Ua Toe Faatulaga le Au Peresitene i le Eria a Amerika i Saute Sisifo

Ua fofogaina mai e le Au Peresitene Sili o Elder Marcus B. Nash o le a avea ma peresitene o le Eria a Amerika i Saute Sisifo, e suitulaga ia Elder Walter F. González e amata atu i le aso 20 o Tesema, 2007. O Elder González sa lagolagoina e avea ma se tasi o le Au Peresitene o Fitugafulu i le konafesi aoao ia Oketopa 2007.

Na tofia Elder Nash e avea ma se tasi o le Korama Muamua a Fitugafulu i le aso 1 o Aperila, 2006. Sa avea o ia ma Fitugafulu Eria i le Eria a Amerika Matu i Matusisifo ina ua tofia o ia e avea ma se Pulega Aoao.

E toalua Fitugafulu Eria o le a avea ma fesoasoani i le Au Peresitene o le Eria. O Elder Alexander A. Nuñez, o loo avea nei ma Fesoasoani Lua i le Au Peresitene o le Eria, o le a avea ma Fesoasoani Muamua. O Elder Nuñez sa avea ma se tasi o le Korama Lona Fa o Fitugafulu i le aso 3 o Aperila, 2004.

O Elder César H. Hooker, o se Fitugafulu Eria talu mai le aso 1 o Aperila, 2006, o le a avea ma Fesoasoani Lua.