LDS Charities [Tautua Agaalofa a le AAG] Na Fesoasoani e Toe Faafoi Faifaiva i le Sami

O le Tautua Agaalofa a le AAG, o se aao fesoasoani a le Ekalesia, sa galulue ma isi faalapotopotoga alolofa e fesoasoani e toe faatulai se vaa fagota na mafai ai ona toe foi le toa 27 o tagata fai faiva o Banda Aceh, Initonisia, i le sami, ma mafai ai ona latou tausia o latou aiga.

Ona o le galulolo i le 2004, na faaleagaina ai le vaa fagota o le Bolivia ma goto ifo ai i le Vaitafe o Krueng Aceh. Ina ua maea le lua masina o goto pea lenei vaa, sa fesoasoani loa le vaegaau a Amerika ma Ausetalia i le tosoina ae i luga mai le vaitafe. O iina na taatia ai loa lenei vaa e lei toe tagofia mo le tausaga atoa.

Sa faamatua’ia e le Tautua Agaalofa a le Au Paia o Aso e Gata Ai ma le Austin International Rescue and Relief Operations (AIRO) le galuega toefuatai o lenei vaa fagota tele. Na maea le galuega ia Novema 2006.

Sa faamanuia e se taitai Mosalemi le vaa, ona tuuina atu ai loa lea mo le faaaogaina.

Na maliliu uma le e ona le vaa ma lona faletua i le galulolo. O loo ola pea o la alo e toatolu ma e o le a mauaina e i latou le 50 pasene o tupe faasili e maua mai i lenei vaa fagota.