Usa ka Panumpa sa Propeta

Ni Presidente Thomas S. Monson

Gikan sa Abril 2008 nga pakigpulong sa kinatibuk-ang komperensya.

Sa tingpamulak sa 1848, ang akong mga apohan sa sungkod, sila si Charles Stewart Miller ug Mary McGowan Miller, mibiya sa ilang pinuy-anan sa Scotland ug mipanaw ngadto sa St. Louis, Missouri, uban sa usa ka grupo sa mga Santos, nga miabut didto niadtong 1849.

Samtang didto pa ang pamilya sa St. Louis nagtrabaho aron makapangita og igong kwarta aron paghingpit sa ilang panaw ngadto sa Walog sa Salt Lake, usa ka midagsang nga sakit nga kolera ang mikatap sa dapit. Sulod sa duha ka semana, upat sa mga sakop sa pamilya ang namatay. Ang mga anak nga nakalingkawas nailo, lakip ang akong lola sa tuhod si Margaret, kinsa 13 anyos niadtong higayona.

Ang siyam nga nahabilin nga mga anak nga Miller mipadayon sa pagtrabaho ug pagtigum alang nianang panaw nga dili na gayud mahimo sa ilang mga ginikanan ug mga igsoong lalaki. Mibiya sila sa St. Louis sa tingpamulak niadtong 1850 uban sa upat ka mga baka ug usa ka karwahe, nga sa katapusan miabut sa Walog sa Salt Lake sa samang tuig.

Ang uban sa akong katigulangan nag-atubang sa samang kalisud. Human nianang tanan, hinoon, ang ilang mga pagpamatuod nagpabilin nga makanunayon ug lig-on. Gikan kanilang tanan akong nadawat ang kabilin sa hingpit nga pagpahinungod ngadto sa ebanghelyo ni Jesukristo.

Sa tibuok nako nga kasingkasing ug sa kinahiladman sa akong kalag, ako mopahayag nga ang Dios buhi. Si Jesus Iyang Anak, ang Bugtong Anak sa Amahan diha sa unod. Siya ang atong Manunubos; Siya ang atong Tigpataliwala sa Amahan. Siya nahigugma kanato uban sa gugma nga dili nato hingpit nga masabtan, ug tungod kay Siya nahigugma kanato, Siya mitugyan sa Iyang kinabuhi alang kanato. Ang akong pasalamat Kaniya dili masukod.

Akong ipasalig ang akong kinabuhi, ang akong kusog sa pag-alagad Kaniya ug sa pagdumala sa mga kalihokan sa Iyang Simbahan pinasubay sa Iyang kabubut-on ug pinaagi sa Iyang pagdasig.

Usa ka Kabilin sa Hugot nga Pagtuo

Ang kabilin mao ang usa ka bililhon nga gasa nga atong mapanunod gikan sa atong mga katigulangan. Ang apohan sa sungkod ni Presidente Monson, sila si Charles ug Mary Miller, mihatag kaniya og usa ka kabilin sa hugot nga pagtuo diha sa ebanghelyo ni Jesukristo. Sulati ang mga blangko sa mga pulong gikan sa ilang istorya.

Ang pamilya nga Miller misugod sa ilang taas nga panaw didto sa .

Nagtrabaho sila sa St. aron makakita og kwarta sa pagtapos sa ilang panaw.

Usa ka nga mipatay og daghang mga tawo.

Human sa kamatayon sa ilang mga ginikanan ug duha ka mga igsoon, ang Miller nga mga anak mipadayon sa pagbiyahe.

Sila adunay ka baka ug tinabunan nga karwahe.

Ang lola sa tuhod ni Presidente Monson nga si Margaret anyos pa.

Sila miadto gikan sa St. Louis, , ngadto sa sa Salt Lake.

Si Presidente Monson miingon, “Akong ipasalig ang akong , ang akong kusog sa pag-alagad ni [Jesukristo].”

Ang Pioneer Karon

Ang pioneer mao ang usa ka tawo kinsa mao ang unang nakaadto bisan asang dapita o unang nakabuhat sa bisan unsang butanga ug mopakita sa uban sa dalan nga pagasundon. Pagdrowing og usa ka hulagway sa usa ka tawo nga imong nailhan o usa ka tawo diha sa inyong pamilya kinsa usa ka pioneer karon.

Dili na kinahanglan nga magtulod ka og kariton,

Mobiya sa imong mahal nga pamilya,

O molakaw og liboan ka milya o sobra pa

Aron mahimong pioneer!

Kinahanglan ka og dakong kaisug,

Hugot nga pagtuo aron kahadlok mabuntog,

Ug alang sa matarung nga katuyoan mobuhat sa tibuok kusog

Aron mahimong pioneer!

(“To Be a Pioneer,” Children’s Songbook, 218–19)

Mga Paghulagway pinaagi ni Maryn Roos