Tusi a le Au Peresitene Sili, Iuni 2011

1 Iuni, 2011

Uso e ma tuafafine pele:

O le tausaga lenei e atoa i ai le 75 tausaga talu ona faavaeina le polokalama o le uelefea a le Ekalesia. O itulau o loo mulimuli mai o le a folasia atu ai ia te outou se vaega o le talafaasolopito o le auala na amata ai le polokalama. O le a outou iloa ai foi nisi o taumafaiga a le uelefea faavaomalo a le Ekalesia, ma o le a faaalia ai le faatinoina o mataupu faavae o le uelefea i olaga o tagata o le Ekalesia i le lalolagi atoa.

E avea foi lenei faailogaina o se valaaulia ma se faamanatu mo i tatou uma ina ia atili ola faalagolago ai le tagata ia te ia lava ma mulimuli i le Faaola i le fesoasoani atu i tagata ina ia latou fesoasoani ia i latou lava.

Matou te valaaulia outou ma o outou aiga ina ia mafaufau ma le agaga tatalo ma faatino ia mataupu faavae o le uelefea ma le ola faalagolago o le tagata ia te ia lava a o outou iloiloina lenei vaega faaptioa.

Ma le faamaoni lava,

O Le Au Peresitene Sili