Ko Loletana au mei ʻĪtali

ʻOku nofo ʻa e tokotaha naʻá ne faʻú ʻi ʻIutā, USA.

Ciao, amici!*

ʻOku ʻi ai nai ha hingoa fakatenetene ʻo e kolo ʻokú ke nofo aí? ʻOku faʻa ui e kolo ʻoku nofo ai ʻa Loletaná ko e Kolo Taʻengatá. ʻOku nofo ʻa Loletana ʻi Loma, ʻĪtali. ʻOku lahi ha ngaahi feituʻu ke ʻaʻahi ki ai ʻi he kolo fakaʻofoʻofa mo fakahisitōlia ko ʻení, hangē ko e Colosseum mo e Trevi Fountain.

ʻI he pongipongi ʻaho ako kotoa, hili hono lau fakataha e folofolá, ʻoku kai pongipongi ʻa Loletana mo hono fāmilí (meimei ko e siuliolo mo e huʻakau). Pea toki ʻalu ki he akó. ʻOkú ne saiʻia he ngaahi kalasi ʻātí mo e komipiutá. ʻI heʻene aʻu ki ʻapí, ʻoku saiʻia ke vaʻinga mo hono kiʻi tokoua ko Falanisesikoú.

ʻOku lau mai ʻe heʻeku faʻeé e Tohi ʻa Molomoná he pō kotoa kimuʻa pē ia pea kau ki he Siasí. ʻI he loto ʻeku faʻeé ke akoʻi kimautolu ʻe he kau faifekaú pea ʻi heʻeku fanongo ki heʻenau lau e Tohi ʻa Molomoná, naʻá ku fakatokangaʻi ia.

ʻOku tokangaʻi ʻe heʻeku faʻeé ha fefine toulekeleka ko ʻEniselina. ʻI he taimi ʻe niʻihi he ʻaho Tokonakí ʻoku ou fai ha ngaahi talanoa mo hiva kia ʻEniselina ha ngaahi hiva Palaimeli. ʻOku ou fiefia ke tokoni ki hoku kaungāmeʻa ko ʻEniseliná.

ʻI he Kilisimasí mo e Toetuʻú, ʻoku ou saiʻia ke foaki ki he kaungāmeʻá mo e fāmilí ha ngaahi meʻaʻofa ngaohi nima pē. ʻOku ou ngaohi pē ʻeku ngaahi kātí mo e ʻesiaʻi tā ke fakahū ai ha ngaahi tā makehe.

ʻOku saiʻia hoku fāmilí ke ʻalu ki he matātahí, ʻaʻahi ki he ngaahi feituʻu fakahisitōlia ʻo Lomá, pea vaʻinga ʻi malaʻe vaʻinga.

ʻOku ou faʻa tokoni ki he mali ua ʻeku faʻeé ke ngaohi ha pasta Amatriciana ki he maʻu meʻatokoni efiafí.

Tā ʻo lomá ʻa e sergey borisov/istockphoto/thinkstock. Maʻu e ngaahi fakatātā kehé ʻi he angalelei ia ʻa e fāmili ʻo loletaná