Ako Makasunod sa Ehemplo ni Jesukristo

Nila ni Sandra Tanner ug Cristina Franco

Si Jesukristo miingon, “Umanhi ka, ug sumunod kanako.” Kita makasunod ni Jesus pinaagi sa pagbuhat sa mga butang nga Iyang gibuhat. Ang mga hulagway sa atbang nga pahina nagpakita kon giunsa pag-awhag ni Jesus ang mga tawo sa pagbaton og hugot nga pagtuo diha Kaniya. Siya mitudlo nga importante nga magpasalamat sa mga panalangin nga atong nadawat. Iyang gipundok ang mga bata libut Kaniya aron makauban Niya sila ug makatudlo kanila. Gihigugma ni Jesus ang mga tawo nga Iyang nakauban ug misulti kanato sa paghigugma sa atong mga silingan. Sa sambingay sa maayong Samarianhon, si Jesus mitudlo mahitungod sa paghigugma sa uban.

Usa ka tigbiyahe gidagmalan sa mga tulisan ug gibiyaan nga himatyon. Usa ka pari ug dayon usa ka Levita nakakita sa samdan nga tawo, apan ang matag usa kanila miagi lang nga wala motabang. Sa katapusan, usa ka Samarianhon ang miagi ug mihunong aron pagtabang sa tawo. Iyang gibugkusan ang mga samad sa tawo ug gidala siya ngadto sa usa ka balay nga abutanan. Ang Samarianhon mihatag og kwarta sa tag-iya sa abutanan aron sa pagtabang og atiman sa tawo. (Tan-awa sa Lucas 10:30–37.) Kini nga istorya nagpakita kanato kon unsay gipasabut sa pagsunod sa sugo nga higugmaon ang atong mga silingan.

Hulyo 2010 nga Journal sa Kasulatan

Basaha ang Lucas 18:22.

Pag-ampo ngadto sa Langitnong Amahan aron masayud kon unsaon nga kamo makasunod ni Jesus.

Sag-uloha ang Lucas 18:22.

Pagpili og usa niini nga mga kalihokan, o paghimo og imong kaugalingon:

Tabangi ang lain sa pagsag-ulo sa Lucas 18:22.
Buhata ang kalihokan nga anaa sa pahina 64. Guntinga ang mga tunob sa tiil. Kon mobuhat kamo og usa ka butang sa pagsunod sa ehemplo ni Jesukristo, isulat kini diha sa blangko nga linya, ug ipapilit ang usa ka tunob sa tiil ngadto sa agianan.
Magmahimong usa ka higala ngadto sa usa ka tawo nga adunay kakulangan o nag-inusara. Hunahunaa ang ehemplo ni Jesus aron pagtabang kaninyo kon unsay angayng buhaton. Mahimong mobisita kamo ug mogahin og panahon uban sa usa ka tawo ug modasig kaniya ug motabang kaniya.

Sa unsang paagi nga ang unsay inyong nahimo nakatabang kaninyo nga makasabut niini nga kasulatan?

Isulat sa inyong journal o pagdrowing og litrato mahitungod sa unsay inyong nahimo.

Nagsunod ako sa ehemplo ni Jesukristo kon ako usa ka maayong higala ngadto ni .

Nagsunod ako sa ehemplo ni Jesukristo kon ako motabang sa akong igsoong lalaki o igsoong babaye pinaagi sa .

Nagsunod ako sa ehemplo ni Jesukristo kon ako mag-ampo aron sa pagpasalamat sa Langitnong Amahan alang sa .

Nagsunod ako sa ehemplo ni Jesukristo pinaagi sa .

Sa wala, gikan sa itaas: Hulagway ni Kristo, ni Heinrich Hofmann, sa maayong kabubut-on sa C. Harrison Conroy Co.; Si Kristo ug ang mga Bata, ni Harry Anderson, © IRI; Ang Sanglahon nga Miingon og “Salamat,” ni John Steel, dili mahimong pakopyahan; Ang Maayong Samarianhon, ni Walter Rane, sa maayong kabubut-on sa Church History Museum; Ginoo, Luwasa Ako, © Gary L. Kapp, dili mahimong pakopyahan; Dapig sa Dios, © Simon Dewey; sa tuo: paghulagway pinaagi ni James Johnson