Molimau Faapitoa

E mafai faapefea ona ou maua le faatuatua ae e foliga mai e taufaafefe tele le lalolagi?

Ua faasoa mai e Elder Joseph B. Wirthlin o le Korama a Aposetolo e Toasefululua nisi o ona manatu e uiga i lenei mataupu.

• Ia i ai i taimi uma le faatuatua, e muamua lava, i lo tatou Tama Faalelagi ma Lona Alo e toatasi o Iesu Keriso.

• Ia agai pea i luma e tusa lava po o a [faatosinaga] a le lalolagi. A o e faitau i tusitusiga paia, o le a e iloa ai le mea e ao ona e faia.

• I soo se matua lava, tatou te fetaiai ai ma se filifiliga. E mafai ona tatou faalagolago i lo tatou lava malosi, pe mafai foi ona tatou malaga i mea maualuluga atu ma o mai ia Keriso.

• Ia galue i taimi uma i le faia o mea tonu. O le filemu ma le faamoemoe e oo mai i le iloaina o le Alii ma lo tatou Tama Faalelagi ma mulimuli i ala sa Laua soifua ai.

• O nisi taimi e foliga pogisa ai le lalolagi. O nisi taimi e tofotofoina o tatou faatuatua. Ae e le tatau ona tatou faanoanoa. E le tatau ona lafoaia lo tatou faatuatua. E le tatau ona aveesea lo tatou faamoemoe.

• Ia fiafia. Ia faatuatua ma lagona le mautinoa. O le a le tuulafoaiina oe e le Alii.

Mai le“Hope and Faith,” Ensign, Fep. 2005, 20; “E Iloga Ea e Maua e Ia le Faatuatua i le Lalolagi?” Liahona, Nov. 2002, 82; “Malaga i Mea Maualuluga,” Liahona, Nov. 2005, 16.