Երեց Լ. Վիթնի Քլեյթոն

Յոթանասունի Նախագահությունից

Սիրով լի տանը մեծանալու հետ մեկտեղ երկու շրջադարձային իրադարձություն Երեց Լինդոն Վիթնի Քլեյթոնի կյանքում մեծ փոփոխություն կատարեցին, ասում է նա: Առաջինը, Պերույում միսիոներ ծառայելն էր: Մյուսը, Քեթի Էնն Քիփի հետ ամուսնանալը, 1973թ. օգոստոսի 3-ին, Սոլթ Լեյքի Տաճարում: Նրանք յոթ զավակների ծնողներն են:

«Մեր երեխաները կատակում են, որ մայրիկի ու հայրիկի հետ տանը ժամանակ անցկացնելը վեր է ածվում չծրագրված ընտանեկան հավաքների, - ասում է Երեց Քլեյթոնը,- Եվ դա բավականին ճշգրիտ նկարագրություն է»: Քլեյթոնների ընտանիքը սիրում է նստել և քննարկել տարբեր թեմաներ, նրանք նաև սիրում են միասին երգել:

Երեց Քլեյթոնը ծնվել է Սոլթ Լեյք Սիթիում, Յուտա, ԱՄՆ, 1950թ. փետրվարի 24-ին, Լ. Վիթնի Կրտսերի և Էլիզաբեթ Թաչսթոն Քլեյթոնների ընտանիքում: Նա մեծացել է Վիթիերում, Կալիֆորնիա, ԱՄՆ, ստացել է իր բակալավրի կոչումը ֆինանսների գծով Յուտայի Համալսարանում, և իրավաբանի կոչումը Կալիֆորնիայի Փասիֆիկ Համալսարանում:

1970թ. նա կանչվեց ծառայելու Անդես Միսիա Պերույում: Այնտեղ նա սովորեց սիրով ուսումնասիրել սուրբ գրությունները: «Իմ կյանքի մեծագույն ուրախություններից է եղել ամեն օր մի հանգիստ ժամ նստել և ուսումնասիրել սուրբ գրությունները, - ասում է նա,- Ես մեծ հանգստություն և խաղաղություն ու առաջնորդություն եմ գտնում դրանում»:

Երեց Քլեյթոնը ծառայել է որպես ճյուղի նախագահ, եպիսկոպոս, միսիայի նախագահի խորհրդական և Տարածքային Յոթանասունական: Որպես եպիսկոպոս իսպանախոս ծխում Սանտա Անայում, Կալիֆորնիա, ծառայելն մեծ օրհնություն էր, ասում է նա: «Դա մեծացրեց իմ ունակությունը տեսնելու, որ նրանք, ովքեր պահում են պատվիրանները, երջանիկ են»:

Նա տեսել է, որ նույնը ճիշտ է նաև իր ճանապարհորդությունների դեպքում, երբ նա Յոթանասունի Առաջին Քվորումի անդամ էր: «Անկախ նրանից, թե որտեղ են մարդիկ ապրում աշխարհում, Տերը կօրհնի նրանց, եթե նրանք պահեն պատվիրանները, - ասում է նա,- Նրանք, ովքեր իրենց վստահությունը դնում են Նրա վրա, կտեսնեն, որ Նա ամեն կերպ կհարստացնի նրանց կյանքը»: