Ko Hono ʻOmi ʻo e Palaimelí ki ʻApí
ʻOku Tāpuekina Hoku Fāmilí ʻe he Ngaahi Ouau ʻo e Lakanga Fakataulaʻeikí mo e Ngāue Fakatemipalé
ʻOku nofo ʻa e tokotaha naʻá ne faʻú ʻi ʻIutā, USA.
Ako lahi ange ki he kaveinga ʻo e Palaimelí ki he māhina ní!
Ne lele fiefia atu ʻa Kā ʻi he kiʻi uafú ke sio ki heʻene tamaí. Ko ha tangata toutaí e tamai ʻa Kaá, pea ʻoku faʻa lele ʻa Kā ki he vaká ke fakafetaulaki kiate ia ʻi he fakaʻosinga ʻo e ʻahó.
“Vave, Papa!” Ko e ui atu ia ʻa Kaá. “ʻOku ou fie fakaʻaliʻali atu ha fakatātā ne u tā maʻá u he ʻahó ni!”
“Sai ʻaupito!” Ko Papa mai ia. “Ka ʻoku ou fie maʻu ke u tomuʻa noʻo e vaká.”
Naʻe sio ʻa Kā ki hono noʻo fakalelei ʻe Papa ʻa e vaká ki he uafú ʻaki ha maea matolu. “Ko e hā ʻokú ke noʻo ai ʻo fuʻu maʻú?” Ko e fehuʻi ange ia ʻa Kā kia Papa ʻi haʻane fusiʻi ha foʻi nonoʻo lahi.
Naʻe tuhu ʻa Papa ki ha vaka he matāfangá ʻoku ʻi ai ha foʻi ava lahi ʻi he takelé. “Naʻe ʻikai noʻo fakalelei e vaka ko eé. ʻI he matangi fakamuimuí, naʻe homo pea taaʻi ia ki ha ngaahi foʻi maka.”
Naʻe ʻohovale ʻa Kā.
“Te ke lava nai ʻo fakakaukau ki he founga ʻoku tokoniʻi ai kitautolu ʻe he Tāmai Hēvaní ke tau ofi kiate Ia ke tau malu?” Naʻe fehuʻi ange ʻe Papa.
“Ko e folofolá?” Ko hono mateʻi ia ʻe Kaá.
Naʻe pehē ʻe Papa, “Tonu ia.” “ʻOkú Ne ʻomai foki mo e ngaahi ouau ʻo e lakanga fakataulaʻeikí hangē ko e papitaisó mo e sākalamēnití. Ne u mali mo Mama ʻi he temipalé ke lava ʻo haʻi taʻengata hotau fāmilí.”
Naʻe toʻo ʻe Kā e maeá pea tokoni kia Papa ke toe nonoʻo fakaʻosi ia. “Kuó ta nonoʻo ia ʻaki e noʻo maʻu tahá!”
Toʻohemá: Tā fakatātā ʻa Jennifer Tolman; Toʻomataʻú: Ngaahi tā fakatātā ʻa Elise Black