Ang Spotlight sa Templo
Templo sa Copenhagen Denmark
Sa sinugdanan gipahinungod isip Priorvej chapel duol sa sentro sa Copenhagen, Denmark, niadtong 1931, kining nindot nga pulang bika [redbrick] nga edepisyo nahimong ika-118 nga templo sa Simbahan sa dihang kini gipahinungod sa ingon niadtong Mayo 23, 2004. Kini gihulagway isip “usa ka bag-o nga templo sa karaang bayanan.”1
Ang orihinal sa gawas—naglakip sa atubangan nga may nindot kaayong mga haligi nga gitung-an ang pultahan nga hinimo sa kahoy—gipreserba ug gibalik ang orihinal samtang ang sulod gibag-o gayud. Mga mural ug mga painting nga makita gikan sa lokal nga mga landscape nagpakita sa talagsaong mga impluwensya sa Danish ug Swedish sa templo. Lima ka taas nga mga bintana hinimo sa bildo nga may art ang gibutang matag kilid sa building, nga may talagsaong atop hinimo sa copper nga may copper-clad dome.
Sa pagpahinungod sa templo si Presidente Hinckley nag-ampo nga ang Langitnong Amahan “motandog sa mga kasingkasing sa tanan kinsa moalagad niini nga may pagsabut sa Iyang balaang mga katuyoan ug sa Iyang mahimayaong buluhaton sa ‘pagpahinabo sa pagka-imortal ug sa kinabuhi nga dayon sa tawo’” (Moises 1:39).2
Kini nga balay tigumanan, gitukod sa mga miyembro, gipahinungod niadtong 1931 ug sa wala madugay gigamit isip proteksyon gikan sa bomba panahon sa Ikaduhang Gubat sa Kalibutan. Human giusab ang building, kini nahimong ika-118 nga templo (sa ubos).