែលយើងបានទទួលពីទ្រង់ នោះពន្លឺរបស់ទ្រង់និងព្រះចេស្តាសង្រ្គោះដ៏លើសលប់របស់ទ្រង់ នឹងរះលើបងប្អូនដែលចង់បើកដួងចិត្តរបស់ពួកគេ ។ ព្រះយេស៊ូវបានមានបន្ទូលថា « ខ្ញុំ … មក [ ក្នុង ] លោកីយ៍ជាពន្លឺភ្លឺ » ។ ២៣
បង្កើនបំណងប្រាថ្នារបស់យើងឲ្យនិយាយអំពីព្រះគ្រីស្ទ
គ្មានអ្វីដែលជម្រុញបំណងខ្ញុំក្នុងការនិយាយអំពីព្រះគ្រីស្ទច្រើនជាងការស្រមៃគិតអំពីយាងការត្រឡប់របស់ទ្រង់នោះឡើយ ។ ខណៈដែលយើងមិនដឹងថាទ្រង់នឹងយាងមកនៅពេលណា តែព្រឹត្តិការណ៍នៃការយាងត្រឡប់របស់ទ្រង់នឹងមានភាពអស្ចារ្យ ! ទ្រង់នឹងយាងមកលើពពកនៅលើមេឃដ៏មហស្ចារ្យ និងសិរីរុងរឿងជាមួយពួកទេវតាបរិសុទ្ធរបស់ទ្រង់ទាំងអស់ ។ មិនត្រឹមតែទេវតាពីរបីអង្គប៉ុណ្ណោះទេ ប៉ុន្តែជាទេវតាបរិសុទ្ធរបស់ទ្រង់ ទាំងអស់ ។ គ្មានរូបចេរូប៊ីន ពណ៌ក្រហមដែលគូរដោយវិចិត្រកររ៉ាជែលដែលយើងទាំងអស់គ្នាបានឃើញនៅលើកាតនៃក្តីស្រឡាញ់របស់យើងនោះទេ ។ ទាំងនេះគឺជាពួកទេវតានៃសតវត្សរ៍ ជាពួកទេវតាដែលបានបញ្ជូនឲ្យមកបិទមាត់សិង្ហទាំងអស់ ២៤ បើកទ្វារគុក ២៥ ដើម្បីប្រកាសកំណើតដែលរង់ចាំជាយូរមក ២៦ ដើម្បីលួងលោមទ្រង់នៅសួនច្បារគែតសេម៉ានី ២៧ ដើម្បីធានាដល់ពួកសិស្សនៅការយាងឡើងរបស់ទ្រង់ ២៨ និងដើម្បីបើកការស្តារឡើងវិញនៃដំណឹងល្អ ។ ២៩
តើបងប្អូនអាចស្រម៉ៃថាត្រូវបានទៅជួបទ្រង់ មិនថានៅខាងនេះ ឬខាងនោះទៀតនៃវាំងននដែរឬទេ ? ៣០ នេះជាការសន្យារបស់ទ្រង់ចំពោះពួកសុចរិត ។ បទពិសោធន៍ដ៏អស្ចារ្យនេះ គូសចំណាំដល់ព្រលឹងយើងជារៀងរហូត ។
ឱ ! យើងមានអំណរគុណណាស់ចំពោះព្យាការីជាទីស្រឡាញ់របស់យើងគឺប្រធាន រ័សុលអិមណិលសុន ដែលបានជម្រុញបំណងប្រាថ្នារបស់យើងដើម្បីស្រឡាញ់ព្រះអង្គសង្គ្រោះ និងប្រកាសពីទេវភាពរបស់ទ្រង់ ។ ខ្ញុំជាសាក្សីផ្ទាល់ភ្នែកចំពោះព្រះហស្តរបស់ព្រះអម្ចាស់ដែលបានជួយលោក និងអំណោយទាននៃវិវរណៈដែលដឹកនាំលោក ។ ប្រធានណិលសុន យើងរង់ចាំការប្រឹក្សារបស់លោកយ៉ាងអន្ទះសា ។
មិត្តជាទីស្រឡាញ់នៅទូទាំងពិភពលោក សូមឲ្យយើងនិយាយអំពីព្រះគ្រីស្ទដោយរង់ចាំការសន្យាដ៏រុងរឿងរបស់ទ្រង់ថា « អស់អ្នកណាដែល … ទទួលថ្លែងប្រាប់ពីខ្ញុំនៅមុខមនុស្សលោក នោះខ្ញុំនឹងទទួលថ្លែងប្រាប់ពីអ្នកនោះនៅ … ចំពោះព្រះវរបិតាខ្ញុំ » ។ ៣១ ខ្ញុំថ្លែងទីបន្ទាល់ថាទ្រង់គឺជាព្រះរាជបុត្រានៃព្រះ ។ នៅក្នុងព្រះនាមនៃព្រះយេស៊ូវគ្រីស្ទ អាម៉ែន ៕