Tokoni

Ko e Meʻa Ne Akoʻi ʻe Sīsuú

Naʻe akoʻi ʻe Sīsū ʻi ha ʻaho ʻe taha fekauʻaki mo e meʻa ʻoku totonu ke tau fai ʻi ha kole tokoni ha tokotaha. Naʻá ne pehē ʻoku totonu ke tau fakahoko pe foaki lahi ange ʻi he meʻa ʻoku kole ʻe he tokotahá. Vakaiʻi pe ko e hā ʻoku ui ai ʻeni ko e “toe ʻalu ʻi ha maile ʻe uá” ʻi hoʻo lau e folofola ʻa Sīsū ʻi he Mātiu 5:40–42.

Muimui ʻia Sīsū he ʻAhó NI

Ne u kamata fakamaʻa mo hoku tuongaʻané mo e tokouá ʻi ha pō ʻe taha e falé kotoa. Pea hū mai ʻeku tamaí ʻo talamai kuo taimi e mohé. Naʻá ku ʻā hake he pongipongí, pea pehē mai ʻeku faʻeé, “Fakamālō atu hono fakamaʻa e falé.”

ʻElisapeti C., taʻu 8, ʻAlapeta, Kānata

ʻOku ou saiʻia ke tokoni ki he kakaí. ʻI he kau ʻeku faʻeé ki ha ʻekitivitī ngāue tokoni, ʻoku ou saiʻia ke ʻalu mo ia ʻo tokoni.

“Nima Fie Tokoní”, Luisi N., taʻu 6, Siuāuā, Mekisikou

Ko e Tukupā ʻo e Māhina ní:

Fekumi ki ha ngaahi founga ke tokoni ki hoʻo faiako Palaimelí he kalasí.

Tokoni ki hao tokoua pe tuofefine ʻi ha ngāue mei ʻapi pe fatongia.

Fakaʻohovaleʻi ha mātuʻa ʻi hono fakamaʻa e lokí taʻe toe fekauʻi.

ʻOku ou fakatukupaaʻi au ke …

Tā fakatātaá ʻa paul mann mo Bryan Beach