Երեց Քեյվին Վ. Փիրսոն

Յոթանասունական

Երեց Քեյվին Վեյն Փիրսոնը հավատում է, որ եթե մենք իսկապես հասկանանք հավատքի սկզբունքը, Տերը կարող է հրաշքներ գործել մեր կյանքում:

«Ես մեծացել եմ, մտածելով, թե բավականին խելացի և ամուր եմ, բավականին արագ ու աշխատասեր, և ես միշտ կարող եմ տիրապետել իրավճակին,- ասում է նա,- Իրականությունը ցույց է տալիս, որ մենք չենք կարող վերահսկել մեր կյանքի բոլոր իրավիճակները: Մենք պարզապես պետք է վստահենք Տիրոջը և սովորենք հավատալ Նրան, իմանալով, որ ամեն ինչ լավ կլինի: Երբ դուք անում եք դա, Տերը ձեզ ունակ է դարձնում»:

Լինելով միսիայի նախագահ Երեց Փիրսոնը հաճախ իր միսիոներներին սովորեցնում էր հինգ խնդիրների մասին, որոնք կարող են հաղթել կամ թուլացնել հավատքը, եթե այն շարունակաբար չի ամրացվում: Նա ասում է. «Դուք պետք է ազատվեք կասկածանքից, խանգարող հանգամանքներից, հուսահատությունից և պարտաճանաչության պակասից, որպեսզի ձեր հավատքը գործող լինի»:

Երեց Փիրսոնը ծնվել է Սոլթ Լեյք Սիթիում, Յուտա, 1957թ. ապրիլի 10-ին, Վեյն Ֆ. և Վելդա Լաբրում Փիրսոնների ընտանիքում: Նա ստացել է գիտությունների բակալավրի կոչում ֆինանսների գծով Յուտայի Համալսարանից և բիզնեսի կառավարման մագիստրոսի կոչում Հարվարդի Համալսարանից: Նախքան իր կանչը որպես միսիայի նախագահ, նա աշխատում էր առողջապահական տեղեկատվության ընկերության գլխավոր տնօրեն:

Երբ Երեց Փիրսոնը կանչվեց Յոթանասունի Առաջին Քվորում, նա ծառայում էր որպես նախագահ Վաշինգտոն Տակոմա Միսիայում: Նրա նախկին Եկեղեցու կոչումները անսահման արժեքավոր էին իր այսօրվա կոչմանը պատրաստվելու համար: Նա ծառայել է որպես լիաժամկետ միսիոներ Ֆինլանդիայում, ծխի Երիտասարդ Տղամարդկանց Նախագահ, երեցների քվորումի նախագահ, բարձրագույն խորհրդական և եպիսկոպոս: Երեց Փիրսոնն ամուսնացել է Ջուն Լանգլենդի հետ 1980թ. հունիսի 24-ին Սոլթ Լեյքի Տաճարում: Նրանք ունեն վեց զավակ: