Afi i lo’u loto
Ana le 15 ou tausaga ou te le tuuina atu faalauaitele la’u molimau. Ou te le’i masalosalo lava i le moni o le talalelei, ae o lou tausaga muamua i le seminare na ou maua ai le amataga o lau lava molimau e uiga i le Ekalesia ma le Tusi a Mamona.
I le taimi o le taumafanafana ina ua uma lena tausaga muamua o le seminare, na faia ai se konafesi a le autalavou a le matou siteki i se nofoaga mo tolauapiga. Sa faaiuina le konafesi i se sauniga molimau lea na leai so’u faamoemoe e fai ai lau molimau. E le’i umi ae amata ona musumusu mai le Agaga e tatau ona ou alu e tuuina atu lau molimau. Sa ou le amanaiaina, ae na faaauau pea ona ou maua se lagona e tatau ona ou tu i luga. Na iu ina tonu ia te au o le a fai lau molimau, ma a o ou faia, na oo mai i ou luga se lagona mafanafana ma le malosi lea na ou lagonaina ai le mu o lo’u fatafata. Na mumu se afi i totonu o lo’u loto.
Na ou aoao mai i lena mea, le taua o le tuuina atu o lau molimau, aua o taimi uma lava ou te faia ai, e tuputupu ae ai lau molimau. O le a faaauau pea ona ou avea le tuuina atu o lau molimau o se masani i le olaga atoa.