Uepi Saite e Fesoasoani ai i Tagata Faapitoa mo Tekinolosi

Ua mafai e tagata faapitoa o tekinolosi mo siteki ona maua faamatalaga i le meliuila, mo se fesoasoani faaopoopo e faataunuu ai o latou valaauga. O se saite sa faalauiloa mai o se vaega o le LDS.org ua maua ai auala e foia ai faafitauli mo ni galuega ua tofia ai nei tagata e faatinoina.

“Matou te mananao ina ia faamautinoa ua iloa e nei tagata faapitoa ua i ai punaoa latou te faaaogaina,” o le tala lea a Bill Bush, o le pule o le polokalama mo le Matagaluega o Faamatalaga ma Fesootaiga a le Ekalesia.

E faitau selau ma selau se faaputuga o faamatalaga e faatatau i galuega faatino masani o loo i ai, e aofia ai autu eseese e pei o le mauaina o faasalalauga faasatelite, tuufaatasia ma tausia o faamaumauga faakomepiuta, ma le faaaogaina o le faiga i le meliuila e fautua mai ai faifeau faamisiona mo atunuu ua faaaoga ai lea faiga. E mafai foi ona maua kopi PDF o tusi ma faamatalaga o faasalalauga mai le saite faapea foi se aotelega o matafaioi ma tiutetauave e faataunuuina e tagata faapitoa o tekinolosi.

Soo se finagalo faaalia e tuu e tagata faapitoa o tekinolosi i luga o le saite, e talisapaia. Fai mai Brother Bush, “Matou te fia iloa po o a mataupu o loo i mafaufau o tagata.”

Ua maua nei le saite i le faaPeretania ma le faaSipaniolo, ma ua faaliliuina i le faaSiamani, Iapani, Potukale, ma Rusia. E maua le saite i le staketech.lds.org.