MANATU MO AFIAFI FAALEAIGA

O nei fautuaga faaleaoaoga e mafai ona faaaoga i potuaoga faapea foi i le aiga. E mafai ona e fetuunaia nei manatu ina ia fetaui i lou aiga po o lau vasega.

“Musika Lelei, Mafaufauga Lelei,” i. 30: Amata i le faia o se taaloga lea e taumafai ai tagata o le aiga e mate se viiga po o se pese a le Peraimeri e ala i le faalogologo i se nota se tasi pe lua, sosoo ai ma ni nota se tolu pe fa. Afai latou te le mateiaina, tuu atu i ai se faaataataga itiiti e uiga i le viiga. Ia talanoaina le taua o musika i o tatou olaga ma le auala e mafai ona musuia ai i tatou e musika lelei. I le faaaogaina ai o le tusiga, ia faamatala le ala e mafai ai e le tusiga ona faatosinaina o tatou mafaufauga ma faaaoga e pulea ai i latou. Faatu se sini e tauloto ia upu o se viiga e fiafia i ai.

“Saunia mo le Mauaina o Sauniga o le Malumalu,” i. 40: Tusi fautuaga e valu a Brother Dahlquist i ni fasipepa, ma tuu atu i tagata taitoatasi e filifili se fasipepa se tasi. Ia valaaulia i latou taitoatasi e faasoa mai auala e mafai ona fesoasoani ai le mulimuli i le fautuaga ina ia tatou tutu ai i mea paia ma saunia e maua sauniga o le malumalu. Faaaoga aoaoga mai le tusiga e lagolago ai lau talanoaga. Ia filifili faatasi o se aiga se mataupu faavae tou te galulue i ai i vaiaso o le a sau.

“O Le Pese a Lona Tina,” i. U8: A uma ona faitau le tala, ia valaaulia tagata o le aiga e faasoa mai ni taimi sa latou fefefe ai. Fesili i ai po o a mea na latou faia e faatoilalo ai lo latou fefefe. Ia talanoaina auala e mafai ai e le usuina o se viiga po o pese o le Peraimeri ona fesoasoani ia i tatou. I le avea ai o se aiga pe o tagata taitoatasi foi, ia filifili se pese e manatua pe a manaomia se faamafanafanaga po o se malosiaga.

“Ia To’afilemu,” i. U12: Ia faasoa atu le lesona sa manao le tama o Elder Odume e aoao e lona aiga. Ina ia fesoasoani i tamaiti e iloa o latou faamanuiaga, ia mafaufau e fatu se “fagu o le loto faafetai.” Tuu atu i tagata o le aiga e tusi pe tusi ni ata o ni mea latou te faafetai ai ma tuu ia pepa i totonu o le fagu. Ia uunaia lau fanau e mafaufau foi i faamanuiaga e le o ni faamanuiaga faaletino.