Panahon sa Aklat ni Mormon

Mga Jaredita

Nilisan ng grupong ito ang Tore ng Babel at dumating sa lupain ng Amerika bandang 2200 B.C. Dumami sila hanggang noong mga 600 B.C., nang lipulin ng mga digmaan ang lahat ng tao maliban kay Coriantumer. (Tingnan sa Eter 1–15.)
Mga Nephita

Nilisan ng grupo ni Lehi ang Jerusalem noong mga 600 B.C. at nagpunta sa lupain ng Amerika. Unti-unting nahati ang kanyang mga inapo. Nang mamatay si Lehi, ang mabubuti ay sumama pahilaga sa kanyang anak na si Nephi. Nakilala sila bilang mga Nephita. (Tingnan sa 1 Nephi 1–22; 2 Nephi 1–5.)
Mga Lamanita

Nang mamatay si Lehi, ang masasama ay nanatili sa panig ng kanyang anak na si Laman at nakilala bilang mga Lamanita. (Tingnan sa 2 Nephi 5.)
Mga Mulekita

Pinamunuan ni Mulek, na anak ni Haring Zedekias, ang isang grupo mula sa Jerusalem noong mga 587 B.C. at nagpunta sa lupain ng Amerika. Natagpuan nila si Coriantumer. (Tingnan sa Omni 1:14–21.)
Mosias₁

Noong mga 225 B.C. ang mga Nephita ay naging masasama, kaya’t pinamunuan ni Mosias₁ ang isang grupo ng mabubuting Nephita papunta sa Zarahemla at namuhay kasama ang mga Mulekita. Tinawag nila ang kanilang sarili na mga Nephita. Si Mosias₁ ay naging mabuting hari nila. Si Haring Benjamin ang kanyang anak. (Tingnan sa Omni 1:12–23.)
Zenif

Noong mga 200 B.C. dinala ni Zenif, na isang Nephita, ang isang grupo patimog upang muling angkinin ang lupain ng mga Nephita. Pagdating ni Zenif at ng kanyang grupo, inalipin sila ng mga Lamanita. Kalaunan, sinugo ni Haring Mosias₂ si Ammon upang hanapin ang grupo, at napagbalik-loob ni Ammon si Haring Limhi. (Tingnan sa Mosias 7; 9–22.)
Alma₁

Dahil isinilang sa kalipunan ng mga tao ni Zenif, si Alma₁ ay naging isa sa masasamang saserdote ni Haring Noe. Ang propetang si Abinadi ay pinatay matapos niyang sabihang magsisi si Haring Noe. Ngunit naniwala si Alma₁ sa mga itinuro ni Abinadi at tumakas kasama ang isang grupo ng mga mananampalataya, at sa dakong huli ay nakiisa sa mga Nephita. (Tingnan sa Mosias 11; 17–18; 23–24.)
Ang Alma₂ at ang mga Anak na Lalaki ni Mosias₂

Noong kabataan nila, pinagtulungan ng Alma₂ at ng mga anak ni Haring Mosias₂ na wasakin ang Simbahan. Pinagsabihan sila ng isang anghel, at sila ay nagsisi. Ang Alma₂ ay naging mabuting pinuno. (Tingnan sa Mosias 27–29.) Ang mga anak ni Mosias₂ ay naging mga misyonero sa mga Lamanita. Pagkatapos ng malaking tagumpay, nagkita-kita silang muli nina Alma₂ at nagalak sila. (Tingnan sa Alma 17–26.)
Mga Tulisan ni Gadianton

Ang impluwensya ng lihim na samahang ito ng mga mamamatay-tao ay napakalakas kapag masama ang lipunan at napakahina kapag mabuti ang lipunan. Noong mga A.D. 350 naging banta sila sa kaligtasan ng lahat ng tao. (Tingnan sa Helaman 2; 6; 4 Nephi 1:42–46.)
Jesucristo

Pagkatapos ng Kanyang Pagkabuhay na Mag-uli sa Jerusalem, ang Tagapagligtas ay nagpakita sa lupain ng Amerika, nagministeryo sa mga tao, itinuro ang Kanyang ebanghelyo, at inorganisa ang Kanyang Simbahan. Sa loob ng 200 taon pagkatapos ng Kanyang pagdalaw doon, ang mga tao ay namuhay nang payapa. (Tingnan sa 3 Nephi 11–28.)
Nalipol ang mga Nephita

Unti-unting nagbalik ang kasamaan, sumiklab ang mga digmaan, at nalipol ang mga Nephita. Iningatan ng tanging nakaligtas, si Moroni, ang mga talaan ng mga Nephita at pagkatapos ay ibinaon ang mga ito bago siya namatay. (Tingnan sa 4 Nephi 1:24–28; Mormon 8:1–8; Moroni 10.)

600 B.C.

500 B.C.

400 B.C.

300 B.C.

200 B.C.

175 B.C.

150 B.C.

125 B.C.

100 B.C.

75 B.C.

50 B.C.

25 B.C.

A.D. 33

A.D. 100

A.D. 200

A.D. 300

A.D. 400

Eter

Laman

Lemuel

Mulek

Lehi

Nephi

Jacob

2 Mga Nephita

Enos

Jarom

Omni

5 Mosias₁

Benjamin

Mosias₂

8 Alma₂

Kapitan Moroni

Helaman

Nephi, anak ni Helaman₃

Nephi, ang disipulo

Mormon

Moroni

6 Zenif

Noe

Abinadi

7 Alma₁

Limhi

Misyon sa mga Lamanita

9 Mga Tulisan ni Gadianton

Samuel, ang Lamanita

Isinilang si Jesus sa Betlehem

10 Jesucristo

Nagsimula na namang magkaroon ng mga Nephita at mga Lamanita

9 Mga Tulisan ni Gadianton

11 Nalipol ang mga Nephita

Mga paglalarawan ni Taia Morley