O Se Tali Filemu

Saunia e Laura Hunter

E faavae i se tala moni

“O le tali filemu e liliueseina ai le ita: a o le upu faatiga e tupu ai le ita” (Faataoto 15:1).

1. Lisi, toe aumai! O lea ou te taalo ai!

   Leai!

2. Suga, faamolemole soia le tauaimisa. Lisi, e tatau ona e alu i lou potu. Alisa, ou te fia talanoa ia te oe.

3. E lē fetaui, Tama! Sa ou taalo i lau meataalo, ae toso atu e Lisi. E na te faaleagaina lava mea uma.

   E faigata le avea ma se uso matua. E te iloa le mea e fesoasoani ia te au pe a ou ita?

   O le a, Tama?

4. O se mau mai le Tusi Paia. O loo faapea mai, “O le tali filemu e liliueseina ai le ita: a o le upu faatiga e tupu ai le ita.” O lona uiga afai e te tautala ma le agaalofa ma le filemu, o le a lagona e tagata o loo feitai le toafilemu. Afai e te tautala ma le le faaaloalo pe ee atu ia i latou, o le a atili ai ona feitai.

5. E te manatu o le a aoga lea ia Lisi?

   Taumafai e fai i le isi taimi, ma vaai po o le a se mea e tupu.

6. Ou te manao i apaau faataulaitu!

7. Na manatua e Alesi le mea na ta’u atu e lona Tama.

   Lisi, e te fia pale i lo’u pale? E mafai ona avea oe ma purinisese, ae avea au ma au uo faataulaitu.

8. Ua lelei, o le a fai au ma se purinisese aulelei!

   Afio maia, lau afioga. Ta taaalo!