O auala e te maua ai i taimi uma mafaufauga lelei

O nisi nei o gaoioiga mo le Mutuale ma manatu mo afiafi faaleaiga e mafai ona fesoasoani ia te oe e teuteuina ai ou manatu i le mama:

Tauloto pe toe faamanatu le mataupu faavae o le faatuatua lona sefulutolu. O le a lona uiga ia te oe? Lisi ni auala e mafai ona e “sailia ai ia mea uma.”
Lisi ni upu e uiga tutusa ma upu amioatua ma le amiolelei. E faapefea ona e faatatauina nei upu i lou olaga?
O le a le uiga o le mama? Aisea e tatau ai ona mama le vai ona faatoa tatou inuina lea? Aisea e tatau ai ona mama o tatou mafaufauga?
Faitau le tala ia Iosefa lea na sola ese mai le ava a Potifara o loo i le Kenese 39. O le a le taimi e tatau ai ona e sola ese ma e alu ese mai? E mafai faapefea ona e i ai i le lalolagi ae le o so le lalolagi oe?
Fai se tamaitusi ia tofu alii talavou ma tamaitai talavou o le uarota ma se mau po o se mafaufauga e fiafia i ai, e tusi ai.
Filifili se “mau o le vaiaso,” ma faapipii i se mea e mafai ona e faitau ai i aso uma. Vaai pe mafai ona e taulotoina ni mau se 52 i lenei tausaga—e taitasi i vaiaso uma lava. Afai e te taulotoina ni mau tauloto, ua e ausia le afa o le sini!
Fai se tautinoga e te le toe faaaogaina upu masoa.
Faatasi ai ma lau korama po o le vasega, fai se tautinoga e aloese mai soo se ituaiga o tusi ma ata mataga. E faapefea ona fesoasoani le tasi i le isi?
Fai o se aiga, filifili ni auala e mafai ona faaali atu ai lou alofa ma le lagolago o le tasi i le isi e ala i upu ma amioga lelei.
Faitau ma suesue vaega nei “Faafiafiaga ma Ala o Faasalalauga” ma le “Gagana” i le Mo Le Malosi o le Autalavou. Faailoga le upu Agaga o loo i ai i na vaega. Lisi ni auala e faamanuiaina ai lou olaga e le Agaga a o e ola ai i nei tulaga faatauaina.
Talanoaina i le vasega, po o se korama, po o le aiga foi, le saogalemu o Initoneti ma ala o faasalalauga.
O loo tusia i luga o o tatou malumalu le faaupuga “E Paia i le Alii”. Ia talanoaina pe faapefea ona fesoasoani mafaufauga mama e te saunia ai e ulu atu i le malumalu. Afai e mafai, auai atu i le malumalu e faataunuu papatisoga mo e ua maliliu.
Tauloto ni viiga se lua e sili ona [e] fiafia i ai e mafai ona e hamuina pe usuina e suia ai mafaufauga leaga i upu musuia.
Galue i le Tiute i le Atua po o le Tusi Alualu i Luma. O le vaega o le atinaega faaleagaga o le Tiute i le Atua po o le tulaga faatauaina o le faamaoni i le Tusi Alualu i Luma, o le a faapitoa le fesoasoani atu e te malamalama atili ai e uiga i le mama atoatoa ma faamanuiaga o le “teuteuina o [ou] manatu i le mama e le aunoa.”