Maʻá e Fānau Īkí
Ko e Fakakaukau Lelei ʻa Uilí
ʻOku nofo ʻa e tokotaha naʻá ne faʻú ʻi Penisilivēnia, USA.
Naʻe fie maʻu ʻe Uili ha fakatātā ʻo e temipalé. Naʻá ne fie maʻu ke fokotuʻu ia ʻi hono lokí. Naʻá ne fanongo ki he pehē ʻe he palōfitá ko ha meʻa lelei moʻoni ke fai ia ʻe he tokotaha kotoa.
“Mami, naʻá ke haʻu mo haʻaku tā ʻo e temipalé?” Ko e fehuʻi ia ʻa Uilí.
Tali atu ʻa Mami, “Teʻeki ai.” Naʻá ne femoʻuekina ʻi hono tokangaʻi ʻo e pēpē foʻoú.
Pehē atu ʻa Uili, “Sai pē.”
ʻOku ʻofa ʻa Uili ʻi he temipalé. Naʻá ne ʻilo ko ha feituʻu makehe ia ʻoku silaʻi fakataha ai ʻa e fāmilí.
Ne kiʻi ongoʻi loto mamahi ʻa Uili. Naʻe fuʻu femoʻuekina ʻa Mami. Te ne maʻu fēfē ha tā ʻo e temipalé?
Ne ʻi ai leva ha fakakaukau lelei ʻa Uili. Naʻe ʻikai fie maʻu ke tatali kia Mami!
Naʻe lele ʻa Uili ʻo kumi ʻene kalá mo ha pepa. Pea tangutu hifo ʻi hono tesí ʻo kamata tā fakatātā.
Hili ha taimi lōloa, ne tuku hifo ʻe Uili ʻene kalá. Naʻá ne lele atu ki peito ʻo fakaʻaliʻali ʻene fakatātaá kia Mami.
Naʻe pehē ange ʻa Mami, “Ko ha fakatātā fakaʻofoʻofa moʻoni ʻo e temipalé.”
Naʻe talaange ʻe Viliami, “Ta ō ʻo tautau ia ʻi hoku loki mohé.”
“Ko ha fakakaukau lelei ia!” Ko e tali ia ʻa Mamí.
Tā fakatātā ʻa Thomas S. Child