Komentaryo
Makita diha Kanila ang Gugma sa Manluluwas
Samtang nagtuon sa Mensahe sa Unang Kapangulohan, namatikdan namo ang mga ideya kon unsaon sa pagpahiangay ang mga pagtulun-an ngadto sa gagmayng mga bata ug ngadto sa mga tin-edyer. Kini makatabang sa atong pamilya ingon man sa mga pamilya nga atong bisitahan. Nasayud kami sa inyong mga pasalig sa paghimong sayon sa mga kamatuoran sa ebanghelyo, nga magamit sa personal, ug sa makahuluganon nga paglahutay. Si Presidente Monson mao ang propeta sa Dios, ug ang mga anaa sa Unang Kapangulohan nagpakita sa gugma sa Dios samtang nagtudlo sila kanato ug nag-ampo alang kanato. Kami nahigugma usab kanila ug nag-ampo alang kanila.
Pamilyang Dias, Brazil
Mahinungdanon kaayo nga mga Poster
Ang mga poster nga anaa sa magasin importante kaayo sa among pamilya. Nakahatag kini og mubo, tin-aw, nga matan-aw nga mensahe sa mga pagtulun-an sa Simbahan. Kami adunay gisab-it nga frame tapad sa among atubangan nga pultahan, ug sa matag pila ka semana ilis-ilison namo ang mga poster. Nakatabang kini kanamong tanan sa pagsunod sa mga kasugoan. Giimprinta namo ang matag poster nga anaa sa Internet sukad niadtong 2001—kini tinuod nga mga panalangin ngari kanamo. Salamat.
Pamilyang Schwarzwälder, Germany