O La Tatou Itulau
Na fiafia tamaiti o le Peraimeri a le Uarota a Ville-Marie, o le Siteki a Montréal Québec, ma o latou faiaoga ma taitai e asiasi i lotoa o le Malumalu o Montréal Québec. Sa toafilemu ma migao i latou a o faafeiloaia e le au peresitene o le malumalu ma faia se maimoaga i le lotoa. Sa fiafia i latou e matamata i fugalaau felanulanuai ma le malumalu matagofie. Sa latou matamata foi i se ata e uiga i le malumalu, ma sa maua e tamaiti uma se tamai kata o loo i ai le ata o le malumalu.
Jeremiah P., 10 tausaga, Samoa
Michael G. (taumatau), 11 tausaga, mai Panama, e fiafia i ana vasega karate ma suesue malosi i le aoga. Na avea o ia ma se “pule aoga mo se aso” i lana aoga ona o le lelei o ona togi.
Ua leva ona avea Michael ma se faifeautalai lototoa. Ina ua faia e le Ekalesia se tulaga mo faamatalaga i se gaoioiga faavaomalo e lata i lona fale, sa tutu Michael ma ona matua i le auala e ulufale ai i totonu, ma tuu atu i tagata ni tamaitusi e uiga i le Ekalesia, ma valaaulia i latou e asiasi atu i le laulau o le Ekalesia. Na ia tuuina atu foi se kata e tuufaasolo i se aiga a se uo, ma na aoaoina i latou e faifeautalai e uiga i le Ekalesia. O loo ia tulimatai atu i le avea ma se faifeautalai.
O Se Tatalo mo le Mafanafana
Sa ou miti faalua i se tasi po e faapea na mu lo matou fale ma na mu ai mea uma. Ina ua uma sa ou matua fefe lava. O lea sa ou tatalo ai i le Tama Faalelagi ina ia aua nei ou toe faia lea miti. Ina ua ou toe moe, sa ou miti sa ou i ai i se fanua matagofie. Sa ou lagona le toafilemu, ma sa ou le toe fefe.
Nivia Angelica A., 10 tausaga, Mekisiko
Taumatau: ata na saunia e Adam Koford