Kinsa Si Jesus?
“Si Jesus mao ang atong mahigugmaong higala. Siya kanunay nga duol” (Children’s Songbook, 58).
1. “Pagbantay! Madakpan ka sa allosaurus!” ngulob ni Teddy samtang iyang gigukod ang dinosaur ni Cole libut sa lingkuranan sa iyang allosaurus.
“Walay makapugong kanako. Ako usa ka tyrannosaurus rex,” miingon si Cole, nga gipauntol-untol ang iyang dinosaur dapit sa bong-bong.
2. Ang mga batang lalaki nag-ambak-ambak sa tibuok balay sama sa dakog tingog, gigutom nga mga dinosaur hangtud nga si Mama nagdala og snack.
3. “Kinsa man kanang anaa sa inyong bong-bong?” Nangutana si Teddy, nga nagkaon sa iyang cheese.
“Si Jesus, siyempre,” miingon si Cole.
“Kinsa si Jesus?” Si Teddy nangutana.
Wala masayud si Cole kon unsay isulti. Nagtuo siya nga ang tanan nasayud kabahin ni Jesus.
“Nagpuyo siya sa langit. Ug nahigugma Siya sa tanang mga tawo,” mao lamang ang iyang nahunahunaan nga itubag.
“OK,” miingon si Teddy. “Gusto ka ba nga moadto sa gawas?”
4. Si Cole nagluhod tupad sa iyang higdaanan nianang gabhiona nga nag-andam aron mag-ampo sa dihang misulod si Papa.
“Nalingaw ka ba uban ni Teddy karon?” Nangutana si Papa.
“Oo. Nagdula kami sa sandbox ug sa mga dinosaur. Pa, si Teddy nangutana kanako kon kinsa si Jesus, ug wala ko masayud kon unsay isulti kaniya.”
5. Si Papa mitudlo ngadto sa usa ka hulagway diha sa bong-bong ibabaw sa higdaanan ni Cole. Si Jesus kadto nga gipalibutan sa mga bata. “Unsa man ang imong mahunahunaan kon motan-aw ka niini nga painting?” Nangutana si Papa.
6. “Maghunahuna ko mahitungod kon unsa ko ka gusto nga mopuyo uban ni Jesus ug sa Langitnong Amahan sa umaabut nga adlaw. Ug kon giunsa pagtagad ni Jesus ang mga tawo sa maayo nga paagi sa dihang dinhi pa Siya sa yuta,” si Cole miingon.
7. “Mora og makahimo ka na sa pagsulti ni Teddy nianang duha ka mga butang,” miingon si Papa.
“Basin og gusto si Teddy nga mokuyog kanako sa simbahan sa laing higayon,” miingon si Cole. “Dayon makakat-on siya og daghang mga butang mahitungod ni Jesus. Ug makalingaw usab kini.”
8. Gihagkan ni Papa ang ulo ni Cole.
“Buotan ka nga bata, Cole. Ang Langitnong Amahan ug si Jesus parehong mapasigarbuhon kanimo. Ug swerte si Teddy nga nakaamigo kanimo.”