Ua Avanoa i Luga o le Initoneti ia Tusitusiga i le Gagana Siamani, Farani ma Italia

E tusa ma le 125,000 tagata o le Ekalesia e tautatala i le gagana Farani-, Siamani-, ma Italia-, o le a mafai nei ona aoao i tusitusiga paia fusitolu i la latou lava gagana i le faaaogaina lea o tusitusiga a le Ekalesia i luga o le Initoneti. Ia Ianuari 2007, na aloaiaina ai le faia e le Ekalesia o lomiga o tusitusiga paia fusitolu i gagana Farani, Siamani ma Italia ma ua avanoa nei i le http://scriptures .lds.org. Muamua, o tusitusiga a le Ekalesia sa na o le gagana faa-Peretania ma le faa-Sipaniolo sa mafai ona maua ai i luga o le initoneti.

O le faaliliuina o lomiga tuai masani o tusitusiga i luga o le Initoneti e tusa ma le ono masina e faatino ai, e pei ona faaalia e Ron Schwendiman, le pule o le Internet Coordination Group [Vaega Faamaopoopo o le Initoneti], mo le Matagaluega o Mataupu Aoaoina a le Ekalesia. E faalagolago lea i le siakiina, iloiloina ma le faasaosaoina ina ia aveesea ai ni mea sese e ono aliae mai i le taimi e fai ai le faaliliuga.

O loo iai nisi lomiga o isi gagana o loo ua sauni atu nei mo le tuuina i luga o le Initoneti. “Ua lata ona oo mai le gagana Potukale, ona mulimuli mai ai lea ma isi gagana,” e pei ona saunoa iai le susuga ia Kai Anderson, o le failautusi o le Komiti o Tusitusiga Paia.

O loo faamoemoe Uso Schwendiman o se taimi lata mai i le lumanai o le a toatele ni tagata o le Ekalesia o le a mafai ona mauaina tusitusiga paia a le Ekalesia i luga o le initoneti ia latou lava gagana. Na saunoa o ia, “O le taimi nei o loo galulue faatasi ma le Komiti o Tusitusiga Paia e iloiloina le faasologa o isi gagana o le a sosoo ai ma e faamoemoe o le a mafai ona faaalu ai le tele o nei gagana pe a talafeagai ai mo lenei tausaga.”

E pei foi o tusitusiga paia faa-Sipaniolo i luga o le Initoneti, faaFarani, faaSiamani, ma le faaItalia o loo i luga o le Initoneti e aofia ai tusitusiga faavae fusitolu (le Tusi a Mamona, Mataupu Faavae ma Feagaiga, ma le Penina Tau Tele), o le taiala i tusitusiga paia (o le lisi o autu o le talalelei ma o latou uiga ma mau faasino), ma fesootaiga ma isi fesoasoani mo suesuega, e pei o mataupu filifilia mai le faaliliuga a Iosefa Samita o le Tusi Paia, o le faasologa o le talafaasolopito o le Ekalesia, ma ata ma faafanua o mea na tutupu i tala faa-Tusi Paia ma le talaaga o le Ekalesia.

Ina ia mauaina le gagana Peretania, Farani, Siamani, Italia po o le Sipaniolo, asiasi ane i le http://scriptures.lds.org, ma kiliki luga o le upu “English” i le itu taumatau i le tulimanu pito i luga. Ona filifili ai lea o le gagana talafeagai o loo i luga o le itulau faasino.