Notebook ng Kumperensya ng Abril 2014

“Kung ano ang sinabi ko, ang Panginoon, ay sinabi ko; … maging sa pamamagitan ng sarili kong tinig o sa tinig man ng aking mga tagapaglingkod, ito ay iisa” (D at T 1:38).

Habang nirerepaso ninyo ang pangkalahatang kumperensya ng Abril 2014, magagamit ninyo ang mga pahinang ito (at ang mga Notebook ng Kumperensya sa darating na mga isyu) upang tulungan kayong pag-aralan at ipamuhay ang mga itinuro kamakailan ng mga buhay na propeta at apostol at ng iba pang mga pinuno ng Simbahan.

Mga Sagot para sa Inyo

Bawat kumperensya, nagbibigay ng inspiradong mga sagot ang mga propeta at apostol sa mga tanong ng mga miyembro ng Simbahan. Gamitin ang inyong isyu ng Mayo 2014 o bisitahin ang conference.lds.org para makita ang mga sagot sa mga tanong na ito:

• Paano nilulutas ng Pagkabuhay na Mag-uli ang mga tanong tungkol sa tunay na pagkatao ni Jesucristo ng Nazaret? Alamin sa lds.org/go/dtc814 o tingnan sa D. Todd Christofferson, “Ang Pagkabuhay na Mag-uli ni Jesucristo,” 111.

• Ano ang kaugnayan ng pagsunod sa kalayaan? Alamin sa lds.org/go/hales814 o tingnan sa Robert D. Hales, “Kung Ako’y Inyong Iniibig, ay Tutuparin Ninyo ang Aking mga Utos,” 35.

• Anong mga pagpapala ang tinatanggap natin kapag gumagawa at tumutupad tayo ng mga sagradong tipan? Alamin sa lds.org/go/wixom814 o tingnan sa Rosemary M. Wixom, “Ang Pagtupad sa mga Tipan ay Nangangalaga, Naghahanda, at Nagpapalakas sa Atin,” 116.

Punan ang Puwang

1. “Kapag nilakipan ng panalangin, _________ ay may kapangyarihang protektahan ang ating pamilya.” Tingnan sa lds.org/go/reeves814 o sa Linda S. Reeves, “Proteksyon Laban sa Pornograpiya—Tahanang Nakatuon kay Cristo,” 17.

2. “Ang kaalaman … ay dumarating lamang sa pamamagitan ng personal na _________ at _________.” Tingnan sa lds.org/go/packer814 o sa Pangulong Boyd K. Packer, “Ang Saksi,” 94.

3. “Ang ebanghelyo ‘ ay hindi pasanin; ito ay _________.’ Pinapasan tayo nito.” Tingnan sa lds.org/go/stevens814 o sa Jean A. Stevens, “Huwag Kang Matakot; Ako’y Sumasaiyo,” 83.

4. “Ang pagsunod … ay pagpili sa pagitan ng _________ at sa walang-hanggang karunungan at kapangyarihan ng Diyos.” Alamin sa lds.org/go/perry814 o tingnan sa Elder L. Tom Perry, “Pagsunod sa Pamamagitan ng Ating Katapatan,” 103.

Mga sagot: 1. ang Aklat ni Mormon; 2. panalangin, pagninilay; 3. nagpapagaan ng pasanin; 4. ating limitadong kaalaman at kakayahan

Humayo at Gawin

Hiniling sa atin ni Pangulong Thomas S. Monson na “[pag-ukulan] natin ng oras na basahin ang mga mensahe sa kumperensya kapag … nailimbag na ang mga ito sa mga magasing Ensign at Liahona, dahil marapat basahin nating mabuti at pag-aralan ang mga ito.”

Mula sa “Hanggang sa Muli Nating Pagkikita,” Liahona, Mayo 2014, 115.

• Pag-asa

• Unahin ang mga Batas ng Diyos

• Pagmamahal, pag-ibig

• Ang Priesthood