Lisi o Manatu

Faatoilaloina o Faaosoosoga

O le auala mautinoa lava e faatoilalo ai faaosoosoga, o le aloese mai ai i le taimi muamua lava. Na faamatala e Peresitene Boyd K. Packer, Sui Peresitene o le Korama a Aposetolo e Toasefululua, [lona] asiasi atu i se nofoaga o manu feai i Aferika, lea na lapataia ai o ia ina ia taumamao mai vaivai e oo lava i vaivai e sili ona laiti. Soo se mea lava e i ai le vai—e oo lava i ni vai e to’a i tulaga vae o elefane—e faigofie lava ona i ai se kolokotaila o faapuna lata ane i ai. (Tagai “Kolokotaila Faaleagaga,” Liahona, Oke. 2002, 8.)

O manatu nei e fesoasoani ia te oe e aloese ai mai na “vaivai” matautia:

Aloese mai nofoaga ma tulaga e te iloa e ono faapuna mai ai faaosoosoga. Ne’i te’i ua pei o le tafatafao atu i autafa o le falekeke ae o loo [tipi] fuafua lau taumafa.
Ia faaeteete i tagata e le o i ai ou tulaga faatonuina ma latou te le faatauaina. E lelei le fegalegaleai; e mafai ona e valaauliaina i latou i a outou gaoioiga lelei. Ae ia aloese mai o latou teritori.
Ia mataitu le uati. A oo ina leva le afiafi, ua e le lavā, ma ua tau leai foi sou [malosi] e tetee atu.

E ese mai le aloese mai faaosoosoga, e mafai ona e faia ni laasaga mautinoa e saogalemu ai:

Filifili faafiafiaga—tifaga, televise, taaloga, musika, ma isi lava mea—e fetaui ma tulaga faatonuina o loo tuuina atu i le Mo Le Malosi o le Autalavou.
Faaalu lou taimi i nofoaga ma gaoioiga e lelei mo oe, faatasi ma tagata e maualuluga o latou tulaga faatonuina.
Ia faatumauina lou malosi faaleagaga e ala i le tatalo i aso uma ma suesue i tusitusiga paia ma le alu i le lotu i vaiaso taitasi.
Faalelei atili lou manatua. Manatua lau feagaiga o le papatisoga. Manatua lou manao ia e agavaa e ’ai ma inu i le faamanatuga. Manatua le Faaola ma le mea na Ia faia mo oe.
Tauloto upu o se viiga e te fiafia i ai. Usu pe mafaufau i ai pe a oo mai ni mafaufauga le lelei. Pe tauloto foi i lou mafaufau ia Mataupu Faavae o le Faatuatua po o fuaiupu o mau tauloto.

“A ua faamaoni le Atua, o le na te le tuuina atu outou i le tofotofoga e sili i se mea ua outou lavatia; ae sauni foi faatasi ma le tofotofoga se mea e sao ai, ina ia outou lava oono” (1 Korinito 10:13).