Ua Auina atu Fesoasoani a le Ekalesia mo Tagata Sulufai o Sudan

I le 2004 na amataina ai galuega a le Ekalesia a Iesu Keriso o le Au Paia o Aso e Gata Ai ma isi faalapotopotoga e tali atu ai i manaoga mo le soifua lautele o tagata e mafua mai i feeseeseaiga faaaupegaina i le va o tagata fouvale ma vaega o le malo i totonu o Sudan atoa ai ma le nuu tuaoi o Chad.

O le tali atu a le Ekalesia i faalavelave faafuasei, na tuuina atu ai mo tagata sulufai nei le tusa ma le 400 tone (363 tonnes) o Atmit, o meaai faatuputino mo tamaiti paeee ma tino leaga. Sa faaopoopoina foi i lea fesoasoani se uta o fesoasoaniga faafomai, pusa mo le soifua maloloina mama, ma sa auina atu foi ni palanikeke ma se fesoasoani a se faalapotopotoga faipaaga e pei o le International Relief and Development, [Fesoasoani Faavaomalo ma Atinae], Red Crescent Society [Sosaiete a le Red Crescent], ma le International Medical Corps [Faalapotopotoga Faavaomalo Faafomai].

Talu mai lava le 2003 ua avea Darfur o se vaega o Sudan ma nofoaga ua tetele ai feeseeseaiga ma feteenaiga, ua fai ai ma mafuaaga ua suia ai nofoaga o le sili atu ma le lua miliona o tagata ma le fia selau afe ua maliliu.

O loo faaauau pea Auaunaga a le Uelefea a le Ekalesia e mata’itu ia tulaga ma galulue soosoo tauau ma faalapotopotoga fai paaga e fesoasoani atu ia i latou e manaomia le fesoasoani.