Mamanu se Talaaga Otooto i le Mormon.org

E mafai e tagata o le Ekalesia i le lalolagi atoa ona fetufaai atu le talalelei e ala i le mamanuina o se talaaga otooto i le Mormon.org. E faaaogaina e tagata e asiasi i le saite nei talaaga otooto e aoao tuusa’o ai i le Ekalesia mai tagata o le au paia. Mamanu se talaaga otooto ma faasoa atu lau molimau e ala i le mulimuli i laasaga nei:

1. Asiasi i le mormon.org/create. Saini e alu i totonu i le faaaogaina lea o lau faitotoa a le AAG. Afai e le o i ai sau faitotoa a le AAG, lesitala mo se igoa faaaoga ma se upu tatala e ala i le tuuina atu o le numera o lou pepa faamaumau ma lou aso fanau. E maua le numera o lou pepa faamaumau i luga o lau pepa faataga o le malumalu po o le fesootai atu i le failautusi o lau uarota po o le paranesi e nafa ma pepa faamaumau.

2. Tuu mai ni faatamatalaga e uiga i vaega nei: “E Uiga ia te Au,” “Aisea ua Avea ai Au ma se Mamona,” “O Faapefea ona Ou Ola i Lo’u Faatuatuaga,” “Fesili e Masani on Fesiligia,” “Tala Patino,” ma le “Faamatalaga Faaopoopo.”

3. Pe a mamanuina lou talaaga otooto, ia manatua o loo e talanoa atu i tagata e le auai i le Ekalesia. Aloese mai faaupuga latou te le masani ai. Mo se faataitaiga, e te ono faapea mai, “E tasi i le masina ona ou faiaoga i le vasega a tamaitai matutua mai upu a perofeta soifua,” nai lo o le faapea, “Ou te galue o se faiaoga o le Aoaoga o o Tatou Taimi i le Aualofa.”

4. Ia i ai sou ata, igoa muamua, ma se folasaga puupuu. E mafai foi ona fesootai lou talaaga otooto i lau lava lautusi i le initoneti, faitotoa o le Facebook, po o le faitotoa o le Twitter, e ui e le manaomia lea tulaga. Aloese mai le aofia ai o faamatalaga auiliili patino, e pei o lou faaiu po o le nuu o loo e nofo ai.

A maea loa lou talaaga otooto, o le a auina atu i isi sui mo le faamaoniaina. A faamaonia loa lou talaaga otooto, o le a mafai e tagata asiasi i le saite ona faitauina lau molimau ma faafesootaia oe mo nisi faamatalaga e uiga i le Ekalesia.