Sa Pagpuno sa Yuta

Si Presidente Thomas S. Monson nagtawag sa mga Santos sa Ulahing mga Adlaw sa pagpadayon sa atong hugot nga pagtuo ug mga pag-ampo niadtong “mga dapit diin ang atong impluwensya gilimitahan ug diin kita wala tuguti sa gawasnong pagpakigbahin sa ebanghelyo” maablihan (tan-awa ang sidebar sa pahina 25). Anaa siya diha sa makasaysayanong miting niadtong 1974 sa dihang si Presidente Spencer W. Kimball (1895–1985) nagtawag sa mga lider sa Simbahan nga ilang patas-an ang ilang mga lakang ug palapdan ang ilang panan-aw sa pagpalambo sa programa sa misyonaryo sa tibuok kalibutan ug “sa pagpangita sa mga yawe nga klarong nawala sa daghan sa mga nasud diin atong maablihan kadtong mga dapita.¹

Si Presidente Monson nagsaad nga mga milagro mahitabo samtang kita magpadayon sa atong hugot nga pagtuo ug mga pag-ampo. Siya nasayud gikan sa kasinatian nga kini tinuod. Milabay ang mga tuig human sa hangyo ni Presidente Kimball, iyang nakita ang dakong pagsaka sa gidaghanon sa mga misyonaryo ug mga bag-ong kinabig.² Siya nakasaksi sa pag-abli sa daghang mga dapit samtang ang mga Santos sa Ulahing mga Adlaw misunod sa hangyo ni Presidente Kimball sa pag-ampo sa mga nasud sa kalibutan nga moabli sa ilang mga pultahan sa pagsangyaw sa ebanghelyo. Si Presidente Monson mao ang instrumento sa pagtukod sa Templo sa Freiberg Germany. Siya nakasaksi sa pag-abli sa daghang mga nasud ngadto sa ebanghelyo human sa pagkagun-ob sa Berlin Wall niadtong 1989.³

Siya ug ang tanang mga propeta sa ulahing mga adlaw sukad sa Pagpahiuli sa ebanghelyo nasayud nga kining mga pulong nga gisulat ni Propetang Joseph Smith niadtong Marso 1842 tinuod: “Ang Sumbanan sa Kamatuoran natukod; walay dili balaan nga kamot ang makapugong sa buhat sa paglambo; mga pagpanggukod mahimong magkakusog, ang mga manggugubot mahimong mahiusa, mga kasundaluhan magpundok, mga pasangil mahimong modaot sa kadungganan, apan ang kamatuoran sa Dios magpadayon nga maisugon, halangdon ug gawasnon, hangtud nga kini makasulod sa matag yuta, makabisita sa matag dapit, molukop sa matag nasud, ug makasulti sa matag dunggan, hangtud ang mga katuyoan sa Dios matuman, ug ang Halangdong Jehova moingon nga ang buhat nahuman na.”⁴

Magkahiusa kitang tanan sa atong hugot nga pagtuo ug mga pag-ampo aron ang mga dapit nga karon sirado maabli ug ang mga milagro mahitabo samtang kita modawat sa hagit gikan ni Presidente Monson.

Sa Ubos: Presidente Heber J. Grant mipahinungod sa Templo sa Cardston Alberta niadtong Agosto 26, 1923—ang unang templo nga gipahinungod gawas sa Estados Unidos. Sa tuo: Ang silver nga pala nga gigamit ni Elder David O. McKay sa pagpahimutang sa bato sa pamag-ang niadtong 1915.

Sa wala: Samuel H. Smith, igsoong lalaki ni Propetang Joseph Smith, mao ang usa sa unang mga misyonaryo nga nagsangyaw sa ebanghelyo sa Estados Unidos. Sa Ibabaw: Ang nag-unang mga misyonaryo sa England nakakita og dakong kalampusan sa pagpakatap sa ebanghelyo, sama sa nabuhat sa mga misyonaryo sa Scandinavian ug uban pang mga nasud sa Europe.

Sa wala ug sa ibabaw: Ang chapel sa Gadfield Elm sa Malvern, England, mao ang una ug labing karaan nga chapel sa mga Santos sa Ulahing mga Adlaw. Niadtong 1840 si Elder Wilford Woodruff mikabig sa 600 ka mga miyembro sa United Brethren kinsa nagkita dinhi. Ilang gihatag ang ilang chapel ngadto sa Simbahan, ug kini nahimong sentro sa misyonaryo nga buhat sa dapit. Sa wala madugay ila kining gibaligya aron sa pagtabang sa pagbayad sa lokal nga mga miyembro sa pagpundok sa Zion.

Mga litrato pinaagi ni David Pickup

Ang barko nga Ellen Maria nangandam sa paglawig gikan sa Liverpool, England, padulong sa Amerika niadtong Pebrero 1, 1851. Nianang higayona, labaw sa 50,000 ka mga Santos sa Ulahing mga Adlaw ang nagpuyo sa Bristish Isles. Ang paglalin nahimong posible isip resulta sa Perpetual Emigrating Fund, nga mipahulam og kwarta niadtong nagkalisud nga mga Santos sa Ulahing mga Adlaw nga may saad nga sila mobayad sa utang aron ang uban makalalin. Liboan ka mga kinabig ang milalin aron sa pag-apil sa mga Santos didto sa Amerika.

Sa wala: istatuwa ni Samuel H. Smith, pinaagi ni D. J. Bawden; sa tuo: Ang Paglawig sa mga Santos sa Liverpool, pinaagi ni Ken Baxter

Daghang “mga pulo sa dagat” mao ang mga dapit diin ang ebanghelyo misugod sa paggamot niadtong ika-19 nga siglo. Sa Wala sa Layo: Ang luna niining 1882 nga balay tigumanan sa Hawaii nahimong luna sa Templo sa Laie Hawaii, nga nahuman niadtong 1919 (sa wala). Sa Ubos sa Wala: Human nga ang mga misyonaryo miadto sa New Zealand niadtong 1854, ang ebanghelyo milambo. Sa Ubos: Kining replica sa Stela 5—usa sa 80 ka mga monumento sa Izapa, Chiapas, Mexico—naila nga Bato sa Kahoy sa Kinabuhi [Tree-of-Life Stone]. Ang uban nagsugyot nga tingali mao kini ang gihulagway sa damgo ni Lehi (tan-awa sa 1 Nephi 8).

Sa wala: litrato sa 1882 nga balay tigumanan sa maayong kabubut-on sa Church History Museum; sa ibabaw: Ang Saad, ni Al Rounds; sa ubos sa wala: Nagtukod Karon alang sa Kahangturan, ni Sylvia Huege de Serville, Ikaupat nga Internasyonal nga Kompetisyon sa Art; sa ubos: Ang Damgo ni Lehi, ni Araceli Andrade, Ikapito nga Internasyonal nga Kompetisyon sa Art

Sa tuo: Niadtong mga 1960 daghan nga taga-Nigeria ug Ghana nakabaton og mga pagpamatuod pinaagi sa pagbasa og mga literatura sa Simbahan. Sa dihang miabut ang misyonaryo niadtong 1978, gatusan nga mga taga-Africa andam na nga magpabunyag. Sulod sa usa ka tuig, mga 1,700 ka mga tawo ang nabunyagan ug nakumpirmahan.

Ibabaw: Litrato sa mga bunyag sa mga taga-Nigeria niadtong 1978 pinaagi ni Janath Cannon; sa Ibabaw: Pag-orden sa Sierra Leone pinaagi sa mga Santos sa Ulahing mga Adlaw, ni Emile Wilson; Sa tuo: Bunyag sa Sierra Leone, ni Emile Wilson

Sa ibabaw: Ang mga taga-Asya misaulog sa 1996 nga pagbisita ni Presidente Gordon B. Hinckley ug sa iyang asawa, si Marjorie. Ibabaw sa tunga-tunga: Asian ug Santos sa Ulahing mga Adlaw nga mga hulagway naglibut niining mga miyembro nga taga-Taiwan, nagpakita kon sa unsang paagi nga ang ebanghelyo makapalihok sa bisan unsang kultura. Ibabaw sa tuo: Si Elder Heber J. Grant (tunga), uban sa mga misyonaryo, mipahinungod sa Japan alang sa misyonaryo nga buhat niining luna niadtong Septyembre 1, 1901. Sa Ibabaw: Si Elder Francis M. Lyman, usa ka Apostol, nagpundok uban sa mga lider sa Simbahan niadtong Agosto 1903 sa St. Petersburg, Russia, sa pagpahinungod sa Russia alang sa pagsangyaw sa ebanghelyo.

Sa wala sa ibabaw: Ang mga Lamanite Naglambo Sama sa Rosas sa DISYERTO, ni Maria Gladis Barrientos de Monterroso, Ikatulo nga Internasyonal nga Kompetisyon sa Art; sa wala: Unang Panan-awon ni Joseph Smith, ni Januza Mostyl, sa maayong kabubut-on sa Church History Museum; sa ibabaw sa tuo: litrato ni Presidente Hinckley pinaagi ni Gerry Avant; sa ibabaw sa tunga: Walay Pagkaluya nga mga Misyonaryo, ni Jueling Chen, Ikaupat nga Internasyonal nga Kompetisyon sa Art, mahimong dili kopyahon; sa ibabaw sa tuo: litrato sa mga misyonaryo sa Japan sa maayong kabubut-on sa Church History Museum; Sa tuo: Pagpahinungod sa Russia, ni Emin Zulfugarov

Sa wala: Ang mga kolor ug grano niining pangburda [embroidery] misikop sa kakusog sa talagsaong pagtubo sa Simbahan sa Mexico, Central America, ug South America sa nangaging 50 ka tuig. Kining mga miyembro gusto kaayo sa Basahon ni Mormon ug nadani sa templo, nga girepresentar dinhi pinaagi sa Templo sa Siyudad sa Guatemala, Guatemala. Sa Ubos: Karon labaw sa 1,500 ka mga miyembro ang nagpuyo sa Poland, usa ka nasud nga klarong naapektohan sa Ikaduhang Gubat sa Kalibutan. Ang ilang mga pagpamatuod migamot sa samang mga pagtuo sa tanang mga Santos sa Ulahing mga Adlaw, sama sa Unang Panan-awon (gipakita sa ubos sa usa ka artist nga taga-Poland).