E mafai ona ou faia! Manatu e fausia ai lagona mautinoa

Afai e te fia tuputupu ae atili i le mautinoa, o nisi nei o mea e mafai ona e faia:

• Tatalo, e pei ona faia e Mose, ina ia fesoasoani le Alii e te manatua ai o oe o Lona atalii/afafine, ma e i ai sau galuega taua e tatau ona fai.

• Fai se lisi o mea e te malosi ai ma ou uiga lelei.

• Faitau ma mafaufau loloto i lou faamanuiaga faapeteriaka, pe sauniuni foi mo le mauaina o se faamanuiaga faapeteriaka.

• Auauna atu i isi, ma tusi i lau api o talaaga ou lagona e uiga i le auauna atu.

• Taumafa lelei ma faamalositino. O lou tino o se meaalofa mai le Atua, ma o taumafa lelei ma gaoioiga faaletino o le a siitia ai ou lagona ma fesoasoani e te maua ai ni lagona sili atu e uiga ia te oe lava.

• Fai ni tatalo o le agaga faafetai, ma tusi ou lagona faafetai i totonu o lau api o talaaga.

• Atiina ae au taleni.

• Tausi poloaiga.

Manatua o le lagona mautinoa e le oo mai i le avea ai o oe ma se tagata e sili atu ona lelei nai lo se isi tagata. E oo mai i le iloa o oe o se atalii/afafine o le Atua ma le faia o mea ua Ia finagalo e te faia.