Ang Kasaysayan sa Simbahan sa tibuok Kalibutan

India

Niadtong 1849 duha ka marinero nga Mormon milawig padulong sa India. Sa Calcutta dili opisyal silang misugod sa pagsangyaw sa ebanghelyo. Niadtong 1851 si Joseph Richards miabut aron sa pagsugod og pormal nga mga paningkamot sa misyonaryo diha sa nasud. Siya mibunyag sa unang mga miyembro sa Simbahan sa India ug miorganisar og usa ka branch. Niadtong 1852 adunay 189 ka mga miyembro. Sa wala madugay sila mitukod og usa ka gamay nga chapel—ang unang building sa Simbahan sa Asia.

Sa sunod nga mga siglo, hinoon, ang mga paningkamot sa misyonaryo lisud. Apan niadtong 1978 ang mga couple missionary misugod sa pagserbisyo isip mga representante sa Simbahan aron sa pagtabang sa Simbahan nga maila ug sa paglig-on sa mga miyembro.

Sukad niadto ang Basahon ni Mormon gihubad sa 5 gikan sa 20 ka mga nag-unang mga pinulongan sa India: Hindi, Tamil, Telugu, Urdu, ug mga pinili diha sa Bengali. Ang India Bangalore Mission natukod niadtong 1993. Pagka 2007 ang India New Delhi Mission gitukod aron sa pagdumala sa northern India ug pipila ka duol nga mga nasud.

Ang Simbahan nakadawat og kinatibuk-ang pag-ila sa gipangbuhat niini uban sa labaw sa 50 ka makatawhanong mga grupo sa nasud.

Ang Simbahan sa India
Mga Miyembro	8,200
Mga Misyon	2
Mga District	6
Mga Branch	30

Ang dose anyos nga si Henry McCune, usa ka kinabig, miabi-abi sa pipila ka mga misyonaryo nga mga Santos sa Ulahing mga Adlaw sa ilang pag-abut sa Calcutta, India, niadtong 1853.

Ubos: Sila si Gideon ug Hansen Prabhudas gikan sa Bangalore Second Branch. Sa tuo: Usa ka panagpundok sa mga tighupot sa priesthod gikan sa Hyderabad Fourth Branch.