I le Aoao o le Ekalesia

O Le Faatuatua ma Aiga na Musuia ai le Malaga i le Malumalu a Tagata Niu Kaletonia.

O Ianuari, e 147 tagata o le Ekalesia mai Niu Kaletonia na faaaluina se masina i Hamilton, Niu Sila, e auai atu i le malumalu.

Mo le toatele, o le taimi muamua lea ua latou tapuai ai i totonu o se malumalu a le Au Paia o Aso e Gata Ai. Mo isi, o se mea e tupu faaletausaga.

“E le o i ai so matou malumalu i Niu Kaletonia, ma o le toatele o le au paia e o mai mai aiga e sili ona faatauvaa, o le tala lea a Georgie Guidi, o se tasi o le vaega. “E galulue matua i le tausaga atoa e faaputu le tupe mo le malaga.” E silia i le 1,000 maila (1,600 km) le mamao o le mea o loo i ai le malumalu mai maota ma laoa o nei tagata o le au paia.

Fai mai a ia, o le mafuaaga latou te naunau ai lava e o atu i Niu Sila, ona o aafiaga latou te maua ai iina e faamalolosia ai o latou faatuatua ia Iesu Keriso, ma aumai faatasia ai o latou aiga.

Sa faaopoopo mai Gerard Mou-Tham, o le peresitene o le itu i Niu Kaletonia, “o le o mai i le malumalu o se avanoa mo le toatele e faateleina ai o latou faatuatua ma atili ola latalata ai i le Atua.”