Te u Fiefia Nai ʻi he Ngāue Fakahokohoko Fakamotuʻaleá?
ʻOku nofo ʻa e tokotaha naʻá ne faʻú ʻi Velakulusi, Mekisikou.
Ne u kau ʻi he taumuʻa homau siteikí ke fakahokohoko fakamotuʻalea ha hingoa ʻe 50,000. Ne faingataʻa he kamataʻangá. ʻI ha taimi ʻe niʻihi, ne faingataʻa ke lau e mataʻitohi ʻi he konga ne u download, pea ne u faʻa fie maʻu ke fakafoki kae download ha konga ʻe taha. Ka ne u ʻiloʻi kapau ʻe fakakaukau pehē e taha kotoa, ʻe tuku leva e ngaahi konga ko iá ki he fakaʻosí. Ne u fakakaukau atu ki he kakai tokolahi ʻoku nau tatali mai ʻi he maama tataliʻanga ʻo e ngaahi laumālié, pea ne u fili ke hokohoko atu ʻeku feinga ke lau e ngaahi hingoa ko iá pea hiki ke tonu.
Ne u ako ke ʻofa ki he kakai ko iá. Ne mahino kiate au ne nau fie maʻu moʻoni ha tokoni, pea ʻoku tau fie maʻu foki ʻenau tokoní. Naʻe mahino lelei ange kiate au ʻoku fakakaukauʻi ʻe he palani haohaoa ʻa e Tamai Hēvaní ʻa e tokotaha kotoa. ʻI heʻetau muimui ʻi he ueʻi fakalaumālie mo e ngaahi fakahinohino ʻa ʻEne kau taki kuo filí, te tau ʻilo ʻEne ʻaloʻofá mo e ʻofa taʻe ngatá.
Kuo hoko ʻa e fakahokohoko fakamotuʻaleá ko ha aʻusia fakaʻofoʻofa kiate au. Ne u ako ke fakamahuʻingaʻi mo ʻofa ʻi he ngaahi konga lahi ʻo e hisitōlia fakafāmilí. Ne u maʻu foki ha ngaahi meʻafoaki maʻongoʻonga mei hotau ʻEikí ʻi he talangofua ki ha meʻa faingofua hangē ko e kau ʻi he fakahokohoko fakamotuʻaleá.